سفره عائليه للمغرب الشقيق وتحتاج للمساعده

ويوفقك يارب افران جميله وختامها مسك مادام حجزتي فافران المشكله فالطريق صعب شوي وسهل اذا مشيتوا على مهلكم وموذاك الزود مشينا الصباح ووصلنا قبل العصر المسافه حوالي ٤ ساعات بلا توقف من شفشاون لفاس . بس احنا نمشي ونريح يوجد قرى على الطريق ومقاهي ومطاعم وتغدينا فقريه صغيره قبل فاس اعتقد ٨٠واو ٧٠ كيلوا اسمها صخرة الملح على الطريق جذبنا ريحة الشواء ومحلات مصطفه معلقه الذبايح وشوي اخترنا محل وفرشنا معانا فرشات على طريقتنا الخليجيه وكان غدا لازلنا نذكره واتاي وريحنا ووكملنا طريق وصلنا فاس مع العصر والطريق كله مناظر بس خط واحد مو سريع ووصلنا فاس اخترنا السكن شقه مفروشه وكنا مرتاحين ونزلنا نتمشى ففاس . اذكر خرجنا من الشاون الساعه ٩صباح . والطريق امان بس عيبه زي ماكلتلك . منعطفات وطلوع جبل عند الخروج من الشاون بس موصعب على مهلكم ومناظر واختاروا سياره مكيفه .
والله يوفقكم

حلو يعني أتوكل على الله وأحجز باقي المده في فاس و ازور مكناس واللي حولها ثم أنزل لأفران مو مشكله الطريق قطعنا جبال تركيا وهضاب سويسرا عشقنا الهجوله أهم شيء النتيجه .. طيب سمعت ان فاس عباره عن ثلاث مناطق للسكن قديمه وحديثه وأتوقع جانب فرنسي أو شيء فيه فرنسي مو متذكره والله ... الله يوفقك على ردك

اميين ويوفقكم توكلي على الله والطريق موبعيد من الشاون لفاس والسكن يوجد شقق مفروشه فشارع محمد السادس شارع جميل وفيه مول برج فاس وممكن عن طريق بوكينج تختاري و تحجزي وتدفعي فمكان الاقامه . و زي ماتفضلت الاخت ميمي ومعلوماتها المفيده عن المدينه هي من اهل فاس برضه وماقصرت . والرياضات كويسه ممكن تعجبك مع اني افضل شقق مفروشه لخصوصيتها وتقدري تتفقي مع شغاله خبره اذا اقامتك ثلاثه ايام فيها تنظف وتطبخ لكم الاكلات المغربيه . وانتي اختاري اللي يناسبك . انا مااايد انك تحجزي وتدفعي مقدما عن طريق النت افضل تحجزي وتدفعي مكان الاقامه ماتعرفي الظروف وممكن تعجبكم مدينه معينه وتحبوا تجلسوا ايام اضافيه ورحله موفقه

الله يسعد قلبك اخوي على مساعدتك صراحه ماندمت اني كتبت لكم .. انا شفت مجمع زي الأكواخ وفيه ملاهي مائيه مناسب للعوائل الخليجيه من ناحية التعليقات عليه في البوكنج. لأن الرياضات راح نسكن فيها بشفشاون فاتوقع يكفي . شكرا لك ولو تذكرت شيء منا مناك أكتبه مانستغني

ويسعدكم بالفعل الرياضات فالشاون حلوه واهلها طيبين وفنانين ويرحبوا بالزوار واكلاتهم روعه فكل شي لان اغلب الشاون رياضات والفنادق الداخليه ماتناسب العاءلات الخليجية ولايوجد الافندقين عليها الكلام واحد فمدخل المدينه مو ذاك الزود وفندق اطلس اعلى الجبل فندق كلاس ومطل على الشاون . الشاون اختصار شفشاون مدينه صغيره وجميله فيها القصبه ووطى الحمام كل الطرق تودي لها سير على الاقدام كوفيهات ومطاعم ومحلات وفيها راس عين الماء ايضا كوفيهات ومطاعم على نهير جاري وجلستها حلوه للعوايل .ونواحي الشاون طبيعه خلابه واماكن حلوه .
مادام معاكم سياره لاتشيلوا هم والمجمع االاكواخ ففاس اذا تقييمات فوق ٧ ونص ٨ يكون ممتاز لان تفييمات بوكينج صحيحه ميه فالميه بس احجزوا وخلو الدفع مكان الاقامه عشان تشوفو بعينكم وتختاروا الحاجه اللي تشوفوها موزي اللي تسمعوا عنها . ولاتطولوا ففاس افران قريبه وطبيعه ساحره وجو يناسبكم .
رحلتي مع اختي ورحيمي واولادها كانت بدون ترتيب وانبسطوا وماشلنا هم السكن ندخل على النت ونعرف الموقع ونحجز مباشره فنفس المكان . والامور طيبه .