الإقامه الدائمه في المغرب للسعوديين

للاسف ردود كلها استخفاف واستهتار
تدخل تدور معلومة تلقاهم صافين طابور كل يستخف دمه

حبيبي مو الحكاية استخفاف دم لما صاحب الموضوع ينزل موضوع ناقص مايوضح به كلشي هو اللي يعطي مجال للاستخفاف

يعني كيف بيجاوبون المزاعيط ع كل تساؤلاته وهم موفاهمين وش يبي بالضبط

انت ما تعرف تقرا؟ السؤال واضح و ما ظنيت اني لازم اشرح لك قصة حياتي عشان تجاوب عليه. لكن تفضلوا لعلي استفيد من واحد يعرف يقرا.

انا مستأجر شقه على البحر من ديسيمبر 2017.
اقرر اشتري ان شاء الله اذا اعجبني الوضع ١٠٠٪؜ و شفت لي شي زين و يستاهل. ما اشتري و عندي نسبة ٥٠٪؜ اني ما راح اعيش كم سنه في الدوله هذي. و سافرت برا المغرب و رجعت مرتين الان عشان الفيزا. و الطلعه و الرجعه للمغرب متعبه عشان سوء تنظيم المطار و الزحمه و الابتزاز و الازعاج.
حالتي الماديه و لله الحمد ممتازه. القصد من ذكر عدم وجود وظيفه او راتب هو ان احد شروط الإقامه هي ان تكون طالب في المغرب او تعمل او عندك ورقه تثبت استلام مرتب شهري من حكومه او شركه.

و الزواج قصدت فيه الزواج القانوني اللي فيه اذن و خشم من الحكومه و مذله عشان اسوي شي محلله ربي بدون مذلتهم.

لي ٦ شهور مستاجر سياره و كلفتني تقريبا عشرين الف. حسافه استأجر اذا اقدر اشتري.

الهدف هو الاقامه في المغرب مده طويله. و كنت اتمنى لو كان احد عنده تجربه بأسهل طريقه للحصول على فيزة الإقامه الدائمه. لكن شكل غالب اللي في ذا الموقع مساكين ياخذ قرض و يروح يسكر و يصيد اسبوعين و يرجع. و السنه القادمه يجدد قرض و يروح اسبوع .

عموما مشكورين