عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب


السفرة الثالثة للمغرب والأولى لأغادير .

إضافة رد
 الصورة الرمزية نويت
نويت
مزعوط مميز
المشاركات: 297
تاريخ التسجيل: Mar 2016
نويت غير متواجد حالياً  
قديم 2018-04-09, 02:15 PM
  المشاركه #31
مساء الخير للمزاعيط الكرام

نستكمل ما بدأنا به :

بـعد العودة للفندق والنوم ، صحيت على الساعة 2 ظهراً .. خمول وتعب ، على طول حمام بارد ، ريحت شوي .
الضيف صحى وأخذ له حمام ، لبس وراح .
قعدت بالفندق شوي ، أخذ اللي احتاجه وطلعت من الفندق تقريباً على 3.30 دقيت على العم حسن ، عشر دقايق وجاني ، طلعت أنا وياه للجبـل ، ومعاصر الزيت والمدينة الشعبية ، دخلت سوق الأحد فريت فيه شوي , سوق بسيط وجميل .
مرينا على أكثر الأماكن ازدحاماً بالسكان ، شفت البساطة ورضا العيش على وجوه الجالسين أمام مصالحهم وأعمالهم ، العم حسن قال فيه قهوة تصلح أتاي جميل ولذيذ . قلت من عندك ، مر نجربه .
بالفعل كم دقيقة ووصلنا القهوة . طلبنا أتاي صغير ، بالفعل طعم الأتاي عندهم غير
، قعدنا بالقهوة قرابة الـ نصف ساعة . سوالف مع أصحاب المكان ومع العم حسن كانت كفيلة بأن تُنسيك جو الصخب والسهر و...... الخ . بالفعل متعة .

حسيت بالجوع وودي آكل ، قلت للعم حسن ، القلعـة ولآ توقف إلا عند الباب .
وصلنا القلـعة . العم حسن اعتذر لأن عنده عمل وبيني وبينه اتصال .
طلبت طلبي المعتاد . مضغوط لحم . تغديت وريحت وحسيت بخمول وودك تنام .
قعدت شوي بالمطعم ، ويتصل علي الشباب اللي سهرت عندهم البارح ,
وينك ووش وضعك . قلت بالقلـعة ـ قالوا شوي ونجيك .

دخلوا المطعم ، ناديت المباشر ، بطلب لهم غداء وحلفوا إنهم متغدين بالفلة وجايين خالصين .
طلبت براد شاهي ليبتون . قعدنا نسولف سوالف عامة . علموني إنهم رايحين مراكش بكره الظهر ، وطلبوا مني أخاويهم . اعتذرت , حاولوا بشدة ولكن والله مراش ما كان لها رغبة هالمرة إني أزورها .. علمتهم بوضعي وإني هالمرة أغادير وبس .

بعد ما انتهينا من الشاهي . طلعنا نتمشى بالمارينا . اتفقنا على سهرة الليلة تكون بالسكاي رغم جوّه البارد .

بعدها كلن راح بحاله , أنا رجعت الفندق على طول . ريحت شوي وخذيت غفوة . الساعة 10 وشوي جاني العم حسن . طلعت أنا وياهـ لمطعم الجزيرة ، مطعم سمك .. والله أكلهم كويس وزوين . أغلب اللي فيه خواجات .
تعشيت أنا والعم حسن ، خلصنا العشاء . قعدنا نتمشى شوي . مريت مزيكا على السريع كنت بتأكد من شي ببالي .

طلعت من مزيكا وعلى طول للسكاي . الساعة 1 إلا ربع تقريباً وأنا بالسكاي .
جيت والشباب موجودين . قعدنا وترويقـه وسهرة لا بأس بها . المكان كان نوعاً ما مزحوم وأكثر من الأيام الباقيـة .

الساعة 4 كل شي انتهى .. كل واحد لم أغراضه ، طلعنا سوالف شوي برا السكاي بـعد الصجة والصخب .
تواعدنا على الغداء بمطعم القلـعة الساعة 2 . لأنهم ماشين دايركت من المطعم لمراكش .
رجعت الفندق ونمت على طول . هالمرة وحداني .. صحيت على 12 الظهر .
قمت خذيت حمام بارد . لبست وخلصت أموري . طلعت من الفندق على 1.30 دايركت للمطعم . وصلت والشباب باقي ما وصلوا .

