حكايات كويتي ... في بلاد الزعطه

bader757 · 2018-04-17T13:45:24+00:00

مرحبا يا اخوان ... راح اسرد لكم قصص ومواقف حصلت لي في بلاد المغريب الجميل والقصد هو اخذ العبر والدروس منها اضافه الي المتعه.... ونبدا بأول موقف باسم الله بداية لم اكن من محبي السفر للمغرب لعدة اسباب من اهمها ان المغرب وخاصة قبل الثورات لم يكن بهذا الحضور وربما بسبب السياحه في الشام وتايلند صحيح كان هناك سياح يعشقون المغرب لكن ربما كان ينقصه الدعايه واعداد المزاعيط بذاك الوقت لم يكن مثله الان علي الاقل عندنا بالكويت وش لكم بالطويله صادفت احد الاصدقاء واقنعني بأن نغير الوجهه هذه السنه الي اغادير ... لحظه لحظه ... تقصد المغرب .. قال نعم قلت لا الحين موسم صيف وهذي اجواء تايلند ... قال وكله ثقه - نسافر اغادير واذا ما اعجبتك راح اردلك اللي دفعته وفوقها بوسة خشم... من صجك ... نعم: يقول صاحبي... لا وقال بعد اذا ماتحسفت علي كل سفره لتايلند وغيرها ... لاحول ولاقوة الا بالله ياولد فكني من شرك ... قال طالبك قلت تم...حجزنا للمغرب ووصلنا كازا وبتنا ليله وماكان لها داعي مادام ناوين اغادير لكن قلنالكم بالبدايه القصد من سرد القصص اخذ العبر والدروس... المهم رحنا للمطار عشان الطيران الداخلي لاغادير وهنيه تبدا الحكايه الجد ... استعدوا .. نكمل .. يلا في مطار كازا وحنا رايحين لصالة المغادره شاهدنا ملاك يمشي علي الارض ... من غير مبالغه اجمل مارأيت في حياتي ... فتاه مغربيه في عمر الزهور ابهرت الجميع بشدة جمالها وحسنها الاخاذ ... وتكاد تخطفها الابصار .. وكل هذا الجمال يسير بجانبنا ولان صاحبي ملعون الجدف وسيم جدا فقد بادلته هو اطراف الحديث ... وانا اقول بقلبي اهب ياكبر حظه ... سألت بغنج عن بوابة اغادير قلنا حنا رايحين معاكي هلمي معنا ... قالت واخا ... مافهمت شنو قالت واخا ... اول كلمه اسمعها بالمغرب ... ركبنا الطياره طبعا صاحبنا طايحله سوالف ال.. وانا اهز راسي معاهم ... ووصلنا مطار اغادير فجأه اختفت حسناء المغرب ... وصاحبي يحوس قلت حنا برا الحين خلنا ناخذ تكسي ونروح للفندق وقبل مانركب التكسي بثواني حدثت المفاجأه ... شنهي يامزاعيط ... انا اقولكم... البنت تكلمنا من الجهه الاخري للشارع وتقول تعالوا اوصلكم معاي ... ماصدقنا خبر وهبا طرنا يمها ... وقالت اتفضلوا معانا بالسياره وهذي اختي راح توصلكم وكانت اختها اجمل منها ... ول ول ... حلم ولاعلم...طبعا الحين انا وصاحبي كل واحد يسولف مع وحده والجو ولا اجمل وقبل ما نحرك بالسياره جتنا الصدمه الغير متوقعه ابدا... عشرات من الشرطه يحاوطون السياره ومختلف الرتب ... للامانه المنظر كان مرعب ومن شدة خوف البنات قاموا يصيحون ويقولوه انتم اكيد ارهابيين ... سلم علي الطبيشي ... رحنا فيها اقوله انا... ابك ياصالح هذي المغرب اللي تقولها... صالح مصدوم وانا اسب والعن والبنات يبكون.... وفي لحظه قررت انزل واتفاهم مع الضابط ... ورحت وقلتله تري هذي اول زياره للمغرب وما ااعتقد اني سويت جريمه عشان تحاصرونا بالسياره... قال خل البنات ينزلوا وانت ماعليك شي وارجع للسياره ... احترمت نفسي ورجعت وقلت للبنات المشكله فيكم روحوا شوفوا الضابط وراحت صاحبة السياره ورجعت منهاره قالت راح يحولنا للمركز ولازم يجي زوجي لاني متزوجه واذا جا وعرف الموضوع راح يقتلني وانهارت من البكي... وانا وصاحبي انهرنا من الموقف الزفت هذا المهم رجعتله مره ثانيه وقلت ليش الفضايح واكيد فيه حل ثاني .. قال الحل موجود اتفضل معاي انت وصاحبك ومعاكم كل اغراضكم ... وداخل الباص الصغير قالنا اما تدفعوا او راح احولكم كلكم للمركز ... لحظه يالطيب ... ليش كل هذا كم تبي وفكنا... والكلام لي لان صاحبي كان في مرحلة انهيار نفسي وعاطفي... قال كل اللي معاكم ... انتوا شايفين عدد الشرطه كبير ... ولازم اخذ كل اللي معاكم ... وبعد شد وجذب وبعد ماقلتله اني يتيم وكن فلم هندي مع شوية ندم واسف وافق انه ياخذ عشرين الف ... طبعا مبلغ كبير لكن لوشفتوا اعداد الشرطه والناس كنتم دفعتوا اكثر حتي نخلص... دفعنا واخذنا جوازاتنا ... وارتاح صاحبي وقال ... ممكن نرجع للبنات قلت ليش بلا... قال ابي اخذ رقمهم ... قلت امشي اولا[emoji148]

