( الفضفضه الاردنية )

جعلها دايم الضحكه ، ايه 80% من الشعب دمهم حار ( مايداني ازحف وراك ) لاكن للأمانه فيهم عزة نفس وراعين فزعه واذا احترمتهم وقدرتهم يحطونك ع الراس والعين ..
تسلمين كلك ذوق هاوي التصوير لا اعتبر محترف بالتصوير .. ليه يعني لهدرجه انا متكبر الله يسامحك ههههه < من تواضع لله رفعه
الله يعافيك ان شاء الله نحصل نتيجه طيبه من العلاج .

.

فعلا فيهم عزة نفس ومروءه وشهامه
لا حاشاك ماشي القصد متكبر ؛ بالعكس القصد ذبحك التواضع هههههههههه
كلنا هواة وعموما انا تنشوف التصوير بالاحساس ماشي بالكامرات والاحترافيه

الله يسلمك منساب

__________________
.


الوقت الذي تستمتع باضاعته ، ليس وقتا ضائعا

( يوم الاحد اخر يوم فالاردن )

اتصلو علي العياده الساعه 11ص قالو تجينا تستلم التقارير قلت اوك ، اخذت تاكسي مريت ع مطعم لا اذكر اسمه لاكن حق طعميه عند اشارة المنهل الجبيهة طلبت فول وطعميه و حمص وشاهي افطرت وحاسبت 3 دينار وصلت العياده قابلت الدكتور قال التحاليل سليمه بس عندك التحسس زايد الطبيعي من 100 واقل انت عندك 1680 مرتفع جداً لازم تسمتر ع التحسس اقل شيء 3 شهور وطلع معك الإكزيما الأتوبية مش صدفيه ، طلعت من عند الدكتور دخلت موقع طيران ناس قدمت رحلتي يوم الاثنين ودفعت بالفيزاء 300ريال رسوم تعديل الرحله خلاص معاد لي لزمه اجلس ، اتصلت ع صاحبي اردني قلتله وين افضل محل يبيع الزيتون قالي روح لمحلات ضبعه منطقة مرجا الحمام طلع بعيد شوي من موقعي طبعاً المحل هاذا مختص في الزيتون وزيت الزيتون والاجبان و الزعتر، اوقفت تاكسي ركبت معه وكان الطريق مزدحم وقت ذروة المشوار اخذ ساعتين وصلت المحل حاسبته بالعداد 5 دينار .. دخلت شفت الزيتون وذقته صراحه يختلف عن الي عندنا طعمه جميل وفيه حموضه زايده ، قلت عطني 20 كيلو زيتون اسود و 10 كرتون صغير شاي زعتر و2 كيلو زعتر اكل ، ع كم الاسعار قال اذا تبغى عشرين كيلو زيتون بعطيك 60 دينار قلت وشاي الزعتر حسبها لي كلها مع المكاسر 55 قلت اوك قال الكميه الزيتون الي طلبتها كبيره وماهي متوفره فالمحل يبغالها وقت نجيبها من الفرع الرئيسي قلت ماعندك مشكله كم تاخذ وقت قال ساعتين قلت اهم شيء طلع موية الزيتون لانها ممنوعه السوايل فالطياره وانا بروح اخذ جوله في فالمنطقه وجيكم رحت اتمشى ع رجليني احب المشي فالسفر بس .. المنطقه جميله واعجبتني اكثر مافيها محلات العطاره والمقاهي جلست في كوفي اخذتلي قهوه وكيك بدينار ونص رجعت المحل لقيتهم مجهزين الاغراض ومغلفيتها حاسبتهم ومشيت لشقه نزلت الاغراض ريحت شوي جلست اقلب فالجوال جاء في بالي سهره ختاميه راسلت صاحبي واتس فالسعودية قلت الله يهديك مرسلني ع سهره خايسه وتقولي ديسكو روجينا هو التوب قام يضحك قال تبي سهره محترمه وطرب روح لمطعم راشيا قلت اكيد ماهو مثل روجينا قال لا افضل وارقى قلت اوك ، بحثت عن رقم المطعم في النت اتصلت عليهم سألته وش النظام قال طاوله شامله عشاء مشاوي و مقبلات ومزه و عصاير طبيعيه وشاهي ب 34 دينار قلت اوك احجز لي طاوله ، طلعت من الشقه وصلت للمطعم الاستقبال ممتاز ومحترم ، المطعم وسيع يعتبر مطعم ومقهى وسهره بعد 11 موقعه في منطقة خلده ، جلست ع طاولتي جابو العشاء والمقبلات اكلهم جيد لاباس فيه المكان معظم زوراه خليجيين ..
اول نمره مغني سوري كرهني في الطرب ..
ثاني نمره مغنيه عراقية صوتها مزعج ولاتدري وش تقول مسكت الجوال اطقطق فيه بشغل نفسي من صوتها ، طلبت من النادل تغيير مكاني موقعي كان بجانب السماعات والاذن عندي صفرت قال تبي اخر طاوله قلت ياليت جلست في اخر المطعم ..
ثالث نمره والاخيره الفنانين العراقيين رعد وميثاق هم حلات السهره وصواتهم جباره اطربوني ..
كانت أمامي طاوله فيها خمسيني ومعه خوييه بنفس عمره اتوقع جايتهم المراهقه المتأخره يحطون الكاس فوق روسهم ينقطون ، يسحبونهم البنات للبست ، كانو بعد بجانبي شباب يرمون ع البنات مكسرات كل ماشافو بنت سلمو عليها وانواع الابتسامات والكلام العسل ربعنا رومنسيين بالفطره بسم الله عليهم .. مراهقين فالمرحله المتوسطه مايسوون مثل حركاتهم الله المستعان ، انتهت السهره ع الساعه 3 طلعت من المطعم بأخذ تاكسي ورجع الشقه وانا امشي مريت بجانب سياره فخمه مضلل قزازها وقزازت المعاون نازله نص لا اعلم من في السياره فجاءه اسمع صوت انثوي اطلع يالنفسيه وقفت خطوتي ..

