من شآن عينك يهل الدمع من عيني ... اسبوع بين الرباط وكازا
اخواني واحبتي اصدقائي الذين تشرفت بهم ، لأسباب كثيرها واهمها امتلاكهم ثقافة الحوار والرقي بها دائماً مع الحرص على روح الدعابة ولمسات الجمال .
الحلقة الأولى
من شان عينك يهل الدمع من عيني
في ليلة من ليالي الرياض الجميلة كنا ان وصديقاي الذين سأرمز لهم (الهواوي ، والعاشق) وانا طبعاً تخبرون لقبي السابق (السلاوجي) . كنا نجلس في مقهى الضوء الخافت شمال مدينة الرياض وعلى قولتهم (لابنا ولا علينا) وأتى الذكر على المغرب فقال الهواوي ان له ابن عم في المغرب برفقه احد الأمراء سوف اتصل به فاتصل به وبعد حوار طويل بينهما قال لما لاتأت للمغرب قال انا وأصحابي نتذكر المغرب ولياليه قال انا استضيفكم في كازا اسبوع في شقتي واتمنى حضوركم ..!!! صراحة عرض غير مستغرب فصديقي الهواوي من علية القوم وبالتالي ابن عمه كذلك . ما رأيكم قالو تم فإذا بصديقنا العاشق على شفى حفره (لرؤية وليف الروح) اتفقنا ان احجز التذاكر يوم غداً عن طريق الانترنت والسفر في يوم 20مايو .. قلت لهم مازحاً حولو لي الفلوس وابشرو قالو خير .. قال الهواوي ابي لي طير من طيور اغادير قلت حاظرين للطيبين والله واكلم طيري قلت بنجي الاسبوع الجاي تقدر تجي قال صافي قلت اجل جب معك شيهانه بس تكون موالفه قال ابشر . وشوي الا الطير يتصل قال هذا رقم الشيهانة كلمها .... واعطيه الهواوي علشان يمهد الموضوع طلع موافق ولا عنده مشاكل .
داومت في صباح اليوم التالي وبعد تصفحي للانترنت إلا ورسالة تأتي إلى جوالي ألا وهي حوالة بنكية من العاشق !!
بتكلم باللهجه العامية تعبت (ههههه) الله الله الرجال صامل اكيد واتصل عليه قال انا حولت لك (4000) عني وعن الهواوي قلت انتم صاملين قال نعم . قلت كفووو والله وادخل ادور على طول طلعت لي الخطوط المصرية بمبلغ جميل مقارب لتوقعات الشباب (الرياض ـ القاهرة ـ كازا) واحجز ثلاث تذاكر .. واسدد وانهي الموضوع .
بدأت الاستعدادات على قدم وساق ولكن تفاجأنا أن العاشق صار له مشكلة في الدوام قال يوم يتحدد حل المشكلة يوم السفر .. قبل السفر بليله قالي ما اقدر اسافر .!!! وبكره بروح انا وانت لمكتب الخطوط المصرية اغير رحلتي واخرها إلى يوم 23مايو .. قلت خير رحنا للخطوط المصرية ويوم جلسنا عند الموظف قلت تكفى ياولد نبي خوتك لاتخلينا قال دام قلت تكفى اجل مشينا .. على طول قلت له كفوووو لأنه دائماً كفووو .
تلاقينا بمطار الملك خالد وكان الإقلاع الساعة 4صباحاً وركبنا الطائرة وكانت طائرة تمشي الحال لكن نمن النفس بطائرة القاهرة كازا اكيد راح تكون اكبر ومن هالكلام .
وصلنا القاهرة الساعة 6.30 صباحاً وكان مطار القاهرة جميل وشبه فاضي .. انتظرنا ثلاث ساعات لانمل من ترديد رائعة سلامة العبدالله (رحمه الله)
من شآن عينك يهل الدمع من عيني ... ياكثر دمع على فرقاك هليته
مالي حبيب على الغاية يسليني ... إلا انت يللي ملكت القلب وأشقيته
مسكين راعي الهوا والحب مسكيني ... يبي المروفه ولكنك تحديته
كم لي و أنا أرجيك يا شمس المزاييني ... اللّه يحقـق رجـا وصـلٍ ترجّيتـه
وطلعنا على طيارة كازا إلا هي زي طيارة الرياض القيصومه ..!! طيارة صغيره مره وفل اوووبشن كلها مليانه .. !! قلنا يعين الله اربع ساعات ونوصل يوم طارت بالسماء قال المضيف .. مدة الرحلة 5.30 يؤيؤيؤ الله يعين المهم ..
وصلنا مطار كازا الساعة تقريباً 13.15
وبعد ماخلصنا العفش إلا السواق ينتظرنا قال فيه مشاكل في شقة كازا بوديكم شقة الرباط ..!! وش السالفة قال شقة كازا مشغولة لكن عنده شقة بالرباط وقالي اوديكم لها .. قلنا خير مسكنا خط كازا الرباط وطبعاً مكتوب المسافة بين كازا والرباط 90كيلو بعد هالتعب يالله تحملناها ..
وصلنا الشقة شوي الا الشيهانة تتصل تقول طيرك ماقدر يجي عنده مشاكل يبي يتأخر يوم او يومين قلت ماشي .
وصلت الشيهانة بحمد الله وسلامته وكانت بأحلى حله شي عجيب استقبلها خوينا الهواوي بالترحيب والكلام الطيب وعلى طول بدأت قصة الحب بينهم .
اتصلت على الطير وش فيك عسى ماشر قال صارت لي مشاكل بكره او بعده اكون عندك قلت مااااشي مافيه مشاكل أكون ريحت من هالسفره .
احس اني قروشتكم وحلقة طويلة لكن ان شاء الله الحلقات القادمة افضل وفيها صور وسعة صدر . انتظروا اخوكم مخيطووو .
التعديل الأخير تم بواسطة saadora ; 2011-06-06 الساعة 03:42 AM
2011-06-05, 02:05 PM
المواضيع المتشابهه للموضوع: من شآن عينك يهل الدمع من عيني ... اسبوع بين الرباط وكازا
العرض الشجري
الدرهم المغربي مقابل عملات الخليج