مدري الحسبة طبيعية .. ولا انا خبل ؟

شثاااث · 2018-07-09T18:16:22+00:00

السلام عليكم أصدقائي المزاعيط .. أخذت الورقة والقلم وجلست أحسب تكاليف الرحلة لشخص واحد رايح اقادير لمدة ١٠ ليالي.. والحقيقة ان النتيجة النهائية طلعت مبلغ كبير جدا .. مدري أنا ساري ليل ولا الوضع كذا .. احسبوا معاي وصححوا لي يا جماعة الربع .. أنا صرت اكتب الحسبة حتى على جدار بيتنا أقول يمكن تقل التكاليف وكل مرة نفس الناتج .. التذاكر بيزنس ٨ آلاف ع الاتحاد .. لأني طويل وتتكسر رجولي في المقعد العادي .. سكن رويال أطلس ٧٥٠ الليلة x عشر ليالي = ٧٥٠٠ وبما أني كريم واعزم على الضيوف فغرفة للضيف = ٧٥٠٠ المصروف اليومي شامل الضيوف والمواصلات وكل شي ٢٠٠٠ x ١٠ ايّام = ٢٠ الف الناتج طلع = ٤٣ الف ريال !!!! طيب ولو قلت يا رجل بلاش البيزنس ومشيها عادي ، تطلع التكاليف اقل ب ٥ آلاف .. يعني ٣٨ الف ريال .. أنا جلست في لندن ١٠ ايّام ما صرفت كذا ???? ضبطوا لي الحسبة يا شباب .. أنا اشعر بالحزن الشديد المتشدد الذي لا شدة بعده ..

غريب وبس

موقوف

المشاركات: 3,901

تاريخ التسجيل: Mar 2018

2018-07-09, 10:04 PM

المشاركه #1

اقتباس:

المشاركة الأصلية كتبت بواسطة عمر الفاسي

طريقة حسابك غلط , أولاً الطيران سعودية اتحاد او اماراتية انت واللي تبي حسب راحتك ومصروفك اليومي راجع لك

ممكن تصرف الف ريال وممكن تصرف 5000 والمفروض يكون عند كنترول وضبط للمصروفات اليومية

وأكادير ما تستاهل تصرف فيها 2000 ريال باليوم كثيرة بصراحة إلا إذا أنت النوع اللي يخرج ومعه اكثر من وحده ههههههه

والغلط عند بالسكن , تواصل مع مكتب المؤيد للسياحة وهو يرتب لك السكن برويال اطلس عن طريقة ولا تحتاج وقتها لفتح غرفة

ماشاء الله طلعت الخبرات

شثاااث

مزعوط نشيط

المشاركات: 61

تاريخ التسجيل: Jun 2018

2018-07-09, 10:52 PM

المشاركه #2

اقتباس:

المشاركة الأصلية كتبت بواسطة غريب وبس

ماشاء الله طلعت الخبرات

اَي خبرات الله يوفقك .. الرجال قال بكيفك وفكني ومشى هههههه

عمر الفاسي

مدري الحسبة طبيعية .. ولا انا خبل ؟

المشاركات: 3,160

تاريخ التسجيل: Nov 2012

الدولة: الرياض

2018-07-10, 11:27 AM

المشاركه #3

اقتباس:

المشاركة الأصلية كتبت بواسطة شثاااث

اَي خبرات الله يوفقك .. الرجال قال بكيفك وفكني ومشى هههههه

الله يسلمك أنا من الناس اللي ما أحب اتكلم عن الميزانية وعن المصروف لأن بالمغرب بالذات تعتمد على الرغبات

الشخصية , أنا ما أعرفك ولا أعرف مزاجك ولا وش تحب , واعطيتك الخلاصة بأن السكن حسابه غلط وممكن

تحجز عن طريق المؤيد بالفندق اللي تحب من فرع الرياض لو قريب منك أو عن طريق فرع أكادير

وبالنسبة للمواصلات أنت واضح من كلامك راح تستخدم التكاسي ومشاوير أكادير مو كثيرة ولا تكلف رغم أني

افضل تأجير سيارة حتى تكون على راحتك خلال اليوم وتتمشى لو تحب وتروح تشوف المدينة وتقدر خلال تنقلك

تستخدم تطبيق waze وبالليل تستخدم تاكسي لو أنت من النوع اللي يشرب ولو ما تشرب خير وبركه وتستخدم

سيارتك , أكادير كلها على بعضها 3 أو 4 اماكن للسهر , ممكن تدخل بدون ما تجلس على طاولة ب 200 درهم

وممكن بكل مكان تاخذ طاولة مع توابعها وهنا التكاليف راح تتضاعف , والاكل ما فيه ارخص منه ولا هو مشكلة

وبالنسبة للطيور فيه اللي قلبه اخضر ويحب الجروبات وفيه اللي مربوط مع طير واحد وفيه وفيه وفيه الخ.....

اللي يعطيك رقم هذا يتكلم عن نفسه وعن نظامه بالمغرب بدون الدخول في التفاصيل الخاصة بك وهذا غلط برأيي

__________________

الـراحـة الـنـفـسـيـة تـبـدأ عـنـد كـاونـتـرات الـجـوازات

شثاااث

مزعوط نشيط

المشاركات: 61

تاريخ التسجيل: Jun 2018

2018-07-10, 04:24 PM

المشاركه #4

اقتباس:

المشاركة الأصلية كتبت بواسطة عمر الفاسي

الغالي عمر ..

شكرًا لك على توجيهك وبالتأكيد الصرف يعتمد على الشخص ورغبته ولكن في الغالب الزوار يشتركون في رغبات كثيرة وأهل الخبرة عندهم تصور مبدئي عن الصرف الطبيعي والباذخ .. ويقدرون يسوون حسبة تقديرية مبنية على الخبرة وهذا الي طمعت فيه منك ومن الشباب .. ولكن شكرًا لك كفيت ووفيت

المواضيع المتشابهه للموضوع: مدري الحسبة طبيعية .. ولا انا خبل ؟
الموضوع	آخر مشاركة
تذاكر الطيران طبيعية؟	2023-08-22 10:37 PM
استفسار ..مدري سؤال.. مدري الفزعه	2015-11-22 04:17 PM
مدري الزمان	2012-02-08 03:44 PM

عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب

مدري الحسبة طبيعية .. ولا انا خبل ؟

روابط سريعه

الذين يشاهدون محتوى الموضوع الآن : 1 ( الأعضاء 0 والزوار 1)