الان في طنجة

طنجة تكون فاضية بالشتاء فيها بس سكانها
اعطينا تقييمك للمطاعم هناك

تحياتي

انشاءالله
انا الان في كوفي اطلنطس في البلايا جنب المارينا
شيشة ١٠٠ درهم
بيتزا ٥٠ درهم متوسطة
كولا ٢٥ درهم
الجلسة مطلة على البحر
كلاس الكوفي

مشاءالله
النساء متحجبات
ومتحط عينك في عينها من الادب
خجل وانوثة
صراحة تفكيري عن المغرب اختلف

نورت طنجة
والحمدلله ان الوضع جازلك
وطبيعي الحين تلقى المدينة فاضية لكن صدقني لو بيوم جيتها بالصيف بتحس بالنعمة اللي انت فيها الآن ههههه

صادقه مزاجيه كنت بالصيف والله ما تقدر تمشي من الزحمه الكورنيش عامر والمطاعم والكافيهات والله صعب تلقي موقف لسيارتك

انا الان في
كوفي تايم
في مزار
المحل كلاس ونظيف
الشيشة ٥٠ درهم
صارلي موقف مع تاكسي
انا كنت في المارينا
وأخذني من المارينا الى مزار
مسافة قليلة جدآ
العادة لما اخذ التاكسي انظر في العداد
لاكن شفت الرجال ملتحي استبشرت خير فيه
لما وصلت قال الحساب ٢٨ درهم
قلت كيف
قال شوف العداد مكتب ٢٨ درهم
قلي هات ٢٠ ومسامحك على الباقي
قلت مالك الا ٥ درهم فتحت العداد
ولا الدرك موجود
قال صافي
قبل مايروح قلت أحلق دقنك حرام فيك