شاعر كازا

مزعوط خبير

المشاركات: 3,264

تاريخ التسجيل: May 2017

الدولة: saudia arabia

2018-04-18, 02:30 AM

المشاركه #1

اقتباس:

المشاركة الأصلية كتبت بواسطة سلطان وبس

اخوي شاعر كازا خوينا كان بيسير بحالهم حسب روايته وماعليهم جرم او كارثه بس وخلاهم يمشون

بس كسرت خاطرهم البنت وان زوجها بيقتلها وكذا الفلم العاطفي الي رسموه مع العسكر هنا السر في حبك القضيه وادارتها

الحمد لله على سلامتكم كل طقه بتعليمه

انا اشوف انها نفسك عمت عليك وعلى صديقك وانعكست عليكم الاتنين والدليل ترديدك لجملة اهب ووووو وسيم ووووو

اتفق معك في هذا ياسلطان كذا يتم الفلم بنجاح

__________________
ليت لي من عناء البعد راحه
يابهجة الخاطر وكثر الأمنيات

مغادر

مزعوط خبير

المشاركات: 1,567

تاريخ التسجيل: Jan 2012

2018-04-18, 02:35 AM

المشاركه #2

اقتباس:

المشاركة الأصلية كتبت بواسطة شاعر كازا

اتفق معك في هذا ياسلطان كذا يتم الفلم بنجاح

ياخي راعين فزعه اغلب ربعنا بس تطلع محبوكه للاسف

شاعر كازا

مزعوط خبير

المشاركات: 3,264

تاريخ التسجيل: May 2017

الدولة: saudia arabia

2018-04-18, 02:42 AM

المشاركه #3

اقتباس:

المشاركة الأصلية كتبت بواسطة سلطان وبس

ياخي راعين فزعه اغلب ربعنا بس تطلع محبوكه للاسف

أصلا انا مااصدق الراوي ولا المعززين له

يارجال انا فرفرت بمطار محمد الخامس أسواقه كافيهاته عساكرة والله انهم على قد الحال وضعوف دراويش

وفيهم مطانيخ لكن في حالهم وعملهم

__________________
ليت لي من عناء البعد راحه
يابهجة الخاطر وكثر الأمنيات

« الموضوع السابق | الموضوع التالي »

الذين يشاهدون محتوى الموضوع الآن : 1 ( الأعضاء 0 والزوار 1)

الانتقال السريع

المواضيع المتشابهه للموضوع: حكايات كويتي ... في بلاد الزعطه
الموضوع	آخر مشاركة
حكايات سفر .. موعظة و عبر	2020-07-12 07:31 PM
كويتي في اليابان !!	2013-02-08 02:48 PM
حادث لمواطن كويتي	2012-04-10 05:27 PM

الساعة الآن 08:03 AM

عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب

حكايات كويتي ... في بلاد الزعطه

روابط سريعه