العفو
طبعاً لازم تشوفها قبل توقع.
لعلك تلقي نظرة على هذا الموضوع:
https://www.mza3et.com/morocco39348.html

راح تطلع بقناعة إنه وبالرغم من عيوب شركات تأجير السيارات المحلية في المغرب إلا أنها تبقى أحسن من الشركات العالمية، وهنا نتكلم عن المغرب فقط.
وهذي تؤكد عبارة في المغرب لا تستغرب.

تدري من الأشياء الغريبة في المغرب انهم يسمحوا للأجنبي بشراء عقار بجواز سفره، ولا يسمحوا لنفس الأجنبي الي شراء العقار، بشراء سيارة إلا اذا طلع اقامة!

المسألة وما فيها هي أخذ رسوم بطرق ملفوفه حتى يتم التركيز على

غرابة كيفية فرض الرسوم بدون التركيز على الرسوم نفسها ، بالمغرب

فيه أمور غريبة عجيبة مثل ضروري تأكيد ملكية العقارات بحد أقصى كل

اربع سنوات حتى لا يتم بعدها وضع اليد على العقار أو تزوير الملكية

صدقت بارك الله فيك

صحيح كلامك

حصلتكم موقع يوسف
الغريب أنه حاط الأسعار في الموقع:
https://www.youssefoffice.com/rental-cars-prices/

وطبعاً أتوقع فيه تخفيض عليها على كلامه مؤخراً في المنتدى هنا

اصلا المشكله منا احنا اللى نسافر بأستمرار المفروض اي وحد مايعرض الاسعار اتركه لاتاخذ منه انا وجت هنا البعض يضع الاسعار سواء كان موسم او غيره سعره هوهو بس اللى مايضع الاسعار انا اكتشفت شي اللى هو لما سايح يبي سياره الامريكي له سعر خاص والخليجي له سعر خاص والفرنسي كذالك والحل الافضل اذا لم تجد احد وضع الاسعار هنا اذا وصلت استاجر من المطار او اي مكتب قريب لك

مرحبا بك حبيبي الغالي.

وانت تأمر

انا قبل فتره اتفقت مع واحد اني استاجر منه ... ولما وصلت مطار محمد الخامس وتلاقت العيون تغير الاتفاق ١٨٠ درجه .... وحاول يلف ويدور باكثر من نقطه باتفاقنا علي موديل السياره و طريقه الدفع و و و و
لكن ربك يسر امري وتركته ولفيت لفه بالمكاتب واخذت سياره جديده بقراطيسها ماشيه الفين كيلو فقط ... حتي استلام السياره قالي وقفها بالموقف وسلم مفتاحها لحارس الموقف و الله يحفضك علما اني مستاجرها فتره اكثر من شهر ... وبدون تامين
ولانه شخص محترم اتصلت فيه اول ما وصلت الكويت وسالته في شي بسيارتك ولا استلمتها اوكي ؟ شكرني علي الاتصال وقالي المره الجايه لك خصم محترم مني
للعلم اللي اتفقت معاه واخلف وتغير كلامه لما وصلت معلن كثير من المزاعيط يرفعون له بنزاهته و سلاسته باجرائات التاجير و الاستلام ... لكني تعرفت عليه عن قرب وعرفته علي حقيقته بدقيقتين ولن اتفق مره ثانيه مع معلن بالموقع مع احترامي للجميع

ليتك فصلت أكثر في موديل ونوع وسعر السيارة.

ذكرتها سابقاً وأعيدها للفائدة، من ديرتك ادخل قوقل ماب وحدد المدينة المغربية وحط تأجير أو كراء سيارات، وشف الوكلات وتقيمها وراسلهم واتس، وقارنهم بالمعلنين وجرب وشف.
عني شخصياً جربتها وتعاملت مع وكالة وليه معها الان سنة وثلاث شهور، ويغيروا سيارتهم كل سنتين في شهر سبتمبر، أجرت منها على ما أذكر 5 مرات، ومثبت لي السعر سواء شتاء او صيف لأن فترة بقائي طويلة، سكودا اوكتيفيا ديزل اتماتيك ب350 درهم، والبولو بنزين قير عادي ب200 درهم واذا ديزل 250 درهم وعنده غيرهم بس ذول ناسبوني. وأحسه سعر مناسب والأهم ان تعامله جيد.

وأكيد فيه غيره كثير، الشاهد اذا لقيت معاملة زينة وسعر انت مقتنع فيه نصيحة لا تغيير، حتى لو حصلت بعد كذا سعر ارخص، كلم الوكالة الي تتعامل معها وشف ردة فعلهم أغلب الظن ما راح يخسروك.

مشكورين كلامكم جميع وربي بمحله اللي يرتاح لمكتب ويشوف انه سلس بتعامله ومصداقيته وأسعاره ممتازة وجربه اكثر من مره فلا يغير الا إذا مالقا شي عندهم أو ان لقا شي متميز بمكتب ثاني ليش لا مايغير ويجرب الأرزاق والتوافيق بيد الله بعض المكاتب يطلع لك مية ومئة شغله لما ترجع السيارة وبعضها سهاله ويحاول يرضيك باي شي لاجل تعود له مره ثانيه