سفرتي للمغرب تاريخ 2/5/2017

jree7 Q8 · 2017-08-11T10:50:03+00:00

اسعد الله اوقاتكم بكل خير ومحبه رحلتي الى المغرب كانت يوم 2/5/2017 وصلت في هذا التاريخ الساعه تقريبا الساعه السابعه صباحا خلصت اموري كلها وكنت حاجز من مكتب سياره موديل السنه بسعر معقول وتعامل راقي مشيت لفندق دي لكورنيش فعين دياب حجزت ليله وصلت الفندق تقريبا الساعه 10 ونص صباحا شاور ونزلت للوبي واتاي وحلسه فاللوبي لاني مابي انام الا بعد العشى على شان اصحى الصبح وامسك طريق رحلتي المهم يوم جت الساعه ثمان ونص بالليل قلت مابدهاش بئه وتعشيت وصعادت لغرفتي ووينك يافراش طبعا مع حبتين بندول نايت وصحيت الساعه تسع الصباح فطرت وسويت جيك اوت وطلعت من كازا مريت الرباط للسلام على صديق وصلت الرباط 11 و45 تقريبا الصباح وتقابلت مع صديقي ومسكني على الغدا وحلف وماتركني تغدينا وتقهوينا وسلمت عليه وعلى فاس حجزت في الشيراتون ست ليالي طبعا فاس صار نقطت السنتر لي وصلت فاس الساعه تقريبا 8بالليل او بالاصح وصلت الفندق لقيت حجزي كالعاده تعشيت ونمت وصحيت الصباح فطرت بالفندق وعلى ايفران وصلت ايفران الساعه 1 الظهر تمشيت فيها وكان جوها حلو جدا بس يوم تغديت متاخر وكملت اتمشى لفحني برد مو براد لا بررد ورجعت للفندق وثاني يوم على مولاي يعقوب واخذت حمام فالكبريت متعه والله تشوف العالم مع اولادهم وشباب يلعبو فالماي ورجعت وانا راجع من مولاي يعقوب كان فيه بيراج (نقطة تفتيش ) درك وناسي مو رابط حزام الامان وقفوني طلب الاوراق قالي انت مخالف مو رابط حزام الامان قلت نسيت واسمحلي سكت هو قلت ضروري المخالفه قال لا مو ضروري مسكت مية درهم وعطيته قالي شنوو هذا قلت قهوتكم قال بس ميه عرفت انه استغلالي قلت اسف هات الميه اعطانياها قلت دير ليا مخالفه دابا قال واخا راح وانا فالسياره طول نزلت جيته وهو فسيارة الشرطه جالس قلت لو سمحت عطلتني عطني المخالفه وخليني امشي قالي مالك مستعجل يبي ياخذ ويعطي معاي قلت لاحول ولا قوة الا بالله انت سو شغلك ولاتفتحلي تحقيق يا اخي يامحترم انا مخالف نسيت نشط السمطه دير ليا مخالفه وصافي كتب المخالفه حطها على فخذه قالي تعال وقع ولما اجي اوقع لازم انحني لداخل السياره قلت اسمح لي انا ما اوقع على شي ماقريته رفع راسه ليا وقال شد اقرا قريت مخالفه لحزام الامان قيمتها ثلاث مية درهم عطيتهم واخذت اوراقي وابتسمت ومشيت نكمل لكم بعد مانريح طلعت متعبه التقارير [emoji23][emoji23]

كنبغيك

مزعوط نشيط

المشاركات: 99

تاريخ التسجيل: Jun 2014

2017-08-13, 08:36 AM

المشاركه #1

رحله كلها نوم وبنادول نايت ههههههه امزح معك تقرير جميل وطنجه واعراه بس ماكو سهر عليه الكلام

تركي الأول

مزعوط خبير

المشاركات: 4,896

تاريخ التسجيل: May 2016

2017-08-13, 03:42 PM

المشاركه #2

اقتباس:

المشاركة الأصلية كتبت بواسطة كنبغيك

رحله كلها نوم وبنادول نايت ههههههه امزح معك تقرير جميل وطنجه واعراه بس ماكو سهر عليه الكلام

ما قلت مزح
ما قلت غير الصحيح

الممتع في القصه قصة الحولي

__________________
كل ما جيت أبسلى عن غرامك وأتوب ... جددت جرح قلبي كل نسمة هبوب...

jree7 Q8

مزعوط نشيط

المشاركات: 95

تاريخ التسجيل: Feb 2017

2017-08-14, 08:17 AM

المشاركه #3

اقتباس:

المشاركة الأصلية كتبت بواسطة تركي العالي

ما قلت مزح
ما قلت غير الصحيح

الممتع في القصه قصة الحولي

باخوك انا بالمغرب صعب نومي لازم البندول نايت معي
وانتو يالربع تبون سوالف شفتها وشافتني وحبيتها وحبتني ومن هالسواف انا اتحفظ فيها حيييل ولا احب اذكرها

تركي الأول

مزعوط خبير

المشاركات: 4,896

تاريخ التسجيل: May 2016

2017-08-14, 01:27 PM

المشاركه #4

اقتباس:

