متى نترك المغرب ؟

بشرح لكم عن بعض النصب اللي واجهته بالمغرب

مره استاجرت شقة عن طريق سمسار اخذ عمولته وانا بالسعوديه ومعها عربون اول يوم وجيتهم اذا معطيني شقة غير المتفق عليه وكمان السمسار طلب عمولته مره ثانيه باسلوب هديه وضحك وكبر مخك يا استاذ ومن هالكلام وتعرضت لمضايقات بكل شي من الباركن لشقه لدخول الضيوف الخ
ومره جيت مارينا اغادير متفق مع سمسار عنده شقق ويوم وصلت قال زبطت لك جناح في الفندق وبمبلغ وقدره سلخ من واخذ عمولته وطلب زياده وتهاوشت معه بالجوال بعد سكنت الجناح وقال انزلي تحت وكرشته بلوك
ومره طلبت شقة ويوم وصلتهم وعطوني شقه في حارة تخلع بعد اخذو حق اول يوم واول ماشفت الشقه والحاره قلت ماابغاها قالوا العقد تم بتروح روح والمدفوع لايسترجع واتركهم واروح ماسكنت
وغيرها كثير ماابغى اطولها هذا من ناحيه السماسره والشقق


من ناحيه طلباتي التسويقيه يجيبون لي كل شي مغشوش وبسعر مضاعف مثل منتجات مغربيه او اغراض اخرى وايضاً لو رحت بنفسي اجيبها يرفع عليك شوي عن سعرها في البلد استغلال لانك سعودي

استاجرت سيارة صغيره يأجرونها على المغاربه ب250 درهم وانا اذا طلبتها يجيبونها لحد بابك ب400 درهم اليوم ومافيها ولا قطره وقود زين وصلتك اقرب محطه وتدفع فلوس للي جابها لك عموله وحق تاكسي يرجع ( استغلال )






أرسلت بواسطة iPhone بإستخدام مزاعيط المغرب

__________________
ليت لي من عناء البعد راحه
يابهجة الخاطر وكثر الأمنيات

بختصار يمديك تخلص امورك بدون سمسار من سياره الى سكن . واستغرب والله اللي يتواصل مع سماسره حتى لو اول مره يزور المغرب

كذلك اللي يعربن ويدفع وهو في بلده من قبل لايجي المغرب هذا صراحه مدري وش اقول عنه

السيارة امرها هين، لكن السكن شلون؟ عطني طريقة ارتاح من السمسار وشرهتك على الي يتعامل معاه، بتقولي روح لصاحب السكن مباشرة، بقولك شلون؟

ابشر اول ماتوصل وجهتك اسكن اول يوم بفندق ..

وانزل خذلك لفه على مناطق سكن المزاعيط دور بنفسك على الشقق .. اذا وصلت العماره اسال العساس عن شقق الاجار وانك تبي رقم صاحب الشقة مباشره مو سمسار .. وراح يعطيك ادخل وشيك بنفسك على الاثاث اذا عجبك السكن اسكن فيه .

وبعدين اذا صرت تتردد على المغرب مفروض خلاص تعرف وين تسكن ماراح يكون السكن مشكله ابد