حكايهـ عشق .. تقرير واقعي ( مواقف غريبه)

ياهلا بااختي بريستيجه
شاكر متابعتك وتواجدك واسلوبك الراقي
جوابي
غضيت النظر

.
.

تحية طيبة اخي محمد
تقرير رائع جدا و ان كان ينقصة بعص التفاصيل لتكتمل الصورة ..
و لكن هذا لا يقلل من اهمية التقرير و استفادتنا منه
و كونك لم تجد العروس المناسب فهاذا لا يعني نهاية العالم
انت خسرت الجولة و لم تخسر المعركة و اتوقع بان لازال للقصة بقية ..تحياتي

اهلا بالحبيب واخوي ادم
أشكرك على متابعتك وتواجدك بين تقريري
هي فعلا ماانتهت من جهتين:-
١:- بعد رجوعي وانا بالسعوديه (( اللي باازرو حاولوا اني اشوف حل وارجع بس انا خلاص انهيت معاهم الموضوع عشان مانعيش باامل لان البنت مالها ذنب وللامانه ابوها من تصرفاته ماله رغبه بهذا الزواج فمن الافضل لها قبل ليكون لي انه يكون الزواج فيه راحه وقبول من الجهتين وعشانها هي ولمصلحتها انهيت واستخدمت فيه الشده غصب عني عشانها وعشان ابوها يكون مرتاح لزواجها وبالنهايه هي بنته لان الزواج يكون بقبول من الجميع ولما يكون شخص واقرب القريبين لها مو مرتاح لهذا الزواج الانسحاب طيب )).
٢:- انا بطبعي مغامر ومااستسلم لشي والحمد لله وبفضل الله اغلب الاهداف اللي ابيها احققها بفضل من ربي هو فعلا كانت لدي رغبه بالزواج من المغرب ودخلت جولات فيها وتعايشت وجلست بينهم خصوصا هذي السفره وفتحت لي امور كنت غافل عنها لاني جلست بينهم وهالامور للامانه كشي شخصي صعب اتقبله عكس قبل لااسافر لما تتعمق في الامور وتركز فيها وتفكر زين خصوصا انك بقلب الحدث وتحسبها زين يكون القرار مصيري سواء بالقبول او الرفض والزواج خصوصا صعب تغامر فيه يحتاج تفكر فيه الف مره كخساره جوله مااعتبر خسرت استفدت وكسبت وهي توافيق مرات تسعى لشي معين وتتعب فيه وربي مو كاتبه لك يمكن فيه خيره لك كل شي مقدر ومكتوب .
٣:- اما عن الارتباط والزواج وبكل امانه حاليا افكر فيه من السعوديه ومن العائله لاسباب كثيره .
الله يوفق الجميع ويكتب اللي فيه الخير بس فعلا الزواج من الخارج يحتاج فيه بعد نظر .
وانا اكتب الجزء العاشر صار موقف بالعمل مع شخص عمره خمسين له تجربه من هالشي فعليه وكلامه اكد على كلامي وفكرتي ونظرتي بعد رجوعي .
تحياتي الجميله لك

يمكن كلامي ما راح يعجب البعض بس بالنسبة للي تبحث عليه احسن لانك سحبت علي الزواج من المغرب

ممكن ادا عايلة معىغربية عايشة بالسعودية تكون اسهل طريقة الك ادا كنت متشبت بالمرأة المغربية

♀️♀️♀️

تمنياتي لك بالتوفيق و للقراء الكرام
و ( لعلها خيره ) و الخير فيما اختاره الله

تقرير يحاكي بنسية كبيرة واقع كل شخص يرغب بالزواج من المغرب أو أي بلد أخر

الزواج من أجنبية فيه من المغامرة والمخاطرة الشيء الكثير للزوج وللزوجه وللأولاد فيما بعد

يحتاج الى تضحيه من قبل الطرفين ومحاولة العيش مع اختلاف الثقافات والعادات بين الطرفين ناهيك عن صعوبة تربية الأبناء فكل منهم يرغب بتربيتهم على ما تربى ونشئ عليه أعرف أقارب لي متزوجين من أجنبيات عانوا كثيراً مع أبنائهم لهذا السبب

وكذلك لابد يكون عندك ميزاينة مفتوحة للزيارات والهدايا وغيرها

فالخلاصة راح تعيش في دوامه طول عمرك ويمكن بعد ما يكبروا الأولاد يسافروا مع أمهم ويعيشوا في بلد الأم وتجلس أنت وحيد مثل قريب لي صار له كذا

أخوي محمد أعتقد قرارك سليم في التخلي عن الزواج من أجنبية

الله يوفقك في بنت الحلال اللي تسعدك وتملاء عينك

__________________

اهنيك ياخوي محمد على طريقتك في سرد الاحداث أسلوب مميز فعلا ... اختيارك بالزواج من المغرب اختيار سليم وهذي حريتك الشخصيه واعتقد تعرف توابعها ... مشكلتك يا محمد انه ماعندك معارف بالمغرب بمعني الكلمه ... لو كان عندك معارف يهمهم امرك ماكان هذا حالك ... لو كنت حتي الان متمسك بموضوع الزواج من مغربيه حاول انك توصل لموضفين السفاره السعوديه بالمغرب وعددهم كبير ... لو كان عندك من يهمه امرك مقيم او يشتغل بالمغرب من جماعتك راح تخلص امرك خلال 3 أيام من وصولك للمغرب
عموما ما احب أطول عليك ... الله ايسر امرك ويسترك بستره

