هزمتني امرأه

الحلقه الرابعه
اليوم السفر
صحيت بدري شوي عشان اجهز الشنطه وصحت معي وساعدتني

جلست انتظر السايق اللي راح يوصلني مطار كازا وجلست تنتظر معي
والشباب نايمين
جاء السايق ودعتها ووعدتها اتواصل معها وهو الوعد الذي لم اصدق فيه يوماً فالعادة جرت ان اكسر الشريحه في مطار كازا وامسح جميع الرسائل الواتس والنصيه واسوي فورمات للمخ اذا رجعت الرياض

فعلاً كنت شجاعاً وكسرت الشريحه بعد اخر مكالمه وكانت في المطار ومسحت كل شي


رجعت للوطن

جلست اسبوع مشغول جداً وناسي ومش ناسي

.

*ملاحظه في مراكش كنت استخدم جوالي السعودي للواتس

بعد اسبوع لقيت رساله

مديحه - صباح الخير
انا - صباح النور
رغم ان الرقم مغربي بدون اسم لان الاسماء محذوفه من عندي إلا اني لم اتوقع غيرها

مديحه - شخبارك ؟
انا - بخير الحمدلله

الكثير من الدردشه العاديه والروتينيه للاطمئنان

فجأه
مديحه - صوره لها تجلس في بلكونه بلبس رياضي وبعدها اشتقت لك
مديحه - ماوودك ترجع للمغرب ؟
انا - ضحكه طويله وبعد توي راجع
الصيف القادم ان شاء الله اجيكم
مديحه - واذا توك راجع ماتجي يعني
انا - ايه مداوم وماعندي فرصه ابدا غير مره وحده في السنه
مديحه - الصيف في اوله والاجواء هنا حلوه وزحمه
تعال

انا - ضحكه طويله اخرى وداخلي اقول ياليت
انا - اصلاً مراكش حالف ماعاد اجيها مره ثانيه
مديحه - عادي تعال واجيك كازا

.

انا قفلت المحادثه واخذتني الافكار والهواجيس الوضع مريب جداً
حب مستحيل تحبني للدرجه هذي وبالسرعه هذي
خرفنه انا قايلها اني مطفر وجاي بجمعيه ما استلمها مره ثانيه إلا الصيف الجاي

قطع حبل افكاري اتصال من رقمها

مكالمه طويله في اخرها انهرت ووافقت اسافر
الاتفاق كان انا نسكن في كازا
وانها ماتبي شغاله معنا والسهر في الفله
وهي بتطبخ وتنظف المطلوب فقط اعبي المطبخ من كارفور
وقالت جمله غريبه لم اتوقف عندها كثيراً في وقتها لكن اخذت يوم افكر فيها بعد المكالمه
وقالت من ناحية المصاريف لاتشيل هم اعتبر معك واحد من اخوياك والمصروف بالنصف بيننا

المهم بعد المكالمه دخلت موقع الخطوط وحجزت ترانزيت لاول مره بعد ثلاثة ايام والرجعه دايركت بعد اسبوع
وراسلت صاحبت شقه حلوه في المعاريف وحجزت الشقه وكل شي تيسر

سبحان الله كل شي يقول لازم تروح
إلا العقل وانا لا اثق في العقل في مثل هذه الامور لان له حسابات خاصه العواطف فيها ملغيّه
احياناً لا مجال للتفكير ولا مكان للعقل حكم قلبك لتكن سعيداً حتى لو كانت هذه السعاده مؤقته ولفترة محدوده

غداً باذن الله الحلقه الخامسه
السفر لكازا

ضرب من الجنون
و
العشق فنون
قصه مشوقه لكن لا تتاخر علينا .

مافيه تأخير ان شاء الله
كل يوم حلقه طويله

شكلنا تونا راح ندخل الاحداث الدسمة
مدري ليش وانا اقرا عورني قلبي
ع العموم مقعدي حجزته بالصفوف الأمامية
تقبل مروري
دمت بود

__________________
انا تعبت اتخيّلك وايّاي ..
مدري متى بستوعب الفرقى ؟

سلامة قلبك
و تنورين الحته

نابت بصمت اويلي وصافي

صافي

تمنيت لم اعد
و اني غبت أكثر
لكي لا اقف في منتصف الطريق
موجود بالقرب حتى تكتمل الاحداث

لايمكن سرد الحكايه كامله من مرة واحده حتى لاتفقد جمال احداثها
الصبر الصبر يالغالي برق

متابعة وانتظر التتمة علي احر من الجمر