كلمت المباشر يوسف . يجهز نصف تيس مع المقبلات والإيدامات . ويخليه لما أقوله ينزله .. جاو الشباب بعدي بربع ساعة . سوالف ومن هالكلام .

شوي وينزل الغداء . تغدينا وانتهينا . حاسبت ع السريع وطلعنا . سلمنا على بع سلام حار . وتوكلوا بحفظ الله رايحين مراكش ..

صراحة , حسيت بضيق بـعد ما راحوا .. تعودت عليهم وعلى جوهم . ناس محترمين للغايـة ونعم الشوارب ، مثلكم وشرواكم .
رجعت المطعم . براد أتاي وسيجارة تطلع الضيق اللي بداخلك .
طلعت من المطعم تمشيت شوي . مريت كوفي بالمارينا يصلح حلآ لذيذ .

فنجان قهوة مع حلا . بعدهـ سيجارة . وتشوف الرايح والجاي . والجو عليل لأبعد درجة .. استمتعت بهذه اللحظات . حسيت بنفسي والساعة 6 وشوي . حاسبت ومشيت .

رجعت الفندق . وأحلى نومة إلى الساعة 11 . قمت وحمام ساخن . لبست وطلعت وكان الغداء باقي ماسك ببطني .. مرينا مطعم وجبات سريـعة . شاورما على السريع أنا والعم حسن .

خلصنا ورحت لمخيطو .. جيته على 1 تقريباً .. دخلت مخيطو . جوّه عادي . سهرت فيه إلى 3 تقريباً ..

طلعت وعلى الفندق . شوي ويتصل مزيون السكاي ولا رديت . وأمغطها نومــة . ولا صحيت إلا 1 الظهر .

صحيت ، وحمام بارد ، لبست ونزلت للرسبشن . سويت تمديد يومين . حاسبت وخلصت بنفس السعر السابق . 1390 درهم .

بعدها ، مشيت لمطعم القلـعة . تغديت وريحت فيه شوي . الساعة 4 وشوي مريت المارينا ورحت لأهل القوارب . أخذت ساعة بـ 350 درهم . كان يقول 600 درهم ومنا منا نزل إلى 350 درهم . خذينا لفـة . حتى ما كملت الساعـة . كان برد ولا عجبني .. يمكن 40 دقيقة وخليته يرجع .
حاسبته ونزلت في المارينا . حلا مع قهوة . قعدت شوي ومشيت للفندق .

ريحت فيه شوي . طلعت أتعشى في مندي السلطان أنا والعم حسن ، وأنا بالطريق دقيت على مزيون السكاي ، كيفك وعلومك ـ ووينك ، قال بالدار . قلت اشرايك نسهر بالفندق . قال أوك على 11 أوك عندك .

تعشيت أنا والعم حسن ومشيت وأخذت بعض لوازم السهرة . طبعاً فيه عصير عندي باقي فيه نص . أخذت كم بيرة وأشياء أخرى .

طبعاً دخولها ممنوع , لذا انتظرت أنا والعم حسن برا لين جاء مزيون السكاي , وأركب معهم في التاكسي . وأحط الأغراض بشنطة مزيون السكاي . طبعاً الشنطة الكبيرة اللي يجيبها كل ضيف .

دخلنا وخلصنا الاجراءات . وعلى طول للغرفـة .. رتبت المكان سريع سريع . طلبت ثلج . شوي ويجي .

زانت الامور . وكانت سهرة والله أطلق من سهرات السكاي ومخيطو . جو مختصر وكل شي هاني .

قضينا من السهرة تقريباً الساعة 4 ونص . قمت تروشت وأكلت بعض الأكل اللي جايبه معي من بدري . صحصحت وزان الجو . قمنا ورجعنا كل شي مكانة . رتبنا المكان سريع سريع .

وسوالف إلى الساعة 7 .. وأحلى نومة ..


