عندي استفسار غريب بس مهم ههههه

المشروب تقدر تشحنة بالطيارة بشنطة إضافية و الله يعينك على الوزن أو توزع على أخوياك كل واحد يشيل 8 علب بشنطتة لك
أو عن طريق البريد السعودي بس مدري كم ياخذ وقت الى ما يوصل هناك
__________

الفحم أنا مو فاهم إلي معك فحم طبيعي ولا صناعي ؟
لأنه الصناعي عادي أتذكر فتشوني ولا قالوا لي شئ
و كأني فهمت من كلامك انه الفحم الطبيعي الجمارك يمنعونك تدخل به المغرب ؟!

مره حبيبي كنت مسافر للفلبين وأخذت معي صندوقين عصير فراولة وخيشتين جمر لي وللشباب اللي معي كلهم يشيشون غلفتهم وانا معي عضوية الفرسان السلفر يعني معي حتى وزن اضافي ماعندك مشكلة المهم جيت بمطار عرعر بشحنهم جوني العسكري وقالوا لي ممنوع قلت يابن الناس عادي وكل المطارات اشحن عن طريقهم المهم انه منع عدل بدل يابن الاوادم رفض الرجال اضطريت اتصل على واحد من الشباب ماسافر معنا قلت تعال خذ الاغراض كرتونين غلفتهم واحد فحم والثاني عصير خذهم ودهم للإستراحه وفعلاً هذا اللي صار جاء وأخذهم ... المهم ان المشكلة بمطار عرعر متخلفين عندنا بشكل رهييييب وخاصة ليا جاك مطوع مايصير امشيك اصلاً هذا منكر فحم شيشه رح عاد تفاهم معه

انظمه المطارات بالسعودية كلها واحد بس معك حق تفرق من مطار الى مطار من ناحية التعقيد

لكن فيه حل انت اكيد بتطلع للمغرب يامن الرياض او جده
ادا تقدر تخلي حجزك يبدا من الرياض لكازا وتجي قبلها
وتشتري اغراضك هذي من الرياض وتقلع هذا حل مادري زين لك ولا

الحل هذا زين لكن متعب لأني اضطر اجي للرياض بسيارة عشان أشحنهم لأن اذا كانت طياره فتصير هيا هيا نفس الشي يعني اشحنهم من مطار عرعر عادي بس المشكلة كلها بالمعقدين عندنا بمطار عرعر فلو سويت حلك أجي بسيارة وأشحنهم من الرياض وأطلع من الرياض فتصير شوية متعبه

صاادق معك حق
مالك الا اجل تجيبهن معك وتحاول تدخلهن مره ثانيه واذا عيى المطوع اللي تقول تمسكه وتجلده بلي الشيشه الين يتوب

يعني تخيل لما رجعوني آخر مره قلت طيب الفحم يمكن نختلف انا وانتم عليه لأني انا اشحن بغير مطار عرعر وانتم هنا تمنعوني يعني نختلف عليه اوكي لكن العصير بأي حق تمنعه ؟ قالي سوائل قلت ياسلام وماء زمزم طيب اللي الناس تشحنه هذا وشو سراميك ؟ ضحك وقال ممنوع قلت هذي مزاجيه ومشى من عندي المهم هنا معقدين بشكل مايوصف عشان كذا قلت بشحنهم شحن للمغرب وباقي أغراضي اجيبها معي بالطياره عادي لكن برضوا المغرب معقدين من ناحية الشحن عشان كذا شكلي بسحب على السفره من راسها والله طابت نفسي الله يقلعهم هههههههههههه

يارجال اسمع من راي انا ان المغرب تستاهل التضحيه عادي ضح بطقوسك هذي حقت الشيشه

وشيشه بالمغرب ترى ماهي شينه خصوصا شيشه الw حلوه
ياخي ترى الاجواء هناك تنسيك كل هالسوالف

شحنتهم بشنطه ولا بكرتونها ؟

لأني مره خذيت فحم طبيعي حدود ٢ كيلو كانت سفره خفيفه لاوربا و حاطهم داخل الشنطه مع الشيشه وصلت لمكاني ولا احد قال لي شئ

يعني ممكن لو تخلي الاغراض بشنطه محد يقول لك شئ