انا استخدم تطبيق الجوال ولا يظهر لي منو المشرف. ممكن تحدد لي المشرف عشان أرسل له إثبات.

واللي اقصده هو مكتب الحربي ابومحمد. الله لا يوفقه. انتبهوا منه.

عندك قسم التواصل بالاداره ارفق مالديك
من اثباتات

بالنسبة للشمري كار تعاملت معه في ابريل 2015 اتفقت معه يوصلي سيارة لمطار الرباط، وكانت أول وآخر تعامل معه، وأقولها واتحملها في ذمتي لا يوجد له مكتب بهذا الإسم، الرجل سمسار، وبكل بساطة لو كان له مكتب يحط لنا موقعه وعنوانه.

ومو عيب أنه يكون سمسار، العيب انك تتفق معه على سيارة ويوم تجي ما تحصل أي سيارة ويعطلك وتضطر تنلطع بالساعات وتاخذ سيارة ثانية، لأنك اعتمدت عليه وما اتفقت مع غيره.

المشكلة انه معلن هنا في المنتدى باسم مكتب ليته يقول انا سمسار او وسيط
يجيك الاعلان باسم مكتب و هوا ما عنده الى جوال و جزمه يمشي عليها حتى يروح ويجي للمطار في طاكسي و هذه العينات ما وراهم الا الممرطة في المطار وانت جاي من رحلة 20 ساعة على الاماراتية او غيرها

و ربك يعين

هذي يسمونها فهلوه المصاريه

اذا وضع السعر هنا بنلزمه انا ونت وغيرنا اما اذا خلاها مفتوحه بيكون فيها تفاوت ورفع للثمن وهذا الي يبحثون عنه
ولا تنسى المواسم فيها رفع للثمن فرصتهم
واذا جيت بوقت فاضين قال لك زحمه وحجوزات
وياقلب لا تحزن .

افضل شيء مكاتب المطار تحت عند القطار واحرص على عدم رهن جواز سفرك

ماعاد يرهن شيء صار تأجير سيارة بدون اي ات

للاسف مازال فيه ات وطلب ضمانات ماليه على المستاجر تطلب وخاصه الشركات العالميه بالمطار
احد الزملاء طلبوها منه قبل شهرين .

التأجير من الشركات العالميه سواء بالمغرب أو غيره يعد أفضل وأريح وأضمن من بعض مكاتب التأجير أو مايسمونهم ( سماسره ) في المطارات صحيح ممكن المبلغ يكون أكثر لكن كتعامل وإستلام وتسليم أفضل لأنك تتعامل مع شركه عالميه تهتم بالسمعه والمصداقيه طبعاً عن تجربه عدة مرات وبأكثر من مطار سواء بدول الخليج أو العربيه أو الأوروبيه وأشتراطاتهم وحده ( مبلغ الحجز + مبلغ تأمين من 1500 إلى 2000 ريال أحياناً ) ويرجع مبلغ التأمين بعد 15 يوم من تسليم السياره ولا يعترفون إلا ببطاقة الفيزا أو مايشابهها وتكون البيانات ع البطاقات منقوشه نقش وليست مطبوعه حتي بطاقات الشحن ( مسبقة الدفع ) تقبل

طرشلي هالشمكار يبي يلعب معاي وطردته خهخهخخ
علي فكره هذا الشخص عنده ثلاث اكاونتات بالمنتدي واحد فيهم مسوي نفسه بنت يكلمك من ثلاث اسامي كل واحد شكل و بالاخير تكتشف انهم تابعين لنفس المكتب يحاول يصيدك باي طريقه