نستكمل الجزء القادم غداً إن شاء الله
رد مع اقتباس
 الصورة الرمزية نويت
نويت
مزعوط مميز
المشاركات: 297
تاريخ التسجيل: Mar 2016
نويت غير متواجد حالياً  
قديم 2018-04-10, 12:55 PM
  المشاركه #32
بعد النومة والسهرة الواعرة بالفندق ، صحينا الساعة 2 الظهر . كل واحد أخذ له حمام ، لبست وطلعنا نتغدى ، تغدينا وبعدها براد أتاي ، سوالف ومثله ، تمشينا بالمارينا إلى الساعة 5 تقريباً .
بعدها رحنا مزيكا ، قعدنا فيه إلى 8 . طلعنا ، وكان الترتيب نتقابل بالخيمة على الساعة 10.30 الفندق .
رجعت الفندق ، ريحت شوي . قمت وخذيت حمام سريع ، لبست وطلعت أنا والعم حسن ، مرينا ماك , وجبتين لي أنا والعم حسن . خلصنا وعلى طول للخيمة .
وصلت الخيمة ومزيون السكاي موجود . قعدنا إلى 12 . بديت أحس بالملل من جو الخيمة ،
دقيت على العم حسن . جاني وطلعت أنا ومزيون السكاي ، وصلنا الفندق ، قعدنا إلى 3 وشوي ، كان التعب واجد . نمنا على طول . صحينا الساعة 12 . حمام ومثله ، وسوالف بالبلكونة إلى الساعة 3 تقريباً .
مزيون السكاي استأذن وراح .
أنا طلعت بعده على طول ، تغديت ، وقعدت شوي بالمطعم ، وأنا طالع قابلت موظف مكتب المؤيد اللي في فندق أماديل ، نسيت اسمه ـ
سألته بكم فندق خليج أغادير ـ هو نفس السعر ولا لا . قال بـ 1400 درهم ، قال انت في أماديل صح . قلت صحيح . قال بكم حجزت ،ـ قلت من عن
كم . بـ 1390 درهم غرفة مطلة !! قال الحين فيه عرض بـ 880 درهم غرفة مطلة بس بدون فطور .
استأذنت منه ، تمشيت شوي على الشاطئ . حسيت اني محتاج حمام ومساج .
رحت لحمام آخر . لا بأس به . خلصت ورجعت للفندق .
خذيت حمام ساخن . لبست لبس ثقيل ،
وطلعت لمزيكا . وأنا بالطريق مزيون السكاي دق علي ، قلت رايح لمزيكا . قال أوك أخلص وأجيك .
، قبل مزيكا مرينا على مطعم وجبات سريعة ، شاورما وكولا . وعلى طول لمزيكا .
وصلت لمزيكا تقريباً 10 ., أخذت مكان تحت كويس . والجو العام كويس وزوين . روقت بالأول والثاني ، شوي ويوصل المزيون ، قعدنا . وأكملنا السهرة في مزيكا إلى 3 تقريباً ..
نحاسب ونطلع الفندق . أكلمنا بعض السوالف اللي صارت خلال الأيام الماضيـة .
نمنا وصحيت على 11 . أبي أرجع أنام ـ ما قدرت ، المزيون نايم إلى 1 . نزلت الساعة 12 ، سألت موظف الرسبشن ، قلت أبي أمدد ثلاث أيام . قال أوك ، حسب الثلاث الأيام الليلة بـ 1390 درهم . عطاني المجموع .
قلت سلامات . الحين فيه عرض بـ 880 درهم . ارتبك وسوا نفسه ناسي ، مع ابتسامه نصابه ،
قلت خلاص لا تسوي شي الحين بجي .
رحت لمكتب المؤيد . لقيت موظفة ، وقلت لها أبي أمدد ثلاث أيام ، على طول علمتني بالعرض قالت من يومين بدأ ، إلى رمضان ـ الليلة بـ 880 درهم بدون فطور . قلت الله يرضى عليك ـ أوك أبي أمدد ثلاث أيام . حاسبتها الليلة بـ 880 درهم . عطتني الورقة ،
رحت الرسبشن وسلمته الورقه ، قال أوك تمام ،ـ نفس الغرفة ..
رجعت والمزيون على وشك يصحى . صحى . وقعدنا نسولف شوي ..
قمت وخذيت حمام . لبست والمزيون تجهز ، ـ طلعنا نتغدى بالقلـعة . وسوالف إلى 5 العصر بالقلـعة ..
حاسبت ، وطلعنا سيراً على الأقدام . باتجاه المارينا . وصلنا السكاي . قعدنا فيه إلى 7 المغرب .
رجعنا الفندق . وقاعدين بالفندق إلى 1 بالليل تقريباً . اتفقنا نطلع مخيطو . طلعنا مخيطو ، قعدنا فيه ساعة ونصف تقريباً ، ورجعنا الفندق . ونومممة إلى 1 الظهر .
صحينا ـ وطلعنا نتغدى بمطعم الجزيرة ـ مطعم أسماك . أكله كويس . تمشيه وفرفرة إلى الليل .. تعشينا بمندي السلطان ، وقررنا نسهر بالخيمة .