مساء الخير عالجميع
اخوي انا قريت قصتك كامله وحاس ان فيها تخبط كبير ومن اول حلقه كنت اقول في نفسي ان هذا الزواج ماراح يتم وفي كل جزء كنت اقراه القى الامور ماشيه مثل ماكنت متوقع
معليش بطول عليك شوي بالكلام
انك تواعد ثلاث بنات بالزواج بنفس الوقت ومش بس البنات لا تقابل اهاليهم وتتقدم رسمي هذا كان خطأكبير جدا مع احترامي لك يعني لو لقيت اكثر من موافقه بنفس الوقت ايش راح يكون موقفك لاتنسى يااخي ان هذول بنات لهم مشاعر واحاسيس مش سياره كنت بتشتريها وغيرت رايك لانك شفت سياره افضل او ارخص منها
ومش بس انت حتى زوجة قريبك او زميلك اللي رشحتك للبنت راح تكون في موقف صعب وتدخل بمشكله مع اهل البنت بسببك
ثاني شي انك تمشي بسوق او مطعم او موقف باصات او ميترو ومن نظره تعجبك بنت وتفتح معها موضوع الزواج اصلا زين انهم تقبلوا هالشي ووافقوا يتعرفون عليك ويتكلمون معاك
هذي تصرفات شخص مش متزن ويحاول يتزوج بأي طريقه ومن اي بنت يشوفها بالشارع يمكن تكون نيتك فعلا انك تتزوج بس التخبط بالتصرفات يخلي زواجك صعب جدا انه يتم
اسلوبك مع احترامي الشديد مش اسلوب شخص رايح يتزوج احسك شخص رايح يشتري سلعه من السوق
ياخي الزواج شي اكبر بكثير من الطريقه اللي تفكر فيها وتتصرف على اساسها
ولاتلوم اهالي البنات لو تشددوا في هذا الموضوع بالعكس طبيعي هالشي
انت بالنهاية شخص غريب جاي من دوله مختلفه بعيده عنهم وخايفين يزوجونك بنتهم ويدخلون معاك في مشاكل مستقبلا وكل ابو من حقه يخاف على بنته هم مايعرفون عنك اي شي ومهما كنت محترم وكل الصفات الجيده فيك يبقى الحذر واجب
وصدقني لو كان معاك ابوك وامك كان الوضع تغير بنسبه كبيره للافضل يعني من حق اهل البنت يطلبون حضور ابوك وامك معك وتكون الامور رسميه وواضحه وابوك هو اللي يخطب مش انت
ولاتنسى للاسف ان اعداد كبيره من الخليجيين عموما والسعوديين خصوصا تزوجوا من المغرب وانتهت زواجاتهم بمآسي لزوجاتهم وعيالهم كثيرين منهم اللي يطلق زوجته ويرمى عياله ولايصرف عليهم ولايسأل فيهم وبعضهم حتى ماطلع لعياله اوراق هوية وجوازات سفر
انا اتمنى لك التوفيق وبنفس الوقت اتمنى انك تفكر بأي خطوة كويس قبل لاتسويها

ما كنت ناوي أرجع للموضوع هذا لتحفظي الكبير على أغلب تصرفات كاتب القصة, وسبب عودتي هو أن الكلام الذي ذكرته أنت والأسئلة التي سألتها سبق وقلتها له, ومن خلال رده علي أسئلتي وملاحظاتي عرفت شخصيته وتأكدت بأنه لن يستوعب كلامي ولهذا السبب ما كملت المناقشة معه, وردي الآن موجه لك لتأييد رأيك الذي أتفق معه تماماً
من يتمعن في مجرى أحداث حكايته وتصرفاته لا يستغرب رفض من خطب منهم لأن رفضهم منطقي جداً

قله من يستفيدون من الصراحة ويستوعبون الآراء الصادقة مهما كانت مؤلمه وقاسية, والأغلبية دائماً يحاولون الانتصار لأنفسهم حتى لو كانوا على غلط وهذه الفئه لا فائدة من مناقشتهم

انا حاولت اقرأ الموضوع ولكن لم أصل الى كل الصفحات لأني جاني مغص وضيقة بال وخرجت قبل افهم كل شي بالموضوع ،
وانا دخلت الليله للموضوع بعد رفعه لايفونة غير المقروءة بسبب المشاركات الاخيرة وحبيت أعطي معلومة عندي عن المغاربه

المغرب عندهم تقاليد وعادات ان من يتزوج أو تتزوج هو وهي من يختار شريك وشريكة حياته وبعدها يأتي دور الأهل في التقدم والخطوبه والزواج ألخ.

__________________
ليت لي من عناء البعد راحه
يابهجة الخاطر وكثر الأمنيات