لماذا لا يضعون لكل سيارة سعرها في التأجير؟؟؟

انا قبل فتره اتفقت مع واحد اني استاجر منه ... ولما وصلت مطار محمد الخامس وتلاقت العيون تغير الاتفاق ١٨٠ درجه .... وحاول يلف ويدور باكثر من نقطه باتفاقنا علي موديل السياره و طريقه الدفع و و و و
لكن ربك يسر امري وتركته ولفيت لفه بالمكاتب واخذت سياره جديده بقراطيسها ماشيه الفين كيلو فقط ... حتي استلام السياره قالي وقفها بالموقف وسلم مفتاحها لحارس الموقف و الله يحفضك علما اني مستاجرها فتره اكثر من شهر ... وبدون تامين
ولانه شخص محترم اتصلت فيه اول ما وصلت الكويت وسالته في شي بسيارتك ولا استلمتها اوكي ؟ شكرني علي الاتصال وقالي المره الجايه لك خصم محترم مني
للعلم اللي اتفقت معاه واخلف وتغير كلامه لما وصلت معلن كثير من المزاعيط يرفعون له بنزاهته و سلاسته باجرائات التاجير و الاستلام ... لكني تعرفت عليه عن قرب وعرفته علي حقيقته بدقيقتين ولن اتفق مره ثانيه مع معلن بالموقع مع احترامي للجميع

ليتك فصلت أكثر في موديل ونوع وسعر السيارة.

ذكرتها سابقاً وأعيدها للفائدة، من ديرتك ادخل قوقل ماب وحدد المدينة المغربية وحط تأجير أو كراء سيارات، وشف الوكلات وتقيمها وراسلهم واتس، وقارنهم بالمعلنين وجرب وشف.
عني شخصياً جربتها وتعاملت مع وكالة وليه معها الان سنة وثلاث شهور، ويغيروا سيارتهم كل سنتين في شهر سبتمبر، أجرت منها على ما أذكر 5 مرات، ومثبت لي السعر سواء شتاء او صيف لأن فترة بقائي طويلة، سكودا اوكتيفيا ديزل اتماتيك ب350 درهم، والبولو بنزين قير عادي ب200 درهم واذا ديزل 250 درهم وعنده غيرهم بس ذول ناسبوني. وأحسه سعر مناسب والأهم ان تعامله جيد.

وأكيد فيه غيره كثير، الشاهد اذا لقيت معاملة زينة وسعر انت مقتنع فيه نصيحة لا تغيير، حتى لو حصلت بعد كذا سعر ارخص، كلم الوكالة الي تتعامل معها وشف ردة فعلهم أغلب الظن ما راح يخسروك.

ترى هو هذا نفسه الشخص اللي بهدل سفرتنا

والعجيب تحصل المزاعيط يمدحوه
وهو كذاب


بالاخير ارسل لنا شمكار بسناسل على رقبته ويده عشان يخوفنا ههههه



انصح بالتاجير من الشركات العالميه او المكتاب داخل المدن

شوف يا عزيزي , انت أول ما نزلت الشكوى أنا رديت عليك وطلبت منك الاثباتات على صحة ادعائك

وانت ما رديت وبالتالي سقط حقك , رمي التهم بدون دليل واثباتات غير مقبول ولا يسمح به بالمنتدى

وبدل ما أنت داير من موضوع لموضوع ترمي كلام بدون دليل كان رجعت للشكوى اللي انت كاتبها

وردت علي , انا كنت منتظر ردك من 13 ديسمبر ,,

__________________

مثل ايش اثباتات؟

عطنا مثال؟ هل تبغيه ينزل فيديو و صور للشخص اللي نصب عليه؟:morocco_5 (83):

هو ذكر قصته و الباقي عند رب العالمين بيحاسبه اذا كان كاذب

طرشلي هالشمكار يبي يلعب معاي وطردته خهخهخخ
علي فكره هذا الشخص عنده ثلاث اكاونتات بالمنتدي واحد فيهم مسوي نفسه بنت يكلمك من ثلاث اسامي كل واحد شكل و بالاخير تكتشف انهم تابعين لنفس المكتب يحاول يصيدك باي طريقه

اخي ممكن ترسل لي رقم هالشخص على الخاص؟
مبين عليه ولد ناس و يعرف الاصول و محترم في التعامل مع الزبائن

اشكرك مقدما

اخي ممكن ترسل لي رقم هذا الشخص؟
ابغي اتعامل معه لو رحت للمغرب

اشكرك مقدما