سهرنا بالخيمة وطلعنا منها إلى 12 . وعلى الفندق ـ كملنا باقي السهرة بالفندق . كانت سهرات الفندق لها طابعها الخاص . أكملنا السهرة . ونومـة . طبعاً وصلنا لليوم الأخير .
صحينا على 1 . خذيت حمام ولبست والمزيون تجهز , طلعنا تغدينا ـ تمشينا شوي على المارينا . المزيون راح يضبط حاله واتفقنا نتقابل بمزيكا الساعة 7 .
خصلت أموري وصرفت لي فلوس ، وتوجهت لمزيكا . قاعد فيه من 5.30 تقريباً . كان شبه فاضي . وعلى شوي شوي يمتلي المكان . الساعة 7 وشوي والمزيون يجي .
قعدنا بمزيكا إلى قرابـة الساعة 10 . اشتقت لجو الخيمة ، فيه شي يجذبني لها مدري وشو . رغم إن الخيمة الأيام اللي كنت فيها ، مب ذاك الزحمـة . يعني جو عادي ـ وأكثره دبكات ،ـ
بس حسيت إن فيه شي يجذبني للمكان . يمكن إني شفت لي طير ولا كلمته بس أجي أتفقد أحواله.
المهم ، مرينا قبل نجي الخيمة تعشينا بمندي السلطان . وصلنا الخيمة على 11 وشوي . قعدنا بالخيمـة ‘إلى 1 إلا ربع . وكنا من آخر الناس اللي طلعوا .
رجعنا الفندق وبكرهـ موعد السسفر ، فيني غثيان وطفششان ـ ولكن لابد من العودة . الديار طلبت أهلها .
أول ما وصلت الفندق . طلعت الشنطة وقعدت أرتب ملابسي وبعض الأغراض .
وشفت بعض القوارير وطرأ لي هذاك اللي مركب مقطـع الزير على غرفته وهو دعثه يوم يقول ـ ( هنا كنتُ ملكاً ... الخ ) المهم قضيت من الترتيب أنا والمزيون .
طبقت الشنطة ، ولا خليت إلا لبس حق بكرهـ للمطار . قعد المزيون يوسوس يقول مدد مدد . وأنا مستحيل رافض الفكرة مليونين بالميـة . مالكم بالطويلة ، غيرت الموضوع معه وقعدنا نسولف ونضحك .
شوي والساعة 4 وشوي ـ كان المزيون يبي يرجع لسالفة مدد وحاول يكسرني بكم دمعـة . ولكن أخوكم صامل . شوي وننام . . طبعاً منسق مع العم حسن يجيني بكرهـ الصباح الساعة 11 لأن إقلاعي من أغادير على 1 الظهر . طبعاً الساعة 11 إلا والعم حسن يتصل وكنت صاحي والمزيون صاحي .
حاولت في المزيون يروح ـ قال بمشي معك للمطار وبعدها برجع مع السواق . حاولت ورفض .
جاني العم حسن ومعه واحد صاحب سيارة فان . مدري باص . مريت على الرسبشن واللي أشوفهم في الفندق خلال إقامتي سلمت عليهم وتشكرت منهم على الفترة الماضية وحسن الأخلاق والاستقبال .
ركبنا التاكسي والمزيون مكسور جناحه وفيه غصه . والله فتحت موقع الخطوط أشوف بكم التذاكر بـعد أسبوع .. ^_^ امززح والله صامل للعودة .
وصلنا المطار. سلمت على المزيون وعلى العم حسن والسواق اللي وصلنا . تشكرت من العم حسن
وودعته . ثم رجعت للمزيون وأحلى حضضضن . والله حسيت إني تركي .
المهم . دخلت المطار ـ وعلى طول قصيت البوردنق وشحنت العفش .
شوي وينادون رحلة الدار البيضاء ، ـ وصلنا كازا تقريباً 1.45 .. نزلنا ورحت للعفش اخذت الشنطة ـ خلصت أموري ، رحت للطيران السعودي أبي أقص البوردنق . رحلتي الساعة 9.45 بالليل إلى الرياض . قالوا الساعة 5 تجي ونشحن عفشك ونقص البوردنق . قلت طيب فيه رحلة قبلها ـ قالوا الساعة 6 وشوي ـ على جدة . قلت وتعدلون الطيران الداخلي ـ قالوا عادي . رحت للمكتب اللي ورا . تبع الخطوط السعودية .
عطيته السالفة كاملة . قال أوك ـ حسب كل شي قال بـ 2350 درهم تقريباً . سلامات غالي والفرق 3 ساعات بس .
عودت ولعنت ابليس وكان فيني تعب ونوم غير طبيعي . رحت المسجد . صليت الظهر والعصر . طلعت وطلبت كروسان وشاهي ليبتون . رجعت المسجد . وأعطيها نومة والشنطة حولي وأموري حولي .
ما صحيت إلا 4 العصر . صحيت وعلى طول رحت للكاونتر ـ واسلتموا العفش وقصيت البوردنق ..