المشاركة الأصلية كتبت بواسطة jree7 Q8

حنا نحب سوالف الحب والعشق والمغامرات

قمت وسكننت واكلت ونمت ولبست ومشيت وشديت الطريق ...الخ

هذي سولف بها عند شيبان ديرتك ليا رجعت

--------------------

__________________
كل ما جيت أبسلى عن غرامك وأتوب ... جددت جرح قلبي كل نسمة هبوب...

jree7 Q8

مزعوط نشيط

المشاركات: 95

تاريخ التسجيل: Feb 2017

2017-08-14, 06:07 PM

المشاركه #5

اقتباس:

المشاركة الأصلية كتبت بواسطة تركي العالي

حنا نحب سوالف الحب والعشق والمغامرات

قمت وسكننت واكلت ونمت ولبست ومشيت وشديت الطريق ...الخ

هذي سولف بها عند شيبان ديرتك ليا رجعت

--------------------

تركي قلبك خضر انت وكل خشفن تتله

يخي والله احترم مشاعر العالم واخجل اقول سويت وعملت وجيت وجت انا يالغالي اول تقرير لي واعتقد بيكون الاخير هدفي من التقرير انه المزاعيط يعتمد على نفسه انا اول مره ازور طنجه والحين اعرف وين اسكن ان بقيت شقه بدون سمسار وبدون عوار راس

رامي الغالي

مزعوط خبير

المشاركات: 4,134

تاريخ التسجيل: Jul 2017

2017-08-14, 04:06 PM

المشاركه #6

اقتباس:

المشاركة الأصلية كتبت بواسطة jree7 Q8

اعظم الله اجركم واحسن الله عزاك يالكويت بوفاة ابو عدنان
ثانيا يا جريح انت في فضاء غير واقعي. ففتح قلبك واكتب كل اللي بخاطرك بدوم مجاملة دامه مافي غلط بحق احد

افتح قلبك واسرد القصه كامله ؟؟

__________________
.

jree7 Q8

مزعوط نشيط

المشاركات: 95

تاريخ التسجيل: Feb 2017

2017-08-14, 04:43 PM

المشاركه #7

اقتباس:

المشاركة الأصلية كتبت بواسطة sbahman

اجرنا واجرك والله يرحمه ويسكنه الجنه وشكرا لعزائك
حتى لو في فضاء غير واقعي انا يالغالي من طبعي حتى مع اصحابي فالواقع ماحب اذكر امور ماتنفعهم وامور خاصه فيني انا. اللي خلاني اكتب هالتقرير ابي المزاعيط يعتمدون على نفسهم مثلا شلون دبرت سكن الشقه وانا اول مره ازور طنجه اعتمدت على نفسي وسولت لين دبرت امري هذا المغزى لكتابت التقرير

علي عبدالرحمن

مزعوط نشيط

المشاركات: 53

تاريخ التسجيل: Dec 2016

2017-08-14, 05:28 PM

المشاركه #8

اقتباس:

المشاركة الأصلية كتبت بواسطة jree7 Q8

كلامك جميل ويختصر على بعض الجدد وبعض الي يحسبون انك لازم تنحد على بعض السماسره والا تبي تنام بالشارع وانهم هم الي صح . استمر تراني متحمس ومتشوق لباقي قصتك ونكبتك الى ادورها وللحين ماجت وكيف رده فعلك فيها ياعني متحمس وبسس ههههه

jree7 Q8

مزعوط نشيط

المشاركات: 95

تاريخ التسجيل: Feb 2017

2017-08-14, 05:55 PM

المشاركه #9

اقتباس:

المشاركة الأصلية كتبت بواسطة علي عبدالرحمن

هلا وغلا بخوي علي شرايك فيني وانا متخذ اسلوب التشويق

النكبه زينه وشينه بنفس الوقت اليوم بحاول اخلص هالتقرير طلعت شغلته شغله التقرير متعب

وفعلا انا الهدف من تقريري ابي المزاعيط يعتمدون على نفسهم اذا ملقى شي يناسبه من المعلنين فالمنتدى
شكرا لمرورك وتعليقك اخوي علي

️

المواضيع المتشابهه للموضوع: سفرتي للمغرب تاريخ 2/5/2017
الموضوع	آخر مشاركة
السفر للمغرب خلال 2017 - 2018	2019-06-14 11:17 AM
خوي للمغرب بشهر اغسطس 2017	2017-07-25 01:09 AM
¥¥ رحلتي تاريخ 12/7/2017 الي طنجة هل من سكن مناسب¥¥	2017-07-11 05:14 PM
اكتب تاريخ اخر رحله للمغرب وكم مره رحت للمغرب	2017-04-26 02:05 AM
سفرتي من تاريخ 13 _9 _2011 الى 9_10 _2011 27 يوم	2011-11-15 02:07 PM

عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب

سفرتي للمغرب تاريخ 2/5/2017

روابط سريعه

الذين يشاهدون محتوى الموضوع الآن : 1 ( الأعضاء 0 والزوار 1)