تجارب الاعضاء في المغرب اكتب تجربتك سواء سكن من فنادق , منتجعات , شقق ..ومواصلات كشركات تاجير سيارات..خطوط طيران

الدرقاوي وللنصب عنوان !!

هوآجيس · 2017-12-27T01:54:39+00:00

[SIZE="4"]سلام عليكم بعد التحية ،، وصلت لمراكش بتاريخ ١٣ ديسمبر والعادة اسكن قريب من جليز شقة دايم اسكن فيها وكنت ناوي اكمل الى اخر الرحلة لكن خويي اصر نغير السكن ونروح لدرقاوي وما سبق لي سكنت في الدرقاوي من قبل عموماً طلعنا اليوم اللي بعدة ورحنا لدرقاوي على مدح اصحابنا اللي سكنوا فيها قبل السكن عبارة عن شقة غرفتين وصالة بقيمة ٢١٧٠ شاملة الضريبة والشغالة اخذنا الشقة اول يوم بتاريخ ١٤ ديسمبر الى يوم ٢٠ وقبل لا نطلع نسهر ويضايقنا الامن قال ممنوع تجيب ضيوف وكان مصر جدا على كلامة بحجة المنطقة اغلبها عوائل فكلمنا الادارة وغيرنا الشقة الى البوابة ٣ الوضع كان جدا مريح مبدئيا والامان ممتاز جدا لكن انزعجنا من الامن في البوابات لكثرة الالحاح على البخشيش واستقاعدهم في دخول الضيوف قلنا ماشي الحال بخشيش وتمشي الامور وكل ما نجيب ضيوف يطلب فلوس قلنا مشها مدام الامور ماشية لكن المصيبة كنا نحط فلوسنا في صندوق الامانات الخاص بالشقة ولاحظت انسحب مبلغ بسيط اول مرة نقص حوالي ٨٠٠ درهم ما دققت فيها كثير لبساطة المبلغ خويي عطاني قطتة وفي اليوم اللي بعدة تفاجئت فيها نقص حوالي ١٦٠٠ درهم كلمت خويي علشان اتاكد قال معطيك المبلغ كامل وبدا يشك في نفسة لان وقتها كنا مربوشين وعلى عجلة وكمل المبلغ مرة اخرى ولاحظت انسحب من عندي حوالي الف درهم فكنت اقول ممكن سحبتها ورغم اني متاكد ما سحبتها لكن الواحد ما يحاول يعكر جو السفرة ومش الامور وصرفيتنا في اليوم كنت احسبها اول باول واسجل المبالغ لكن كنت احسن النية واقول لعلي غلطان بعدها صرفت حوالي ١٦ الف درهم وسحبت منها ٤٠٠٠ درهم واتفاجئ من اليوم الثاني بنقص الفين درهم كاملة بدل المبلغ ١٢ الف حصلتها ١٠ جيت على طول احسب القطة السكن والمصاريف اللي حطيناها واتفاجئ بنقص حوالي ٣٠٠٠ درهم زيادة غير الالفين الاولى كملنا المبلغ ورحنا نكلمهم وانا عارف ماراح ناخذ لا حق ولا باطل بس قلت اعطي خبر للادارة على الاقل في البداية ساق الشرف علينا وحن شركة مرموقة ومن هالكلام بعد الاخذ والعطاء معه قلت له عط خبر للادارة واترك هالكلام اللي تقولة انا عارف وش اللي راح مني وما جيتة الا وانا متاكد قال لو بعطي خبر للادارة لازم نحط ثلاث اطراف علشان نتهمهم ونشكك فيهم قال .. الشغالة وانا وخويي .. ولا جاب طاري موظفين الدرقاوي ولا غيرة خويي اعرفه اكثر من ٢٠ سنة ومستحيل اشك فيه ولو سرقها وانا اشوفه قدام عيني وقال ما اخذت شئ راح اصدقة وانا مغمض وغير كذا الخزنة في غرفتي والرجال معي طول الوقت مافي مجال لشكة هذا لو فيه شكة !! وهو اللي كمل القطة بعد !! واخرتها يبي يشكننا في انفسنا كنت ناوي افتح حساب هالمرة لكن شفت الصندوق قلت مافي داعي نخليها للمرة الجاية ورحلتنا كلها اسبوع وقلت ما تسوى .. وكانت غلطتي للاسف الشديد !! عموما اعتذر عن اطالة الكلام لكن الدرقاوي هذا نصاب واخر مرة اتعامل معه واسلوبهم التطفيش في ادخال الضيوف[/SIZE]

هوآجيس

مزعوط قدير

المشاركات: 216

تاريخ التسجيل: Dec 2017

الدولة: السعوديــــة

2017-12-31, 10:06 PM

المشاركه #39

اقتباس:

المشاركة الأصلية كتبت بواسطة كويت الحب

مشكورين اخواني

على المداخلات

لكن يبقى الامر سهل بالنسبة للمغرب

كلنا نحمل بطاقات بنوك من دولنا والمغرب لديها شبكة قوية بالبنوك

مايحتاج حمل فلوس كثيرة معك حط معاك مبلغ بسيط يكفى الايام اولي

والاساسيات فقط ومن بطاقة السحب الخاصة بك تقدر تسحب باي وقت

وكما ذكر الاخوان فتح حساب بالبنوك المغربية سهل جدااااااااا

اتمنى التوفيق للجميع

تحياتي

فكرت في كذا من قبل لكن الحد المسموح لسحب الفين درهم على كل عملية
وغير كذا فرق سعر الصرف وعلى كل عملية البنك ياخذ مبلغ
واتوقع على كل سحبة ٣٠ ريال وتزيد على حسب البنك
واتوقع اجمالي السفرة ممكن تطلع نسبة البنك فوق الالف ريال

اشكرك اخوي على تعقيبك ومرورك على الموضوع ..

« الموضوع السابق | الموضوع التالي »

الذين يشاهدون محتوى الموضوع الآن : 1 ( الأعضاء 0 والزوار 1)

الانتقال السريع

المواضيع المتشابهه للموضوع: الدرقاوي وللنصب عنوان !!
الموضوع	آخر مشاركة
بلا عنوان	2021-09-07 05:23 PM
لم أجد.......عنوان	2013-05-07 06:32 AM
بلا عنوان	2012-05-20 04:01 AM
الدرقاوي الدرقاوي الدرقاوي $$$$$$ المساعدة	2012-04-29 01:23 AM
بدون عنوان	2012-03-01 12:22 AM

الساعة الآن 08:13 AM

عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب

الدرقاوي وللنصب عنوان !!

روابط سريعه