طلعت برا المطار أدخن وأتمشى . لين الساعة 6 وشوي . دخلت للمطار ، وخلصت تفتيش والجوازات ـ وأروح للبوابة . فريت شوي بالسوق الحرة . شوي وأصادف واحد كنت أشوفه في مطعم القلـعة كل يوم ،
سلم علي ـ وسولفت وياهـ . ماشاء الله عليه منطلق بالسسوالف ما يسكت . قضينا الوقت سوالف وضحك
. شوي وينادون الصعود .. ما كنّه بصدق . تعب وطفش . ودك تطير وتفتك ، الطيارة كانت شبه خاويه
أكثر الكراسي الثلاثية فاضيـة .. طبعاً مقعدي قاعد فيه وانتظر أحد يجي ـ
سكروا الباب ومحد جاني . عاد جنبي بالوسط كراسي فاضيـة ، ناديت خويي اللي قابلته بالمطار . سولفنا شوي . تقلع الطيارة ـ وعلى طول كل واحد تمدد ونومـة . أكثر وقت الطيران نايم .
وصلنا الرياض الساعة 6 الصباح تقريباً .
خلصت الجوازات واستلمت العفش . وعلى طول ـ اطلع واركب الباص الخاص بالرحلات الداخليـة . الحين نقلوهم للمبنى الجديد . صراحة المطار الداخلي مطار عالمي .
وصلت له ، خلصت اجراءات شحن العفش إلى أبها ـ وقصيت البوردنق . الاقلاع من الرياض إلى أبها 10 الصباح .
انتظرت لين الاقلاع ـ أقلعنا ووصلنا أبها 11.35 تقريباً .. وعلى طول ـ استلم عفشي ـ وعلى مكتب الوفاق . واستأجر سيارة اكسنت 2017 ـ طلعت من المطار باتجاه نجران ـ تقريباً 12.30 . ومع الخط ـ والله بغيت أجيب العيد مرتين لولا لطف الله . نعاس وتعب وارهاق غير طبيعي .
المهم وصلت نجران بالسسسلامة السـاعة 3.30 العصر تقريباً . جيت البيت ـ ومريت الوالدة وأسلم عليها . وآخذ علومها وتاخذ علومي على السريع .. وعلى طول للغرفـة .. ونومـة لين 12 بالليل .
والحمد لله رب العالمين .. وأتمنى إن التقرير نال على رضاكم

