مطار محمد الخامس وفقدان الجواز في وفاء كاش وتعامل موظفي الجوازات

المشاركة الأصلية كتبت بواسطة Raed Alharbi

السلام عليكم

احدثكم الان من مطار محمد الخامس راجع الى السعودية ان شاء الله .


وصلنا الدار البيضاء تاريخ ٨/٨/٢٠١٨ وكان باستقبالنا موظفي الجوازات باسلوب التطفيش علشان تدفع اكراميه حسب طلبهم بالاخير وبادرتهم بالرفض لان انا نظامي ولا فيه شي يستحق الاكراميه واستغربت من بعض الاخوان اللي معنا بالطياره بالدفع علشان يمشي !!

المهم خلصنا منهم بعد تعب تقريباً ساعه كلها بالجوازات وقروشه لاننا ٦ اشخاص شتتونا دخلو ثلاثه وخلو ثلاثه وكل ما وصلو الكاونتر رجعوهم ثانيه كل مره بحجه وكان كل الكلام بكرت الدخول .

نصيحتي للي جاي عب كرت الدخول باللغة العربيه والانجليزيه للاسم واكتب رقم الرحله والتاريخ وسجل عنوان حتى لو كان كذب اكتب اسم فندق ومدينه مثلي سجلت فندق ريلاكس الدار البيضاء .

طلعنا واخذنا الشنط وتوجهنا لوفاء كاش وكان حل ممتاز جداً اودعت مبلغ المصاريف اليوميه ببطاقتين وخليت قيمة السكن كاش لان الصرف ٦٠٠٠ درهم باليوم للبطاقه الوحدة .

انصح اي احد ياخذ وفاء كاش حلو جداً لاني كنت احاسب كل شي بالبطاقه بدون ما اصرف الا بعض المرات احتاج اصرف لبعض الاماكن اللي ماعندهم بطاقه .

طلعنا لقينا سواقنا برا ينتظرنا وركبنا وعلى مراكش سيدة وتفاجأة لما وصلت مراكش ان جوازي في وفاء كاش بالمطار وهنا انا صارت تلف فيني الدنيا وكيف ارجع اتصلت على الفرع وكانو الموظفين في قمة الاحترام وقالو لي تبي نخليه عندنا لين تجي رحلتك قلت اوك وكنت صراحه كل يوم اتصل اتطمن على حبيبي جوازي


وصلت المطار اليوم واتصلت على الفرع وقلت لهم اذا ممكن تطلع برا تجيب لي جوازي لانهم ما يدخلوني بدون جواز والموظف ماقصر طلع لي برا وجاب لي الجواز ودخلت وتوجهت لحرب الرجعه مع الجوازات كان فيه موظف قبل الجوازات يسال كم معك وقلت له اللي معي دولار وحسب القانون المغربي طبعاً لازم تعبي كرت الخروج نفس الدخول وقابلني موظف الجوازات بنفس اسلوب الدخول بس هالمره كانت اخف من الاولى حيث طلب بصراحه ابي اكراميه قلت له مامعي وختم الجواز ومشينا .


اعتذر على الاسلوب بس حبيت اسرد لكم قصتنا السريعه ومشاكلنا .

المشاركة الأصلية كتبت بواسطة سمو المغربية

الحمد الله عسلامتك أخي
ويجزاهم خير موظفي وفا كاش
عاذراك وقت قلت أنك تتصل كل يوم تطمن هههه
الجواز هيبة الشخص