فيزة الصين للمغاربة

المشاركة الأصلية كتبت بواسطة mimi

ههههههه والله والو معمرهم دخلولي لراسي حتى هدرتهم كلهم باللحن بحال الرسوم
شوفي ايلا عندك ما يدار فاكيد خدمة الخدمة راه ساهلة كيكون عندك داك روجيستر ديال كوميغس بانك تاجرة صافي تقدري تمشي وتدخلي معاك الكونتونير مكاين مشكل اغلبية كيديرو هكا وحتى ايلا مكانش غير n de patente ديال محل لي خدامة فيه وتعهد من مول المحل انك ماشية علي ود الخدمة اما فراجة اكيد غيكون عندهم ما يتشاف وليني عنداكي تتلفي راه كلهم بحال بحال شينوي ، جابوني ، كوري متشابهين سبحان الله مبعد اجي ديريلنا شي تقرير على داك الكوكب

المشاركة الأصلية كتبت بواسطة سمو المغربية

هههههههه ضروووري التقرير لكن كله فحلقة وحده غايكون ههههه

بحال شكل تقارير الأخت بريستيجية والتقارير المشايهة لها يعني موثقة بصور ومعلومات فقط إن شاء الله



لا خاصني فو ن د كوميخس وداك التخربيق غانمشي غا فيزة سياحة ونقضي شغلي مايحتاجشي نبقى غاده ماجية غير مرة وحده نفضي الأمور ونشوفو داك الكوكب كيف قلتي ههههه طلبي غا يكونو مطاعم عربية بحال تايلند وغيرها

المشاركة الأصلية كتبت بواسطة mimi

اي الله يدكرها بالخير برستيجية كان حضورها وتقاريرها واعرين
مطاعم عربية مشيتي بعيد متغامريش
مكاين غير لحنوشا ودكشي الخايب
هاد خيتي تعطيك الخبار
https://youtu.be/Jg1LknRFbv8

المشاركة الأصلية كتبت بواسطة سمو المغربية

دوك العقارب اللي هازة ف عود فكروني فشي بخّوشات كنت شووووي وتقولي نفسي كوليهم فتايلند ههههه كايبيعهم واحد مول الكروصة فالشارع

هاد الدرية كون شفتها تما نقول غا شينويا منهم عينيها مجبدات هههههه

واش بالصح مستحيل يكونو مطاعم عربية زعما؟؟ هي عامرة سياح عرب ومغاربة تما بزااااف دوك التجار اللي كايمشو يتقداو

وااااهيا السلامة أنا أكل شرق آسيا كايجيني خانز كايديرو داك فيش صوص ولا اش داك العجب ووووع

المشاركة الأصلية كتبت بواسطة mimi

ههههه ايوا راه بحالهم كن جربتي ، كاين لي كيقولك بحالهم بحال ببوش ليمول وفواكه البحر وليني لا هادو سامين والتانيين لا تخيلي تاكلي سراق الزيت مشوي ولا حنش ويلي غير تتشوفيهم فتصاور كيتبورش عليك لحمك اما الماكلة يعلم الله شنو يوقع
معرفت يختي معمري مشيت يقدرو يكونو وليني فين تلقايهم مع داك الزحام لي عندهم تخرجي الشارع تضيعي وزيدي عليهم اللغة

المشاركة الأصلية كتبت بواسطة سمو المغربية

دوك العقارب اللي هازة ف عود فكروني فشي بخّوشات كنت شووووي وتقولي نفسي كوليهم فتايلند ههههه كايبيعهم واحد مول الكروصة فالشارع

هاد الدرية كون شفتها تما نقول غا شينويا منهم عينيها مجبدات هههههه

واش بالصح مستحيل يكونو مطاعم عربية زعما؟؟ هي عامرة سياح عرب ومغاربة تما بزااااف دوك التجار اللي كايمشو يتقداو

وااااهيا السلامة أنا أكل شرق آسيا كايجيني خانز كايديرو داك فيش صوص ولا اش داك العجب ووووع

المشاركة الأصلية كتبت بواسطة مراكشية doc

المطاعم العربية كاينة بكل مكان ههههههههههه ماغاتموتيش بالجوع

المشاركة الأصلية كتبت بواسطة سمو المغربية

وحق الله هازة غا هم المطاعم ههههه حيت سبق وعانيت واحد الليلة كانقلب على مطعم عربي ولقيت كلشي مسدود وبقيت ندور ونقلب وميتة بالجوع .... أنا حتى ماكدونالدز ماكانزعمش عليه فشرق اسيا كانخاف يكونو قاليين البطاطا بزيت سبق وقلاو فيه لحم خنزير ههههههه ووووع