قلت : عفواً تكلميني انتي ؟
قالت : نعم اطلع لاتشوف حالك علينا
قلت : انا نفسيه وش تبين فيني
قالت : ماراح اخطفك اطلع بوصلك لسكنك
ضحكت وركبت ..
قالت : وين ساكن
قلت : بالجبيهة
قالت : بمشيك ع عمان عندك مشكله
قلت : تمشيه الوقت هاذا ؟
قالت : عادي

تمشينا شوي ومن خلال حديثي معها البنت جريئه مرتاحه مادياً وتعبانه نفسياً غريبة الاطوار مره حزينه مره تضحك مره ترفع المسجل مره تكلم بالجوال .. وصلتني لشقتي طلعت فلوس بعطيها قيمة المشوار ..
قالت : روح ماحنا بحاجة فلوسك ، بكره عازمتك ع سهره
قلت : اعتذر بكره رحلتي ان شاء الله
قالت : ليه اجلها دوب تعرفنا عليك
قلت : عندي شغل ولازم امشي
قالت : بالتوفيق ومتى ماجيت عمان كلمني

دخلت الشقه نمت صحيت ع الساعه 11ص دقيت ع التاكسي يوصلني المطار مرينا مطعم ابو جباره افطرنا فيه وعلى المطار حاسبت التاكسي 20 دينار .

مدة السفر : 5 ايام
معدل صرفي اليومي من 500 الى 800 ريال ..

الاماكن التي زرتها وانصح بزيارتها ..

منطقة الشمساني شارع الثقافة
مكه مول
تاج مول اكبر واجمل مول فعمان
منطقة الشونه الغور البحر الميت
منطقة الجبيهة
منطقة ضاحية الرشيد
منطقة عبدون
منطقة تلاع العلي
منطقة العبدلي البوليفارد
منطقة الصوفيه شارع الوكلات
منطقة مرجا الحمام
شارع الريمبو
وسط البلد السوق الشعبي
منطقة خلده

يعطيك العافيه أخي منساب ع التقرير الجميل وكل الأماكن اللي ذكرت تستاهل الزياره واللي يميز منطقة الجبيهه قربها من الجامعه الأردنيه وكل الخدمات قريبه منك ،،،
المره الجايه بإذن الله أستاجر سياره وأطلع ع الشمال عجلون وجرش وأربد والرمثا ع حدود سوريا فيها سوق بسيط ومحلات تبيع المخللات والزيتون وغيرها والسعر أرخص من عمان نوعاً ما ،،، وكذلك البترا المدينه الورديه مثل مايسمونها والعقبه مدينه ساحليه ووادي رم ،،،

تحياتي لك والحمد لله ع السلامه

محلات ضبعه ..



تشاي عراقي ..



المطعم هاذا نويت المنسف فيه لاكن مالي نصيب ..



مطعم ومقهى راشيا ..



مطعم ابو جباره افضل طعميه اكلتها بحياتي ..



داخل المطار ..

ايه الحمد الله بالحيل ذابحني التواضع ههههههه
صحيح كلامك التصوير احساس وذوق ..
ويسلمك نورتي ..

الله يعافيك ياطارق الاجمل مرورك ...
بلا شك الجبيهة منطقه جميله وممتازه الخدمات متوفره فيها ..
كنت ناوي السياره بس ماراد الله التكاسي وجع راس ومكلفه ..
الله يسلمك شرفت ..

منساب متألق ما شاء الله ... فضفضه جميله جداً

الصور "بتعئد" على قول اخواننا اللبنانين

حتى ولو انها رحله علاجيه بس ما شاء الله ما تركت شي ف خاطرك .. والحمدلله على سلامتك.

تقرير مميز يا منساب

والاروع زيارة الاردن عند تساقط الثلج
بس لازمك سياره 4x4

طبعاً الاثار الموجوده بالثلج < مو انا

محدثك حالياً من قلب عمان
البردددددددددد☃️

تقرير راقي ماقصرت