نصائح عن تجربه ..

المشاركة الأصلية كتبت بواسطة د مزاعيط

السلام عليكم
يسعد صباحكم


سرحت بفكري قبل قليل ولاحظت ان في بعض الأمور الي مرت علي في جميع رحلاتي الخارجيه فيها اخطاء وبتفادها ان شاء الله السفرية القادمة لـ اي دولة وبطرح لكم كل شي بالترتيب ..

1_ الاستئجار
أ• لا تستعجل في حجز السيارة او السكن قبل الوصول لن بعض الأحيان يعطيك صوره غير عن الحقيقه او اذا تم الوصول يقول لك طلبك موجوده بس بعد يوم او يومين وباذن الله تكون جاهزه بعد يومين وكل شي محفوظ عندي .

2_ ايجار السيارات وخاصه ل الجدد
أ • حاول ايجار السيارة تكون من المطار عشان ترجعها وقت الرحلة للمطار ( يفضل للجدد سواق او تكاسي ) .
ب • لف المكاتب جميعها لا تقول م ابي أضيع وقت ترى تندم في نص الرحلة لنك بتنصدم ب أسعار منخفظة وانت اخذتها بسعر مرتفع .
ج • لا تدفع الأجر كامل خل كل يوم بيومه م تدري عن الضروف ويكون التسليم عن طريق التحويل عن طريق اي مكتب تحويل لمكتب الايجار .

3_ السكن
أ • استاجر اول ليلة في فندق وإبداء بحثك عن السكن المناسب
ب • ابعد عن السماسرة بقدر المستطاع لن المكان الي بتستاجره بـ 1000 بتلقاه عند السمسار دبله ( هذي مريت فيها كثير) .

4_ الميزانية
أ• افتح ثلاث حسابات اذا كان ميزانيتك كبيره ووزعها ع ثنتين وخلك مبلغ قليل في الصرافه الثالثه يعني 4000 درهم وخلها اخر شي هي ( كل م تنتهي بطاقة استخدم الي بعدها وشف كيف توزن مصروفك صح ) .
ب• حاول بعد كل يوم تشوف كم صرفت عشان تعرف توزن امورك وتشوف كم باقي في الحساب .

5 _ الاكل
أ• مطاعم قليلة من تضبط الاكل المرغوب فيه من قبل الخليجين اذا انت مستاجر في شقه او فله يلزمك شغالة منها تطبخلك الاكل الذي تبيه ومنها تقوم وكل شي جاهز او انت اطبخ من نفسك .

6 _ التاكسي
أ• لا تركب مع احد الا متفقين ع السعر وحاول تكاسره ترى مو عيب
ب• خذ رقم تاكسي وخله معك في بعض الأوقات او الاماكن لا يوجد تاكسي وانت محتاج تاكسي تضطر تتصل عليه .

7_ اغراضك وحاجاتك المهمه
أ• خبي أغراضك في مكان أمن لا يعرفه الا انت وأصحابك .
ب • خل عندك حرص ل أغراضك خاصه وقت العصير او ماشابه
ج • لا تخلي أغراضك داخل السيارة حتى لو كان مشوارك قريب

8_ التسوق
أ• اشتر أغراضك من السوبر ماركات الكبير لنك تعرف كل شي تشتريه مسعر عليه ولا يضر لو تحسب بنفسك كل شي تشتريه
اذا اضطريت تشتري من البقالة الصغيرة حاول تجرد ورآه في كل شي لن يزيدون عليك ي السايح الخليجي ( صارت معي في اكثر من مكان )

9_ السواق ( لمن يرد سواق )
أ• لا تخليه ينزل يشتري حاجه او ترسله في غرض او ينزل معك يتسوق ينتظرك في السيارة او يروح وينتظر منك اتصال .
ب • لا يدخل السكن لنه لو دخل مره بيدخل عليك اكثر من مره ويصير كل شوي معك .
ج• اذا وصاك ع مكان حاول تنزل تشوف المكان ولا ينزل معك واذا وصاك ع مطعم اسأل عن المطعم او ادخل قوقل وشف تقيم المطعم .
د• اي غلط تشوف عليه علمه انك منتبه ولا تبي تتكرر منه ثانيه .

