مسافر للمغرب 1 نوفمبر احتاج مساعدتكم

فيه نقطه مهمه بعض الناس يفكر اي شخص يقول مصروفه الكل راح يكون مثله وهذا غلط
والمثل يقول مد رجولك على قد لحافك


مثلاً

انا أسكن بفندق قيمته 1600 درهم من غير دخول الضيوف والسبب اني احب اسافر لحالي وارتاح نفسيا بالفندق

انت ممكن تسكن في شقه قيمتها 500 درهم


انا اركب سياره قيمتها تقريباً 1600 درهم


انت ممكن تركب هونداي قيمتها 300 درهم وعلى فكره جربتها يوم


انا احب الاكل المغربي والمعجنات الإيطالية والاكل الشرقي وهذا كله تلقاه بالمولات او ع الشاطئ


انت ممكن تتغدا وتتعشى وتفطر معلبات تجيبها معك من الديره



انا يومياً أسهر ومعي ضيوفي واتوقع تكلفه السهر بالميت والمعرفه والتوصية تتراوح الطاوله من 3000 الى 4500 درهم وياكد على كلامي الناس الي تعرفني بالمنتدى
وممكن تجي انت تأخذ نفس الطاوله ضعف المبلغ وهذا يعتمد على المعرفه



انت ممكن تسهر 200 درهم قيمة مشروب


وقيس على ذلك أشياء كثيره


انا يمكن اختلف عن مصروفك حتى داخل الديره لذلك كل شخص وله لَبْس يلبسه




الكلام هذا ماقوله تعالي او مهايطه والعياذ بالله
لكن انا إنسان كذا احب أمتع نفسي بعد تعب وضغوط عمليه مده معينه


بالنهايه انا كتبت الحكي القديم من منظور عناي حبك وكيف صرفه


ماكتبته لفلان وافلان عشان يحرم نفسه لا يركب او يأكل او يفرفش لذلك قبل تنتقد كلامي او شخصيتي فكر بمقاسك وصرفك انت




مداخله
فيه ناس اعرفهم صرفهم باليوم يتعدى 20000 درهم بالله وش تقول عنهم
مجانين؟؟؟

بالعكس حريه لهم وشارين راحة رأسهم وقلبهم

تقبلوا كل ودي

سو الي تبيه بس اعزمنا فديتگ

حاضرين للطيبين

تسلم حبيبي قلبي
حبيت امازحك في زحمت المناقشه عن الميزانيه فقط

انت الحين ورا كل تعليق برد لحالة ... او ان العقل ماعاد يجمع ... ما الومه والله مادام ... يعصرونك عصر بكل رحلة

اولا با سيدي انا مالي بصفوفك ومدارسك اللي صنفت فيها المسافرين باسلوب مهايطي لا يقبل الشك،حتى وان حاولت تبين عكس هالشي، سواء تحب تسافر لحالك وماتحب احد معاك، و لا تسهر بـ5000 او مليون، هذا شأنك انت شخصيا وخصوصا القويين اللي مثلك!! ولا يعني للباقين شيئا، لا من قريب و لا من بعيد. و خصوصا اللي من جيلي، انا زرت المغرب 1993م ،اشتغلت في سفارة الرباط لمدة 5 سنين ايام المبنى القديم اللي عند الدوار ،مادري انت وقتها تحبي على الارض او توك ما نولدت، و ماحتاج للسكن في فندقك ابو 1600 و لا مرمطة سماسرة الشقق، بالنسبة لي عندي سكن ملك في مكناس وازورها من 3 الي 4 مرات سنويا حسب الوضع سواء للعمل او زيارة الخوال،وفيه ناس بالمنتدى يعرفون هالشي زين.
ما يحب الواحد يتكلم عن نفسة، او يحول موضوع طلب استفسار الي موضوع يتحدث فية عن شخصه.لكن مفاهيمك للخبرة تستحق التصحيح .
طلب اخير ، لا تسوق أسلوبك القوي مرره بالسفر ... احتفظ فية لنفسك لانة يعطي انطباع للاخرين ان هاذي احوال الديرة، و هو بتفسير الخبراء الحقيقين (طبعا مو خبراء الطواجن و فتح الغرف للطيور) ان مضحوك عليك في كل مرة تسافر فيها...يا خبير

خمس ايام ميمديك تسوي شي والرباط وكازا صعبه عليك من اول سفره روح عل طول للمراكشش واسكن بالروز ولاتطلع منه فيه كل شي لانه اول سفره لك ومدت سفرتك قصير افض حل

اخوي سلام
انا شايف انك تهت بين الأراء وانا متأكد الكل يقصد المنفعه لك بس ليس كل ماقيل صحيح ومنطقي
يأخي خمسة ايام قليله جدا وإن كان لابد فخليها اسبوع
المده تصلح حق مدينه واحده فلك ان تختار مابين على التوالي مراكش او اغادير او طنجه ابعد عن الرباط وكازا
مراكش السكن في شقه من غرفه واحده في جيليز السعر من ٥٠٠ الى ١٠٠٠ حسب الموسم اوتسكن في المنتجعات والسعر من ١٠٠٠ الى ١٢٠٠ اغادير السكن في فندق يتماشى مع رغباتك حتى تعرف البلد وتصير خبير
السكن في طنجه شقه غرفتين السعر تقريبا ١٠٠٠ درهم
السياره اكسنت تكفيك السعر ٣٠٠ درهم وبلاشي هدر لفلوسك
الميزانيه ماتزيد عن ١٥٠٠ ريال
اعتمد على الله وخلك ذيب وسيبك المهايط حق بعض الشباب اللي نشوفهً وادا الى غلاء الأسعار وطمع الناس فينا
المغرب بلد حلوه وحتى الأمن طيبين بس خلي اخلاقك حلوه ولاتتعالى وحل امورك بنفسك معاهم بس بالعقل وافهمها انته
انتبه للسرعه واحترم قواعد المرور وافهم طريقة السواقه وامورك هانيه
انا ماحبذ انك تسوق من اول سفره لأن السواقه غريبه شويه لازم تفهمها

حياك اخوي فهد

مااخلق اعذار عشان الميزانية لكن انا جوي هادي بشقة بفلة مع الغزلان اما
المراقص والملاهي هذي ابدا مو من اهتماماتي

وشاكر مرورك