يا مزاعيط ارجوكم دلوني

ي بو سعد الديره غاليه اذا انت راعي سهر وكل يوم طيرك معك تهده ويرجعلك والسكن والاكل والكفيهات وخلافه صدقني تصرف ماتحس الا فلوسك مخلصه مشكله عملتهم ماتجلس في يدك مافيها بركه المهم خذ الي يكفيك وحطها في بالك انت رايح تستانس وتوسع بالك لكن
نصيحه لا تبخل على نفسك وسلامتك

ما فهمني الا انت صحيح ان قصدي بالعربي - الهياط- يعني طاولة بمدري كم وتنقيط والخ انا قصدي الصرف بلمعقول

والله انا اخوك صرف مقدور عليه انا شاء الله خل الدرهم يجي وا أوريك فيه - بس السوال الي بيروح ١٠ أيام لحاله وطيره خمس ايّام معه يوم ايه ويوم لا والسهر مثل يعني بلمعقول كم يكفيه وعلى قولتهم الي ما يعرفك ما يثمنك

صراحة انا ضعت وابي احد يدلني مدري آروح للمغرب ولا اروح اوربا ولا إسطنبول ولا اروح بالي اندونسيا وإذا بروح المغرب وين اروح انا شخص ضعت - الي بيعطيني رأيه مره ثانيه انا لحالي وميزانيتي ٢٥ الف واجازتي ١٤ يوم وهذي إجازتي الوحيدة هاذي السنة بحكم الوظيفة - و ودي بسفرة ما اندم عليها وفي نفس الوقت انحاش من ضغط العمل

تكفيك يابن الحلال وخذ لفه بالمنتدى وتعرف على الاسعار ورتب لك جدول سفره وارشحلك
كازا
مراكش
اغادير
قسم الايام بينهم وماراح تندم ...

شوف اخوي يمكن اقدر افيدك

اوروبا- اذا كنت تحب الرواق وقله الزحمه انصحك ببراغ العاصمه التشيكيه ، هالشتات مدينه في النمسا ، انترلاكن في سويسرا

اما اذا كنت من محبي السهر فلديك بوخارست العاصمه الرومانيه سهراتها خرافيه ،امستردام هولندا اذا كنت راعي كيف وغير مقييد بلقوانين ، برلين المانيا تقريباً نفس نظام امستردام اما اسطنبول زرتها ٣ مرات انصحك بها اذا كنت من محبي الاكل سهراتها عباره عن نصب ولعب ولاد صغار الي تحصله فيها تحصل الي افضل منه على عشر مرات في المغرب على قوله خويي


اسيا- انصحك وبكل قوه بهونغ كونغ اذا كنت من محبي المدن وناطحات السحاب وبعدها الفلبين اجمل طبيعه باسيا وبعدها تايلاند او اندونيسيا ولديك سنغافوره لاكن قوانينها غريبه جداً ولازم تكون على درايه منها قبل لا تزورها

امريكا اللاتينيه - البرازيل ريو دي جنيرو مدينه رائعه جداً لاكن خطره ، كولومبيا انصحك بسان اندريس جزيره رائعه جداً و مدينه كارتاخينه ، كوبا دوله توقف بها الزمن من خمسينيات القرن تجد فيها كل انواع السيارات الكلاسيكيه تسير على الطرق واذا كنت من محبي السيجار الكوباني فانصحك بمدينه هافانا العاصمه و مدينه فال دي فيناليس كلها جبال استوائيه واراضي زراعه التبغ الكوباني اما اذا كنت من محبي الشواطئ ذات البحر الصافي والرمال البيضاء فاليك بمدينه بلايا برايسو
جمهوريه الدومينيك العاصمه سانتو دومينغو شاطئ بوكا تشيكا او مدينه بونتا كانا ممتازه جداً اغلبها سياح من امريكا الشماليه ونادر جداً تلاقي سياح عرب

اذا كان عندك اي استفسار او اي سؤال انا جاهز انت بس اختار وانا بعطيك الزبده