10 _ السهر
أ• انتبه بعض الطاولات يطلب منك 10 طلبات فقط واذا زدت تدفع خلك حريص لنك لو زدت عن 10 بيخليك تدفع حق طاولة ع البست .
ب • ابتعد عن التصوير لنك لو تصور يتم كشفك سيتم طردك من السهره .
ج • المغني او ما شابهم في السهره اذا قرب عندك اتركة لن يبيك تطلب اغنيه او اهداء ويطلب منك فلوس خذ جوك بدون إهداءات .
د• أماكن السهر الي يوزعونها اعلان عنها في الشارع ابعد عنها لا تروح الا شي قريت عنه او احد دلك عليه .

11_ الاماكن المشبوهه
أ• لا تذهب مع احد أماكن مشبوهه
ب• ابعد عن الاماكن المظلمة والاحياء القديمة

12 _ العودة
أ• فتش شنطتك قبل المغادرة من السكن ناسي شي في الشنطة او في مخابيك ( فلوس ، بطايق ، او حاجات مهمه ) لن الجمارك في اي دولة تفتش الشناط .
ب • اصرف فلوس قبل الدخول داخل صالة المغادرة ( للاكل والشرب ) لن بطايق الصرافه الي تأخذها من المغرب لا تصرف داخل صالة المغادرة ولا يوجد صرافة داخل صالة المغادرة
يوجد فيها شبكة ل الشراء .
ب • عند الدخول اذهب ل البوابة الخاصه برحلتك وتأكد من وقت صعود الطائرة وعشان تكون عارف المكان .



هذا كل شي عندي ????????♂️

[ أتمنى إنكم تستفيدون والي عنده إضافات لا يبخل ]

*هذا النصائح ليس في المغرب فقط في كل الدول

المشاركة الأصلية كتبت بواسطة طايش و مطنش

صور بطاقتك الائتمانية و جوازك واحفظها مع اشياءك الثمينة بعيد عن الانظار و ليس مع الجواز

تاكد من ابلاغ بنكك المحلي بانك مسافر الى البلد المعين لانو بعض المرات يوقف البنك البطاقة اذا حاولت تصرف من هناك .. بنك الاستثمار كمثال

اذا كانت السهره في غرفتك و ضيفك جديد و ماتعرفه زين حاول تمشيه قبل ماتنام لان مامن وجوده معك فايده .. يمكن ينفض عفشك كله وانت مغيم ..

حضر امورك كلها قبل السهره في مكانك من صغيره و كبيره عشان ماتنسى شي و تطلع .. فيه ناس طلعوا و جابوا العيد .

حاول اليوم الاخير ترتاح من كل شي و صفي راسك مزبوط واستعد لرحلة العوده صح .

خذ معك بعض الادوية البسيطة كالبنادول و مضاد حيوي و الحلق و فيتامين سي فوار و بعض لزقات الجروح وكذا .. ماتاخذ منك مكان و مهمه .

فتش ام شناطك و مخابيك صح من اي شي وًفواتير وارقام و خرابيط .. كله زباله ودي .

معك كاش باقي حق البلد .. اشتر فيه شي في المطار او غيره سعودي قبل الرحله .

لا تاكل في مطاعم مخيسة او رخيصة او باعه في الشارع لو ببلاش او حتى تموت جوع .. لو جاك تسمم خربت الرحله كلها .. كل نظيف في نظيف .

خلك دائما هاااااادي لا تخلي اي احد يستفزك ابدا ابدا ابدا ...

حاول ماتفتح لاحد ماتعرفه في شقتك او غرفتك في الفندق و تسوي فيها حاتم الطائي .. فيه بلاوي صارت من هذولي ..

اذا احد ماتعرفه شفته في سهره او الشارع او غيره و عزمك و لزم عليك تجيه .. نصيحة : لاتروووح .. اسحب .

لا تجيب اكثر من ضيف في وقت واحد ابدا .. امنع مره. مشاكل تصير و تنقلب الليلة غم

دائماا احسب كمية عصيرك اللي يجيب راسك و لا تزييييييييد ابد ..

نصيحة : نم كويس في رحلتك حتى لو تنكسل يوم نووووووم .. صحه و عافيه و صيانه لجسمك

عندي والله كثير بس تعبت