قسم الاسئلة و الاستفسارات عن المغرب اطرح استفسارك عن اي شئ يتعلق بالسفر للمغرب في هذا القسم .. للحصول على مزيد من المساعدة

نصيحه اخويه

Kuwaity999 · 2018-06-15T06:20:30+00:00

عيدكم مبارك جميعا بدون مقدمات كلنا اخوان وخليجيين ولازم نهتم في بعض ونعطيكم الموضوع من الاخر اول شي ابتعدوا عن الدرقاوي و واسعاره الفلكيه و شققه التعبانه وعدم احترامكم من الاستقبال الي العساس الي الخدامه ياخذون فلوسكم ويذلونكم .... وابتعدوا عن الروز ونصبه عليكم بحجه الامان واخرتها نايمين بوسط المقابر ابتعدوا عن تجمعات الخليجيين بالسهر كاش و الثاني نسيت اسمه طاوله عليها قرعه ابتداء من ثلاث الاف ؟ وين سهران لاس فيجاس اقل من هذا السعر .... سعر تكلفه السهره اختار فيلا مميزه واسهر فيها وخرفان مشويه كل ليله بالفرن البلدي توصل لي عندك وماخذ راحتك ... لا صاحب المرقص يفلم عليك ولا عساس يتفلسف عليك بحجه الامان .... يا جماعه هذا الموسم ابتدا وفي ناس خبرتها قليله بالمغرب ما يعرفون الا مراكش واغادير وكاش ديابلو ما ادري شنو اسمه ... ماعندنا مشكله ادخلو الحارات اللي علي طريق اوريكا وبعض الحارات قريبه من برستيجيا وادخل اي منتجع او اقامه يعجبك شكلها واستفسر عن الاسعار وراح تلاقون اقامات او منتجعات خمس نجوم افضل من السكن بين المقابر و الدرقاوي لكن تحتاج انك تقلل من الصوت وماتزودها ... و اللي يعرف يضبط اموره خارج مراكش يشد حيله الشمال ممتاز وخاصه مارتيل كابونيجرو السعيديه تطوان هذي المدن الصغيره مصايف المغاربه ..... راح تلاقون فيها الراحه و الاحترام اللي المفروض تاخذونه وانتوا تدفعون فلوسكم وتكلفه السهر خارج السكن يكلف ثلث اسعار مراكش وتشوفون اسعار المغرب بالتسعينات وتشوفون شي غير موجود بمراكش واغادير علي فكره القلب في حجي وايد لكن قلت لكم الزبده

متى السفر

مزعوط فضي

المشاركات: 965

تاريخ التسجيل: May 2012

الدولة: فوق سحب الصدق

2018-06-26, 03:13 PM

المشاركه #11

اتفق معك ياغالي ربعنا لو الله يهديهم ويتركون سياحة القطيع امورهم طيبة
السكن موجود ومتوفر بكل مكان وسالفة الامان هذي كذبة اخترعها الهوامير عشان يتحكمون
بالسوق ويرفعون الاسعار على كيفهم بلا حسيب او رقيب تقدر تسكن في اماكن كثير
شقق نظيفة وسعرها مناسب ولكن كل شيء بالعقل والاسلوب ومثل مايقولون العقل زينة
انا ماادري وش يجبرني اسهر بمكان الطاولة ب3 الاف واكثر والتعامل خايس والخدمة سيئة
وفيه ناس كل يوم بنفس المكان ونفس البرنامج ونفس الملل وين التغيير
انا ماني ضد السهر كل واحد وجوه ولكن فيه اماكن كثير للسهر غير الاماكن اللي متجمعين فيها
أكيد كلامي ماراح يعجب البعض ولكن تظل وجهة نظر واختلاف الآراء لايفسد للود قضية.

__________________

ألا يا صاحبي..الرفقة ترى ما هي ثياب جداد.. تبدلها متى مليت .. وتلبس غيرها ثاني

« الموضوع السابق | الموضوع التالي »

الذين يشاهدون محتوى الموضوع الآن : 1 ( الأعضاء 0 والزوار 1)

الانتقال السريع

المواضيع المتشابهه للموضوع: نصيحه اخويه
الموضوع	آخر مشاركة
نصيحه	2018-09-13 10:58 PM
يبي نصيحه	2014-01-01 04:52 PM
نصيحه	2013-12-23 01:36 PM
نصيحه............	2012-11-14 08:39 AM

الساعة الآن 08:36 AM

عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب

نصيحه اخويه

روابط سريعه