عندي استفسار غريب بس مهم ههههه

المشاركة الأصلية كتبت بواسطة wael_alenazi

الحل هذا زين لكن متعب لأني اضطر اجي للرياض بسيارة عشان أشحنهم لأن اذا كانت طياره فتصير هيا هيا نفس الشي يعني اشحنهم من مطار عرعر عادي بس المشكلة كلها بالمعقدين عندنا بمطار عرعر فلو سويت حلك أجي بسيارة وأشحنهم من الرياض وأطلع من الرياض فتصير شوية متعبه

المشاركة الأصلية كتبت بواسطة azoz108

انظمه المطارات بالسعودية كلها واحد بس معك حق تفرق من مطار الى مطار من ناحية التعقيد

لكن فيه حل انت اكيد بتطلع للمغرب يامن الرياض او جده
ادا تقدر تخلي حجزك يبدا من الرياض لكازا وتجي قبلها
وتشتري اغراضك هذي من الرياض وتقلع هذا حل مادري زين لك ولا

المشاركة الأصلية كتبت بواسطة wael_alenazi

يعني تخيل لما رجعوني آخر مره قلت طيب الفحم يمكن نختلف انا وانتم عليه لأني انا اشحن بغير مطار عرعر وانتم هنا تمنعوني يعني نختلف عليه اوكي لكن العصير بأي حق تمنعه ؟ قالي سوائل قلت ياسلام وماء زمزم طيب اللي الناس تشحنه هذا وشو سراميك ؟ ضحك وقال ممنوع قلت هذي مزاجيه ومشى من عندي المهم هنا معقدين بشكل مايوصف عشان كذا قلت بشحنهم شحن للمغرب وباقي أغراضي اجيبها معي بالطياره عادي لكن برضوا المغرب معقدين من ناحية الشحن عشان كذا شكلي بسحب على السفره من راسها والله طابت نفسي الله يقلعهم هههههههههههه

المشاركة الأصلية كتبت بواسطة wael_alenazi

مره حبيبي كنت مسافر للفلبين وأخذت معي صندوقين عصير فراولة وخيشتين جمر لي وللشباب اللي معي كلهم يشيشون غلفتهم وانا معي عضوية الفرسان السلفر يعني معي حتى وزن اضافي ماعندك مشكلة المهم جيت بمطار عرعر بشحنهم جوني العسكري وقالوا لي ممنوع قلت يابن الناس عادي وكل المطارات اشحن عن طريقهم المهم انه منع عدل بدل يابن الاوادم رفض الرجال اضطريت اتصل على واحد من الشباب ماسافر معنا قلت تعال خذ الاغراض كرتونين غلفتهم واحد فحم والثاني عصير خذهم ودهم للإستراحه وفعلاً هذا اللي صار جاء وأخذهم ... المهم ان المشكلة بمطار عرعر متخلفين عندنا بشكل رهييييب وخاصة ليا جاك مطوع مايصير امشيك اصلاً هذا منكر فحم شيشه رح عاد تفاهم معه

المشاركة الأصلية كتبت بواسطة تركي الأول

اذا جراك ، الاطيب لك تقلب دخان ولا معسل

الجراك صعب تلقى فحم يولعه لك هناك فحمهم تعبان ما يولع معسل

انا نفس وضعك اشيش جراك ، واخذتها لاندونيسيا والله لايعودها بهذلتني في شيلها وبهذلني الفحم لدرجة اني خليتها هناك وهي عشيرتي 10 سنين

عموما الشحن مكلف ، ونصيحي دخان ولا معسل هو الحل الانسب لك

المشاركة الأصلية كتبت بواسطة coolmindDude