وإن شاء الله خلال بكرهـ أو بـعد بكره بالكثير ، بكتب لكم أحسن الأماكن في أغادير
ـ أماكن سهر ـ ومطاعم ـ وفنادق ـ ومواصلات ـ


كل المحبـة والتقدير
رد مع اقتباس
 الصورة الرمزية أمياس
أمياس
مزعوط خبير
المشاركات: 2,766
تاريخ التسجيل: Feb 2018
الدولة: لايوجد مدينه معينه الاصل جده الفروع الرباط اغادير طنجه
أمياس غير متواجد حالياً  
قديم 2018-04-10, 02:37 PM
  المشاركه #33
سلامة الاسفار
الولف صعييب ااصاحبي خاصه على طير لكن يومين وينسى يجيه الي ينسيه .
كان ودي غيرت وخاويت الرجال وغيرت جو ماتنكفح عزيمة شرواهم والخوه حلوه لالقيت الخوي .وقبل سفرك رجعت اغادير بليله او عادي تطلع من كازا . بس هذا اللي صار ومكتوب .
تقريرك عفوي وبسيط يعطيك العافيه
رد مع اقتباس
 الصورة الرمزية صقر الجنوب
صقر الجنوب
مزعوط خبير
المشاركات: 4,450
تاريخ التسجيل: Sep 2016
صقر الجنوب غير متواجد حالياً  
قديم 2018-04-10, 03:20 PM
  المشاركه #34
الحمدلله على سلامتك وسلامة الاسفار وشكرا على المعلومات القيمه من مطاعم وفنادق واماكن سهر ورحلات بحريه واسواق اكيد بيستفيد منها اي سائح جديد وحتى القدامى بيحدثوا معلوماتهم وبأنتظار الجزء الخاص
تقبل تحياتي ياصديقي
__________________

والله إن الأخلاق ؛
مثل الأرزاق فيها غني وفيها فقير !

. (((أخوكم أبو مبارك)))
رد مع اقتباس
 الصورة الرمزية فهد احياناً
فهد احياناً
مزعوط فضي
المشاركات: 707
تاريخ التسجيل: Mar 2016
فهد احياناً غير متواجد حالياً  
قديم 2018-04-10, 06:33 PM
  المشاركه #35
الحمدلله على سلامتك
وفعلاً تقرير ممتع والجميل فيه اسماء الاماكن ووصف لوضعها من حيث الزحمه والوناسه
رد مع اقتباس
 الصورة الرمزية DarkMoon
DarkMoon
مزعوط مميز
المشاركات: 365
تاريخ التسجيل: Feb 2018
DarkMoon غير متواجد حالياً  
قديم 2018-04-10, 07:44 PM
  المشاركه #36
حمدلله على سلامتك اخوي .. بس مشاء الله مامليت من القلعه هههههه انا رحلتي الاخيرة قعدت ف المغرب ١٥ يوم ما اكلت رز الا مره في مطعم باب اليمن في طنجه .. بقية الأيام ياطواجن يامشاوي ... كان ودي جربت مطعم البركة في اورير مطعم خطير ... بس عوافي ع قلبك بالصحه ومدامك انبسطت هذا اهم شي .... ذكرتني ب اماديل قبل سنتين السفرة الثالثة للمغرب والأولى لأغادير .❤️
رد مع اقتباس
 الصورة الرمزية نويت
نويت
مزعوط مميز
المشاركات: 297
تاريخ التسجيل: Mar 2016
نويت غير متواجد حالياً  
قديم 2018-04-10, 08:01 PM
  المشاركه #37
اقتباس:
المشاركة الأصلية كتبت بواسطة عشقي اغادير مشاهدة المشاركة
سلامة الاسفار
الولف صعييب ااصاحبي خاصه على طير لكن يومين وينسى يجيه الي ينسيه .
كان ودي غيرت وخاويت الرجال وغيرت جو ماتنكفح عزيمة شرواهم والخوه حلوه لالقيت الخوي .وقبل سفرك رجعت اغادير بليله او عادي تطلع من كازا . بس هذا اللي صار ومكتوب .
تقريرك عفوي وبسيط يعطيك العافيه

الله يسلمك ويطول عمرك .

