استفسار عن عدم تسليم السيارة لمكتب الإيجار

مجربين مطار كازا و الموضوع صار لصاحبي و شدوه اول ما نزل المطار و تم اخفاء السيارة لمدة ٨ شهور ورفع قضية عليه وتم الحكم غيابي خيانة الأمانة و مشى للكمسرية الي في كازا و حبسوه ٥ ايّام الى ان سدد ٦٨ الف درهم مغربي
هذا و الله على ما أقول شهيد

كلامك سليم ..ز اعتقد انهم مازالوا يحسبون علية الايجار اليومي، بحكم عدم استلامهم لمفاتيح السيارة، وراح يتشد اول ما يدخل مطار كازا

الحل الافضل له انه يجدد الجواز ، لأن رقم الجواز راح يتغير بالتجديد ، واذا صدر علية حكم لا سمح الله راح يكون على بيانات الجواز القديم.

المغرب لا يعتمد على بصمة الاصبع او العين لتسجيل الدخول او الخروج

كلامك صحيح

اخوي في شي غلط منكم
السالفه تحصل لكن بما ان صاحبك عارف بالديره
اذا انت مستاجر سياره اكسنت وما اعجبتك رجعها فيه اكثر من مكتب
الشي اللي بوضحه
كل شخص يستاجر سياره ينظر لعدة اشياء معينه
البنزين وبتلقاه فاضي خلصنا منه
المكيف وانت واقف بتشغله وبتعرف في ثواني
الشواحن واكيد كل شخص يشيك عليها وما يبي لها وقت
المسجل والوصلات والسي دي كلها تشيكها بلحظه
الكفرات خصوصا اذا بتمسك خط
كل هالامور بدائيه فالحرص
بالنسبه لصاحبك يحمل نفسه قانونيا الا اذا طلع المكتب ابن حلال
والا من حقه تركها موقوفه واحتساب الاجر عليك
كيف تستلم سيارة وتنطلها بالمواقف الا اذا تعرفه ولك تعامل سابق
فيه عقد بينكم وصور رخصة القيادة والجواز لابد من استلام ورقة تسليم السياره

وبعدين يا اخي معنا بالمنتدى وتاخذ من برا يا كثر المعلنيين سيارات وعروض اقل من المكاتب

اخوي الدري الواعر
عدم تسليم السياره يترتب عليها امور منها استمرار العقد مفتوح طول المده الماضيه

حتى لو السياره تم تأجيرها الف مره بعد صديقك
مشكلته فقط بالعقد واستمراريته

فالاجابه على سؤالك صعب تلاقيه بالمنتدى هنا

لانه الجميع بيجاوبك اجتهادات بتخمين وافتراض

هذه مسألة قانونيه قد يترتب عليها سجن وخلافه عند العوده للمغرب واشياء لاتجمد عقباها

الافضل والانسب لصديقك يحاول يتذكر اسم المكتب واذا هو ناسي اسم المكتب يحاول يتذكر موقع المكتب بالمطار ويفيدك احد المعلنين بمكاتب التأجير بالمطار هنا بالموقع عن اسم المكتب
ويتواصل صديقك مع المكتب ويعمل تسويه وديه معهم وتكون تسويه (( خطيه )) من المكتب بعدم وجود مستحقات ماليه عن (( العقد )) ولايوجد مطالبات ( ماليه منهم )
مذكور فيها نوع السياره ورقمها ورقم العقد

هاذا الحل ولا تاخذ غيره ولا تجازف وتجي لين ما تتاكد

صباحك عسل
سبب عدم تسليمهم السيارة يقول لنصبهم عليه
وأعطاه سيارة غير صالحة للاستخدام
وعدم تعاونهم معه في حل مشكلته
هو دفع ايجار السيارة لكامل المدة فترة تواجده في المغرب
وهذا سبب عدم تعاونهم معه الدراهم معهم ولا عليهم بالعميل
شكرا لك الله يعطيك الصحه يا صاحبي

__________________
مشتاق للمغرب ولي قلب حساس

صحيح كلامك بس هو غادر المغرب
و كذلك مدفوع قيمة الايجار كاملة
و السيارة في مواقف المطار
ولاتنسى التسليم والاستلام بمواقف المطار

__________________
مشتاق للمغرب ولي قلب حساس