لماذا الاحتكار على المغرب ومناقشة / دول زرتها - دول تتمنى زيارتها - دول لا تت...

يلاه انا كتبت لك جريدة مو سطرين

لماذا الاحتكار فقط على المغرب ؟

من وجهة نظري اكثر زوار المغرب لفوا اغلب دول العالم لكن فالأخير وجدوا متعتهم فيها ، رغم إني اعرف ناس كثيرين زاروا المغرب و اكتفوا ب أول زياره .


دول زرتها:-

الامارات ، البحرين ، مصر ( شرم الشيخ ) ، المغرب ، سوريا ، الاردن ، لبنان ، اندونيسيا ، الفلبين ، ماليزيا، إلخ

دول تتمنى زيارتها:-
امريكا ، البرازيل

موقف غير طريف حصل لي ف الفلبين :-

كنت ف المترو وخارج معي جوالين ف يدي وجالس انقل رقم من جوالي لجوالي الثاني بتصل على السواق، فجأه واحد سحب الجوال من يدي زي البرق لحقته لخارج المحطه دخل ف زحمة الناس وعلى قول ابو نوره في زحمة الناس صعبه حالتي غسلت يدي من السالفه لأنه لو كان قدام عيني ما عرفته كلهم زي بعض يخرب بيتهم.

عجبني تشبيهك بأغنية محمد عبده

معوض خير يا ولد الهواشم
الفلبين لما زرتها كان باستقبالي نفس الجنسية
صدقني ما صرفت الا ربع الميزانيه
مانيلا حر وما ارتحت فيها ما جلست فيها الا كم ساعه ابو عشاء وعلى باقيو وحضرت عرس وتعرفت على تقاليدهم البسيطه بالعرس وعطيناهم العانيه < مو ربعنا يستنزف كل اللي برصيده لمدة عشر سنين قدام

باقيو جوها بارد وكل شي فيها جميل

وصلتني دعوه ما بدك تخاويني الدعوه من رئيسة البلده اللي بنزورها

دوله ممتعه ورخيصه .. و فعلاً اهلها بسيطين و طيبين .. اهم شي إنك ما تلخطبت والعانيه وصلت للمعرس ، ونتشرف ب الخوه يا سيدي .

لا ابشرك راحت للعروسه هههههههه
وش نبي بالمعرس
واخرتها العريس والمعرس راكبين معانا يتمشون< خايبين

جهز شنطتك وشاكر مرورك
#لك كل الود #

اجهز شنطتي و اروح معاكم

فينك يا ولد الهواشم تعال تتشاور

حمود دامك استاجرت سياره وسقتها باسطنبول برافو عليك
والله الطرق عندهم صعبه وسواقتهم اصعب ...

شموخ ربي يعينك لو مكانك انا كان قلبي طار من مكانه وربي يحفظنا واياكم


نرجع لموضوعنا عشان محمد ما يقول تطلعين عن المحتوى
دول زرتها
اول دوله زرتها واول دوله عشقتها حتا قبل ازورها
تقريبا شي خمس ست مرات ( والله ناسيه ) عجبتني باجوائها واهتمامهم بالسائح والسياحه وما عندهم هذا موسم وهذا غير موسم - يعني تروح في اي وقت وقت من السنه تحصلها مليانه وكل فصل له عشاقه ( بس انا اكره اروح لها بالبرد )
يقولون عن اهلها عصبيين صراحه ما شفت هشي ابد بالعكس تعامل حلو وناس فاهمين السياحه صح ويعرفون كيف يروجون لبلدهم ...
بالنسبه للمواقف ولله الحمد ما حصل ليا موقف سيء اخذه عبره ... بس مرات امرض يا بسبب اكل مو تمام او بسبب سخونه ناتجه عن تغيير الجو
وفيها مواقف شخصيه اتذكرها اضحك ...


ماليزيا : بنيه تحتيه بامتياز دولة ما ينمل منها ابد مستوى الفنادق فيها عالي جدا
حصلي موقف بالمول مع واحد من احدى الدول الخليجيه كان مع صاحبو وكنت اخذ مثلجات اجا جنبي وسوى حركه والثاني جلس يصور .. ما حسيت الا وانا طايره عن صاحب الجوال قلت يا تمسح قدامي او ما راح تشوف خير .. تناقشنا بس بالاخير مسح واعتذر ...
وروحتي كانت لقضاء راس السنه صراحة جو جنب البرجين ولا اروع ( انصح بها براس السنه )


مصر وما ادراك يا مصر ....من اولها واضحه ههههه قبل يومين من سفرتي لها كنت اغسل مواعين ودخل ليا طرف زجاج بايدي وخيطت وكنت بكنسل ... المهم رحت وبالمطار رفضو يختمو جوازي وقالو لازم ترجعين في اقرب طياره لانه ما عندك الموافقه الامنيه .. طلبت اقابل رئيسه ودخلت عنده وخلاهم يجيبون حق الختم لمكتبه وختم وطلعت ... اكلهم تحسه معفن حتى لو انك في مطعم خمس نجوم ... وفعلا تسممت وعدت على خير ... صرت اطلب الاكل في المطاعم بس اتفرج فيه ومن ارجع الفندق يسوون ليا معكرونه او مطيشه وبيض هههههه ( فندق هيلتون شقق فندقيه ) صراحه الفندق راق لي فرش نظيف ومرتب والشقه كبيييره ثلاث غرف ...
واحسن شي استاجرنا سياره وكنا نروح ونجي ع كيفنا ...

الفلبين : حلوه بناسها واجوائها وماما نورا و دندشه هههههههه مرضنا فيها بسبب الجو بس بشكل عام تستحق الزياره


تايلند : لطالما تمنيت ازور هالدوله وخصوصا بتايا شارع جهنم ومن رحت وانا فيه ما طلعت منه

ما انصحكم تاكلون من المطاعم التركيه هناك ...

— لماذا الاحتكار على المغرب : مو لاني مغربيه بمدح بلدي بالعكس المغرب مقارنه مع دول اخرى ما يجي ربع كفائتها وطبيعتها ومستواها و اماكن السياح ووو
بس المغرب عشق لمن يحبه ويفهمه
المغرب ادماااان
مهمن جلنا وابعدنا عنه يبقى ذاك الشوق والحنين لترابه وناسه الطيبين


- دول اتمنى زيارتها : الامارات - ايطاليا - سيرلنكا - الصين

__________________
سأظل أتنفس الأمل والتفاؤل وأضيء الكون بابتسامتي رغم كل شيء