بالنسبة للطيور ، كل سفرة كذا ، 'لكن مثل ما قلت يومين والكل ينسى

أما الشباب اللي راحوا مراكش ، ! والله خوتهم تنشرى ولكن اكيد انهم مرتبين وضعهم من السعودية
وعارفين وش يبون . صعبة أجي وأخرب جدولهم ، ولا ودي أضيّق عليهم .

كل المحبة .
رد مع اقتباس
 الصورة الرمزية نويت
نويت
مزعوط مميز
المشاركات: 297
تاريخ التسجيل: Mar 2016
نويت غير متواجد حالياً  
قديم 2018-04-10, 08:04 PM
  المشاركه #38
اقتباس:
المشاركة الأصلية كتبت بواسطة صقر الجنوب مشاهدة المشاركة
الحمدلله على سلامتك وسلامة الاسفار وشكرا على المعلومات القيمه من مطاعم وفنادق واماكن سهر ورحلات بحريه واسواق اكيد بيستفيد منها اي سائح جديد وحتى القدامى بيحدثوا معلوماتهم وبأنتظار الجزء الخاص
تقبل تحياتي ياصديقي

الله يسلمك ويطول عمرك . ابشر ان شاء الله بالجزء الأخير اللي هو الأماكن اللي تقدر ترتاح فيها

طبعاً بيكون موضوع .

كل المحبة .
رد مع اقتباس
 الصورة الرمزية نويت
نويت
مزعوط مميز
المشاركات: 297
تاريخ التسجيل: Mar 2016
نويت غير متواجد حالياً  
قديم 2018-04-10, 08:06 PM
  المشاركه #39
اقتباس:
المشاركة الأصلية كتبت بواسطة فهد احياناً مشاهدة المشاركة
الحمدلله على سلامتك
وفعلاً تقرير ممتع والجميل فيه اسماء الاماكن ووصف لوضعها من حيث الزحمه والوناسه

الله يسلمك أخوي فهد .. شاكر ومقدّر الإطراء .

كل المحبة .
رد مع اقتباس
 الصورة الرمزية نويت
نويت
مزعوط مميز
المشاركات: 297
تاريخ التسجيل: Mar 2016
نويت غير متواجد حالياً  
قديم 2018-04-10, 08:09 PM
  المشاركه #40
اقتباس:
المشاركة الأصلية كتبت بواسطة DarkMoon مشاهدة المشاركة
حمدلله على سلامتك اخوي .. بس مشاء الله مامليت من القلعه هههههه انا رحلتي الاخيرة قعدت ف المغرب ١٥ يوم ما اكلت رز الا مره في مطعم باب اليمن في طنجه .. بقية الأيام ياطواجن يامشاوي ... كان ودي جربت مطعم البركة في اورير مطعم خطير ... بس عوافي ع قلبك بالصحه ومدامك انبسطت هذا اهم شي .... ذكرتني ب اماديل قبل سنتين السفرة الثالثة للمغرب والأولى لأغادير .❤️

الله يسلمك يا عالي . بالنسبة للقلعة والله مطعم ممتاز .

جربت مطعم اسماعيل ، وجربت النهضة ، وجربت مطعم أسماك ، وجربت مندي السلطان .


القلعة توب ثم يأتي السلطان . أما اسماعيل والنهضة عادية جداً .

بالنسبة لاماديل والله أيام لا تُنسى .

كل المحبة
رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

الانتقال السريع

المواضيع المتشابهه للموضوع: السفرة الثالثة للمغرب والأولى لأغادير .
الموضوع آخر مشاركة
تجربتي الثالثة مع رشيد كار 2021-01-30 02:29 PM
تكاليف السفرة للمغرب أول مره أروح 2017-08-25 03:01 PM
شكلي بكنسل السفرة للمغرب!! 2017-01-30 12:12 PM
العودة إلى الساعة القانونية ابتداء من الثالثة صباحا غدا الاحد للمغرب 2014-10-26 11:08 AM
دبي: المحاولة الثالثة 2013-09-10 04:04 AM


الساعة الآن 10:12 PM