لخبراء مصر

المشاركة الأصلية كتبت بواسطة شموخ كازا

الحمدالله علي سلامتك

المشاركة الأصلية كتبت بواسطة Mohd Alhmodi

حمدلله ع السلامه يا باشا

بانتظار المسلسل المصري

بص خضرتك < يعني بدا يجهز لك نصبه
وحكايه

المشاركة الأصلية كتبت بواسطة broken-arrow

مسا الخير ع الجميع

بحمدالله رجعت يوم الاثنين اللي راح بعد سفره ممتعه مع طيري المغربي ...كانت فيها شوي منغصات وفيها متعه اكبر لكن نحكيكم كل شي بعد اخذ قسط من الراحه والتفرغ قليلآ ....نشوفكم على خير

المشاركة الأصلية كتبت بواسطة broken-arrow

نكمل
طبعا ريحنا شوي في الشئه لين صارت الساعه ١٢:٣٠ وبقدرة قادر اصبح السمسار صاحب المكتب هو سواقنا الخاص يعني فرض نفسه علينا بطريقه غير مباشره، والسواق اللي جابنا من المطار طبعآ قعد معانا لين استلم حقه غير حق توصيلنا من المطار اتوقع اننا استلمنا الشئه الساعه ١١ بالليل تخيولو من وصلنا المطار الساعه ٥:٣٠ العصر وحنا في دواره وزحام و في مكتب السمسار لين الساعه ١١ بالليل
طبعا الشقه سعرها باليله 110 دولار في 4 ايام= 440 دولار في 3.75 ريال في 4.70 جنيه= يساوي تقريبآ 7755 جنيه في ٤ ايام.
طبعا سواق الغفله سألناه وين احسن نايت كلوب قال الذهبيه ودانا الذهبيه وخذينا طاوله ورا شوي طبعا حنا ما نشرب فطلعت علينا الطاوله مع العشا ووحده شيشه 1250 جنيه. طبعا انا كرهت حياتي زحمه مره والاكل لك عليه جابو لنا مشاوي ومع الوقت بدا يزدحم المكان ع الساعه ٢ ماعاد فيه مكان تقعد فيه صحيح انا اشيش بس مع الزحمه وكثرت المدخنين وضيق المكان صار النايت كلوب مبخره من الشيشه صرت اضطر ان كل شوي اطلع بره اشم شوية هوا لكن المصيبه داخل مبخره وبره كربون السيارات مالي الشوارع ما ادري العالم كيف تننفس عموما شكلي المره هذي باخذ معايا اسطوانه اكسجين في السهره وفي الشوارع ههههههههههههههه . المهم بدا ربعنا الخليجيين المهايطيه واعتذر من اي شخص يزعله هالكلام بدو في شغل التنقيط والكارثه تنقيط عليه منت عارف. الراقصه من ذوي الاوزان الثقيله هههههههه الطيور الموجوده على الاستيج واعتذر من طيورنا الجميله على التشبيه، مزيج بين الجوارح والخفافيش لا وجيه تفتح النفس و اجسام طغى عليها الترهل. طبعا اكثر شي ضايقتي الاطفال اللي يلمو النئطه تلقاه يحشر نفسه تحت الطاوله وتحت الكرسي عشان يلم النئطه ويدفدف فيك عشان الكم ملطوش اللي يلمهم الحقيقه مكان جلوسي كان سيئ وحاولت اغيره ما قدرت ماعاد فيه مكان. حاولت في خويي اننا نمشي بس ماييبي مدري وش اللي عاجبه في القعده. طلعنا الساعه ٤ الفجر من النايت كلوب الزباله الله يكرمكم واللي لا يمكن ارجع له مره ثانيه، و بعد مشاده مع واحد من الجرسونات اللي كان يخدم علينا والله لا يوريكم من خدمه زباله. المشاده كانت على الحساب عطيته حساب الفاتوره 1250 حسب المتفق عليه. طبعآ نسيت اقولكم ان هالجرسون جاني كم مره وبكل وقاحه هو وواحد ثاني يخدمون ع الطاوله يقول اكرمنا انا والراقل ده قلت انا اكرمكم انت والراقل ده على ايه قال خدمة الطاوله قلت هذي شغلتك انت وايا ومالك فضل روح عند اللي مشغلك يعطيك حقك رالا اكراميتك قال لازم تكرمنا ميصحش كدا قلت اقلب وجهك انت وياه واذا بغيت اعطيك راح اعطيك بمزاجي وقال طيب اعطينا قلت له اوقح من كذا ما مر علي يالله انقلع انت واياه المهم انهم راحو طبعا بعد ما حاسبتهم انا اثر خويي بخششهم وانا ما ادري خويي اول مره يروح مصر وما يعرف لكاعتهم ووقاحتهم ولمن صارت المشكله على الحساب قال خويي انه بحششهم الاثنين والصراحه اني زعلت منه مره ووبخته لكن تذكرت امه مايعرف اسالبيهم المهم تصدقو ان الجرسون الوقح بعد ما حاسبته وراح رجع يدور حيله ثانيه الا يبي ياخذ فلوس بأي طريقة كانت فراح عند خويي ما جا عندي وقالع الحساب ناقص حق الشيشه ١٥٠ جنيه وقال لي خويي يقول الحساب ناقص حق الشبشه ١٥٠ جنيه قلت له اتفاقنا معاهم1250 جنيه مع الشيشه قال صح قلت انا عطيته 1250 جنيه قالي خويي يقول ناقصه حق الشيشه قلت طيب ليه راح ورجع الحين ليه ما تكلم من اول المهم قلت خله يجيني وجاني وعاد علي نفس الكلام قلت له انا عطيتك 1250 جنيه بالكامل وبدا يبي يسوي علي افلام قلت له روح انقلع جيب مديرك والله فعلا راح ناداه وقلت له احنا اتفقنا معاك ع 1250 جنيه مع الشبشه قال مضبوط ياباشا قلت له عطينه حقه كامل وراح وبعدين رجع يقول ناقص حق الشيشه قال لي المدير انا اعتذر منك والله يستر عليكم وبالنسبه للجرسون راح نتفاهم معاه.