سؤال لسكان أغادير سمو المغربية و عادل أكادير ومن يعرف؟

الله يعطيك الصحة مهندس بجرب الأماكن اللي قلتي عنها تمت إضافتها فالقائمة عندي ههههه

¶¶ بخصوص المطعم اللي قلت يعطوك ورقة تختار السلطة حتى أنا عجبتني السلطة عندهم كنت أخذتها معاي عالبيت لكن نسيت إسم المكان.. حتى العصيرات عندهم حلوة ( وللأمانة فلوسي ماكانت كاملة وقتها وعطوني دبل الكمية من كل المكونات اللي إخترت وزيادة هههههه أشكرهم من هالمنبر )


¶¶ Pure passion بتفق معاك هو الأفضل نظافة ولذة وقعدة وتعامل
تم تصنيفه الأول فأكادير !


¶¶ بخصوص la scala أنصح بتجربته واللي يميزه قليل تلقى شخص عربي يعني كله أجانب وهدووووء وحاليا مسويين شغله الصراحة ماحد مسويها غيرهم ! مشان ينعشو الحركة وقت الغذا (لأن أغلب زباينهم باللليل) حاطين قائمة الغذا كلها ب 120 درهم يعني تختار الطبق اللي تبغى مع السلطة والتحلية وكوووووولشي ب 120 درهم ! ثمن صادم ههههه من الساعه 12 يعني بس وقت الغذا ....

في حين طبق واحد غير هالوقت دون تحلية ولا سلطة ولاشي بيكون غااالي !

¶¶ شيشة السوفتيل ماجربتهاش صراحة لكن جربت شيشة Sol House Taghazout Bay Surf مكان راقي ونظيف وهوا ينعش الروح عالبحر فالطريق لتغازوت قبل ماتوصل كوفيهات الزحمة اللي فالسنتر تلقى هناك من هب ودب ..... في قعده عالمسبح والدي جي اللي هناك قالولي إنه هو نفسه اللي بيكون ف ديسكو So ففندق السوفتيل ! والشيشة عندهم ب 200 درهم لكن تستاااااهل لأنها مو مثل الشيشة حقة 70 و 100 درهم نهااااائيا ! وهناك في حتى بيوت صغيرة عشكل أكواخ كبيرة تابعة للفندق هذا للي يبغى يسكن هناك بس مغليينها شوي 1000 درهم ل الليلة !

¶¶ ولمحبين الگولف أقولهم لاااااااتفوتون ال golf فتغازوت وحتى الفندق اللي تابع له الغولف تحس براااااحة نفسية هناك أول ماالواحد يحط رجليه ! هوا نظيييييف ومنعش وفخامة وهدوووووء !


¶¶ بالنسبة للطواجن في مطعم أعتقد إسمه " هاش " مطعم بلدي فمنطقة أورير عندهم نظافة أححححححسن من مطعم البركه توي أكتشفو ... حتى السلطة عندهم أحسن ! لكن ماعنده شعبيه لسه لأن الآخر واكل الجو معروف عند الناس !


¶¶ في مطعم ثاني ما أكلت فيه لكن صاحبتي تمدحه إسمه la grilladière حق مشويات وكده .... طابعه نوعا ما غربي لأن أغلب اللي يجونو أجانب !


¶¶ وبنصح بالمطعم الصيني جربتو من يومين الحين وبصراحة تعامل ولذة وكمكان عجبني بزااااف ! موجود ف منطقة صونابا / فونتي قريب من فندق أوميغا


¶¶ وبخصوص المطعم الفلسطيني اللي عطريق تغازوت حيرووووني أصدقائي شي يقولي مزيان وشي يقولي خايب هههههه وأنا وقت أكون جوعانه مابحب أغامر بالتجربة اللي جربو يعطينا خبر

__________________
كلآم الناس بالنسبة لي ،، مكآلمة لم يتم الرد عليهآ ..!!!

شكراً بالزااف
الفلسطيني جربته من سنتين وكان عادي جداً وما فيه شيشة؟! الفيو حلو بس
La grilladière مكانه وراء القصر، وكان مطعمي المفضل اكلت فيه يمكن عشر مرات وخاصة الكوكلي واحيان سمك السالمون، لين جيتهم في مرة في يناير الماضي وحطوا لي شي قديم! من يومها سحبت عليهم.
شكلي بجرب الشيشة ديال Sol House Taghazout Bay Surf، متى احسن وقت يكون عامر بالناس؟

Sol House رحت مرتين مع صاحبتي حوالي 6 او 5 المسا ... عالمسبح قعده روعه وهناك تلقى فقط أوروبيين وعوائل مغربية اللي عايشين فأوروبا وعيسار المسبح في مكان الشيشة راااايق ... هناك إطا كنت من محبي الهدوء والهواء النقي وترتاح من الضجيج ... وأحسن ماتكون لوحدك يعني يكون معك أحد
لو حبيبتك أفضل ههههه

الدي جي يجي حوالي الساعه 6 أو 7 المسا لكن موسيقى هادية

__________________
كلآم الناس بالنسبة لي ،، مكآلمة لم يتم الرد عليهآ ..!!!

شكراًًً بالزااف :morocco_5 (214):