رحلة الشيبان ابو فيصل وابو خالد للمغرب

مادام علومك بدأت كذا
كمل بعد العيد اتركنا
نصوم والتوالي لها والي

بما انها مرتبة إذا شقتها مرتبة

تكة يابو خالد وتخرب صيامنا

__________________

اهم شي انك مستمر تصور فيديو لتسليم الفلوس اذا حجزتوا سكن
ههههههههههههههههههههههههه هههههههههه

مدام كشتها بوي ف انها بتجحفلكم
كمل فديتك وشوي شوي على أصحاب القلوب المرهفه

حركت المشاعر والقلوب
ابو خالد

معاكم للنهاية ياشيبانا

الشيبان قلوبهم خضراء بداو بالتكحيل
وطالبهم يكملون بعد مانشرب الماء
بنكمل صومنا

أسعد الله جميع اوقاتكم يا مزاعيط بكل ود ومحبة (تحية)

نكمل بمشيئة الله الحلقه الاخيره من رحلة الشيبان الشقردية صيف ٢٠١٧

وجدّنا رااحه نفسيه عجيبه في عروس الشمال طنجة. واخذنا نتجول في ربوعها لمده اسبوع ٫٫ زٌرنا فيه العديد من الاماكن الحلوه.. بعد كم يوم في طنجه قٌمنا بزيارة الى تطوان وهي تقع الى الجنوب الشرقي من مدينة طنجه الأنيقة قريباً من الساحل المطل على مياه البحر الأبيض المتوسط حيث تنتمي هذه البلده الى منطقه الريف الكبير وتقع بين جبال الريف وجبل درسة.

وهناك أجّـــر الامير ابو فيصل مرشد سياحي جيد أخذ بنا جوله على بعض من معالم تطوان كــ متحف الآثار والجامع الأعظم وجامع القصبه وحي الملاح وهو حي اليهود .. وسقايه باب العقله

قضينا اوقات رائعه هناك ...

في اليوم التالي إتجهنا الى معشوقتي (شفشاون) تمنيت لو زرتها في الشتاء
مدينه لها تاريخ عريق وبناء هندسي جميل . أول ما يشدّك لها هو لون مبانيها ذات اللون الازرق والابيض وقد سمعت انه يطلق عليها ( اللؤلؤة الزرقاء).. تستاهل (تحيه)

هذه المدينه الجميلة تقع على سلسله جبال الريف وتحديداً على سفح جبل تسملال الذي يقع على ضفة نهر شفشاون اليمنى.

زُرنا معظم المعالم كـــ منبع رأس الماء وحي الصبانين وحي السويقة.... عند قدموك لهذه المدينه ينتابك شعور عجيب... إلتقطنا فيها اجمل الصور والذكريات . انصحكم بزيارتها خصوصا في وقت الشتاء لمن يريد ان يعيش ايام الطفوله ومتابعه (هاااايدي)...


مالكم بالطويله .... بعد كم يوم قررنا زيارة مدينة مرتيل وهي مدينه جميله صغيره سياحية تقع على الساحل الشمالي لمضيق الفنيدق..
هناك انا وابو فيصل لبسنا شوررتات وسبحنا مع الناس اللي تسبح وعينك ما تشوف الا الزين .. كنت متردداً في البدايه ولكن ... قوييييت قلبي وطبيت مع الناس الرايقه.... سبحّنا انا ابو فيصل على الظهر وعلى البطن سوينا حركات بركات.....


مدينه جميله تستحق الزياره وجميع المدن الساحليه المجاوره كــ المضيق و مارينا سمير والفنيدق كلها زرنها وكانت رائعة :maroc (1047)..


مالكم بالطويله خلص الاسبوع والراس باقي ما خلص اللي فيه.. اتصل الامير ابو فيصل على السيده وطلب خمس ايام اضافيه.. حاولت فينا قالت فيه ناس حاجزين .. قلنا استحي على وجهك بس .. قال: الامير عطوك فلوس فيه شيئ رسمي ..قالت: (لا) قال: الامير حنا جاهزين وهذه فلوسنا والله ويلسم الفلوس ونعقد الاتفاقيه وأنا خبركم ما نسيت شغلي طلعت جوالي ووثقت ... قلت سبحان الله ان لفت او دارت ... لعنا سل سبييل سلسبيلها ...

مالكم بالطويله.. قررنا زيارة مدنيه أصيلة معشوقه الفنانين
تركت فينا أثر هذه المدينه كما تركتة مدنيه شفشاون..

أصيله هي بلده هادئة تٌطل على ساحل المحيط الأطلسي وتعتبر بحق ملاذاً من المدن الكبيره الصاخبه.. من يحب الهدوء والسكون والتفكر فـ أصيلة هي معشوقته..ذكرتني بهدوء مدينه إكستر البريطانيه مع فارق الحجم الجغرافي..

بحق قضينا أمتع الأوقات برفقة الحبيب الغالي ابو فيصل.. مالكم بالطويله أمضينا في ربوع طنجة الانيقه مايقارب ١٢ يوماً. كل يوم له ذكرى خاصه وكل يوم اجمل من الذي قبله..... اايااااام لاتنسى

في يوم وداع طنجة... أخذنا أغراضنا وقمنا بتنظيف الشقه ومن ثم اتصلنا على السيده صاحبه الشقه ( قصه البوووي).. جت وكانت مبسوطه وسلمنا عليها وقلنا في إماااان الله..

إستقلينا سيارتنا متجهين إلى كازا وتحديداً مطار محمد الخامس... عند الخروج من طنجة تماماً ..إلتفت واذا بطنجة تبتعد قليلاً قليلاً ونظرت الى ابو فيصل واذا بالدموع تخرج من عيناه // قلت لا حولاً ولا قوتناً الا بالله

واخذت أنُنشد الابيات التاليه:
مالت تودعني والدمع يغلبـُها
كما يميل نسيم الريح بالغصنِ
ثم استمرت وقالت وهي باكيةٌ
ياليت معرفتي إياك لم تكُنِ...

أسأل الله آن يديم عليكم الأنس والحب والموده وأن يحفظكم من كل مكررره


بوووح ابو خالد
رمضان ٢٠١٨

نورتو طنجة وشرفتوها وباذن الله ماهيب زيارتكم الاخيرة لها ودمعت ابوفيصل غالية وطنجة اغلى وتستاهلها السلام أمانة له وبانتظار باقي الحكاية الجميلة البسيطة

منوٌره بأهلها انشاء اللة. وبلغته السلام من الكرام. إنتهت حكايتنا لصيف ٢٠١٧. وإنشاء الله أسافر مع الأمير ابو فيصل هذا العام ونتحفكم بأحلى وأرقى أسلوب حكاواتي