عراقيات من هنا وهناك

قصه جميله


فد يوم 3 اخوان حبوا وحدة بمنطقتهم ويومية يتعاركون عليها اتفقوا يرحون للقاضي هو يحلها الهم..

راحو للقاضي خبروا القاضي عن المشكلة البيها هم فالقاضي قال :
اني راح انطيكم الحكم :
اريد من كل واحد بيت ابوذية والي اشوفه يستاهلها اخلي هو ياخذها فقبلوا على حكم القاضي فبدوا من الصغير قال..

هذيج الكابعة التمشي ورمها
كبرت علتي وزادت ورمها
احبهه بيوم اهي تزحف ورمها
واتحبني وهلي ايلولون بيه.

ثم قال الأوسط..

اصفعتني وعله خدي انطبع يدهه
اشحلاتك ياصبغ بجفوف يدهه
احبها ومن ابوها بظهر يدهه
وتحبني بيوم ابوي ابظهر ابيه.

ثم قال الاخ الكبير..

ابد مابقه غير الله ولادم
ولاسيف الليمنعني ولادم
احبهه وحوى منخلقت ولادم
وتحبني وهي طيبة وطرية.



اللي عرف مني فاز بالبنيه يخبرنا

__________________
.

عجيبه رجال خيط الطمع يرهم ...
وعليهم صار كل مفتاح يرهم ..
خياط حلوگ لو فد يوم يرهم ..
چثير حلوگ اخيطهن بيديه

__________________
.

‏⁧‫‏
‏ليت الوقت يرجع واداريك ..
‏واحط خدي على خدك واداريك ..
‏واحظنك ومن ظلم الايام واداريك ..
‏وتجمعنا الدنيا سويا ...
‏⁧‫

بعد ما ادمنت حبه فطمني
كنت مدفون طلعني فطمني

تريدين الخبر بشري فطمني
انتهينا تفارقينا وهاي هية

__________________
كيف يارب ندير من الي خلتني بحال خطير

وحق الطيب والعفة والاكرام
غير الزين ما اهدي والاكرام

الك تدري ايش الك عندي الك رام
نصف قيقة من اطلعنة بلية

__________________
كيف يارب ندير من الي خلتني بحال خطير

‏أدق عليك يقول الطلب جآري
‏وعليك الدمع فوق الخد جآري
‏
‏ريتك [ يالعزيز ] تكون جآري
‏واشوفك كل صبح ومسيّه.
‏
‏⁧‫‬⁩ .

‏صحيح بعيد بس قلبي شعر بيك
‏حزين باقي بس يكتب شِعر بيك
‏عجيبه شلون ظل أسود شعر بيك
‏وأنا ب فرقاك ما ظل شعر بيه
‏
‏⁧‫

‏⁧
‏حبيبي لا تظن انساك ولهه
‏دوه الروحي غرامك صار ولهة
‏الشفة والعين ترد عليك ولها
‏تدعيلك كل صباح وكل مسية

الروح لما علت للشوق دنـــــــــــيتها
حاشا وعن حبكم مايوم دنـــــــيتــها
وأجراس الاشواق لأذن هواي دنيتها
راحت لكم واصبحت لودادكم تهـــوى
لاتحوجوها تحب وغيركم تــــــهـــوى
حيث النفس ماتذل الا لمن تهـــوى...

ساعة وتغيب الشمس وساعة ويجينا الليل

وينراد حيل ودمع ومنين أجيب الحيل

روحي حمامة صفت وببيت أهلي تدور

إشتاقيت لأمي أنا ولخبزة التنور

بديرة هلي بالطعم يختلف حتى الماي

وحتى الهوا يم هلي يختلف والله هواي

كل ليلة تسوى العمر لو أقعد وأهلي وياي

ومن ايد أمي الصبح محلى استكانة الشاي.....