معي شنغن اطلع أسبانيا او لا ؟؟

وعليكم السلام والرحمه
أول شي فيزتك شينغن توفي وتكفي لكل اوروبا
اما انك تطلع الصباح اسبانيا وترجع المساء هو طبعا ينفع لكن اقتراحي طالما رايح ومصاريف نام ليلة او ليلتين وتمشى على مهلك افضل لانك لو بتروح وترجع بنفس اليوم ماراح تشوف بويرتو بانوس بالليل وروعته
طبعا اذا بتطلع من طنجة العبارة منها لطريفة ٣٥ دقيقة اذا معك سيارة او بدون تحجز تذكرتك من الميناء جوا في كذا مكتب وشركة راح تلاقي قبل دخولك الميناء ناس تأشرلك عشان تحجز من عندهم طنش الافضل احجز من الميناء جوا ماادري عن الاسعار حاليا صراحة لي فترة ماسافرت
توصل طريفة باذن الله ومنها على ماربييا مدينة جميلة راقية فيها ميناء البويرتو بانوس الشهير الفخم فيه مطاعم ومحلات وسهر وكل شي عاااالم ثاني جميل وماربييا شاطئها جميل والكورنيش وبوسط البلد في مول جميل لاكانيادا وكمان كورتينجلز وغيرها كثير
وتقدر تروح مالقا وبينها وبين ماربييا مجموعة مدن صغيرة جميلة اقربها الى قلبي بالمدينا فيها بارك العاب وفيها تلفريك ومالقا نفسها مدينة كبيرة جميلة تجارية فيها اسواق وكل شي لكن احب ماربييا اكثر انا
هذا كله يمديك تشوفه بنفس اليوم لكن راح تزحم نفسك كثير ولاظني بتستمتع
اخر عبارة تطلع طنجة عشرة بالليل او ١١
بالنسبة للسواقه سهلة من طريفة لماربييا او حتى لمالقا لاتشيل همها واذا معكم اطفال لايجلسو قدام وركاب السيارة اللي وراء لازم يربطو احزمتهم لانها اجبارية عندهم وعليها مخالفة
اتمنالكم رحلة سعيدة
صحيح واذا تبي تروح في باخرة مابوه من طنجة لازم تطلع من القصر الصغير وتروح منه للجزيرة الخضراء وهذا مشوار عليك مايكفيه الروحة والجاية بنفس اليوم
وكمان تقدر تروح عن طريق سبتة عبارة برضو وهي الاقرب مسافة
لكن تبقى طنجة الخيار الافضل

يسعد قليبك على ردك الواضح .. انا بنوته مثلك هههه اي معانا سياره يعني عادي نطلع مع سيارتنا ؟؟ بس ملقا مو حاره بشهر يوليو ؟
عادي العباره اذا بس نص ساعه مافيه مشكله . متى وقت العبارات الصباح ؟؟
والف شكر حبيبتي ع التوضيح

العفو خيتو
ايه عادي تطلعون بسيارتكم لكن تأكدي من وجود الورقة الخضراء اللي هي حقت العبور اذا كانت السيارة اجار اطلبيها من المكتب قولي انا بدخل اوروبا لان لاقدر الله وسويتي مخالفة او كان فيه تفتيش عليها مخالفة وحجز سيارة بعد لاتنسينها لانها مهمه جدا
بالنسبة للحر لا مو حر مرة وجوهم مو كتمةو بالليل براد يخقق
اول عبارة الصباح تطلع ٥/٦ الفجر
والعبارات كل راس ساعة تطلع سواء من طنجة او طريفة يعني رايحين جايين طول اليوم
الا الايام اللي تكون فيها الرياح قوية مرة توقف العباراة لين يهدي الجو والبحر

حلو حلو الله يحلي أيامك.. بقول لزوجي يشوف كل اللي كتبتيه علشان السياره .. تسلمين يالغلا