التخطيط لرحلتي الى المغرب هذا العام

انا لوحدي ونازل مراكش وأول مره انزل لوحدي مدري اسكن في فندق ولا اسكن في الدرقاوي في شقه وش رايك

والله بصراحه دام وحدك اشوف الروز قاردن خيار كويس لك مع انه صاير شين شوي وغالي. لكن يعتبر خيار كويس للي اول مره يسافر للمراكش

ليه شين الروز قاردن كنت مخطط أسكن فيه في أكتوبر رحلتي ☹️
عطنا علومه يا ولد إذا متغير وإذا عندك بديل له علمنا لا هنت

شوف حبيبي الروز قاردن ماتغير تو له فتره وهو ماش

بذكر لك ايجابيات الروز قاردن وسلبياته وانت احكم ...
طبعا من وجهة نظري يمكن تخطي ويمكن تصيب

الاجابيات
1-الصوت لو تجيب سماعات الدبليوا وتحطها بالفله عادي مره ولاحد يكلمك هالشي متفقين عليه كل المزاعيط
2- الضيوف ماحد يتعرضك بالدخول والخروج ولايطلبون البوابه اكراميات اصلا ماتتكلم معه
3 - الجلسه ع المسبح والجو فري اللي حاط عصيره واللي حاط شيشته واللي حاط اكله ماحد يمه واغاني ماتوقف . وكمان تشوف هالشباب وضيوفهم سباحه وناسه ههههه والمسبح حقه كبير ويطرب
4 الامان يعتبر امن من ناحية المدهمات
5 فيه بقاله مع انها غاليه شوي عن السوق برى بس تسد اللزوم + حلاق مع انه غالي شوي + مطعم+بار+جهاز صرافة + مغسلة ملابس+مساج + دسكوا خبيل شوي يعني دسكو مشي حالك

السسسسلبيات .... وياكثرها هههههه احس بتنجلط

1-النظافة طبعا مو كل الفلل لكن فيه مجموعه منها وضعها سيئ حتى المرحاض وانت والكرامه منكسر
2- السعر وهو الاهم وصل لمرحله طغى الروز بالثمن صار سعره مبالغ به مره وصاروا يستغلون بالسعر
3- اغلب اللي سكنوا به لازم يدفعون حق طاوله مكسره او مضيعين البطاقه حق الفله او الشقه
وحيانا يلصقون بضهر الواحد شي ماسواه ركز احيانا ع حسب شطارة الواحد
4- التكاسي اللي يقفون قدام بابه شفاره من الدرجة الاولى ومجرمين بس هذولا اذا كان معك سواقك او سيارتك ماعليك منهم...
5- يوجد جنبه مقبرة
6-حاطين ع الممرات نباتات به شوك او اشواك والطريق مظلم وتعرف الواحد اذا كان شارب عصير يكون ماشاءالله المشي عنده متزن يمشي نيشان هههههههههههه
7- لو تخلي الباب مفتوح ماتدري الا 5 من الربع داخلين عليك يسلمون ومعهم ضيوفهم كذا يسوون جولات تفقديه اقصد بعد السهره للفلل هههههههه