تجربتي مع كازينو الموعد الهرم (افلام نصب )

عادلsa · 2018-11-27T15:41:25+00:00

[CENTER]ااالسلام عليكم اول موضوع لي ومعكم عادل :) رجعت لجدتنا قبل يومين الحمد لله قلت خليني اكتب لكم تجربتي للفايدة كنت في القاهره وصحيت الساعه ١٢ في الليل قلت ياولد خليني اروح اسهر طلبت كريم وقلت له ايش افضل في الهرم ينسهر فيه قال الموعد قلت روح له وصلني لهناك ووقف قدام الباب واستقبلني واحد قال انزل شوف الجو كيف ونزلت معاه ورجعت عند الباب اتفاهم المهم عن الباب قالي (الطاوله مع عصيرين مع المزه ب ٥٠٠ جنيه ) قلت انسي الموضوع ٣٠٠ جنيه تمام راح سال واحد ورجع لي قال تفضل يا باشا نزلت و الجو مو ذاك الزود المكان زي القبر المهم جلست ومشينا الامور في واحد سعودي مغرق ال رش :) انا جالس صف ثاني كل شوي الي قابلني عند الباب ودخلني يقولي الحلاوه ياباشا قلت له وانا طالع امر عليك جاني اكثر من ثلاث مرات فصلت عليه قلت تبغاني امشي خلاص قالي لالالالالا يا باشا خلاص المهم الساعه ٤ تقريبا طلبت الفاتوره علي اساس يكون مكتوب فيها ٣٠٠ جنيه وجاب لي الفاتوره مكتوب فيها ٩١٥٠ جنيه ههههههههه وانا الي سويته شربت عصير وواحد كولا علشان اكسر به بس حتي المزه اكلب بس الحبحب كان طعم ههههههههههه المهم كملت السيجاره عادي جدا ولا كان صاير شي وناديت الي جاب لي الفاتوره قلت هذي فاتورتي والا فاتورة ال كله قالي تفضل معاي للمكتب نتفاهم قلت مومشكله تفضل وصلنا للمكتب ودخلو معاي ٧ وواحد جالس علي المكتب يقول فيييييه ايه قاله دي فاتوره الباشا ويقول مش حيدفع قلت موفاتورتي انا اتفقت مع واحد عند الباب قالي ٣٠٠ جنيه والحين جايبين لي فاتوره ب هذا المبلغ المهم لكم تتخيلون ٧ اشخاص والله يتكلمون كلهم بنفس الوقت وانا لوحدي غلبان ههههههههه المهم شديت معاهم بالكلام قالي الي علي المكتب حدفع يعني حتدفع والبقيه يرددون نفس النغمه منت حتدفع يعني حتدفع ادفع وانت طيب قلت اقولكم علي شي اطلبو لي الشرطه انا انسان اهبل وجيت سهرت عندكم ومامعاي فلوس خليهم يسجنوني استاهل ههههههههههه لالالالا في مداخله عجبتني جدا جدا من واحد منهم قالي احنا مسجلين لك فيديو وانت تشرب ولو جات السفاره حنعطيهم الفيديو ههههههههه رديت عليه ماعليك عادي الي يشرب عندنا يجلدونه بس :) ما اطول عليكم وشد واخذ وفك وانا افك وانا صامل اقول ما معاي فلوس قالي طيب نسحب لك بالفيزا لو حابب قلت لا قال يبقا انت مش عاوز تساعدنا وجابو لي السعودي الي جالس يرش وحارق ال مليون بالميه معاهم طابخينها سوا ( قالي ياخي المبلغ تافه ادفع سكررررران طيبه قالت انت كريم وانا استاهل ادفع انت عني ايش رايك ما عاد هرج ابد ) وشوي قالي الي علي المكتب بص انت شكلك ابن ناس انا حعمل لك خصم خاص ٨٠٠٠ جنيه بس واعطيك ترش ب ١٠ الاف وتكمل سهرتك قالت لا ما عاد ابغا اكمل و ٨ الاف كثيره قال مو انت حتدفع يعني حتدفع قامت قامت الغشنه ( غشنه يعني مضاربه )ههههههه شوي الصلعه طلعت لي فكره ( بلاهه ياخي تكون اصلع ودلخ ) قلت في نفسي اعطيه الفيزا عندي الفيزا ما تسحب الا برقم سري طبعا واعطيته الفيزا واعطيت الرقم السري غلط حاول حاول قالي متساعدنا هنا عاد دخول مفاجي وفكره جديدة عاد كشرت واعطيتهم وضعيت الولد الكاش جدا اقولكم كم المبلغ الي تبغوني قالي الحين بدون تخفيض نبغا ٩١٥٠ جنيه علشان حضرتك مش عاوز تتساعد معانا قلت خليها ١٠ الاف جنيه ايش رايك وخذ الباقي بخشيش اذا المبلغ هذا كبير عندكم قليل عندي انا اعطيكم هذا المبلغ عل الجزمه ( تخيلني وحاول تبالغ قد ما تقدر من كميه الهياط والثقه المطلقه جد جدا جدا واااااااااااثق بدرجه ما تتخيلها) قلت انا اتصل الحين علي الحارس حقي يجيب لكم من الفندق واحط علجزمه طلعت من الغرفه من عندهم وطلع معاي واحد المهم في زي الحوش الداخي عندهم يعني تشوف السماء بس حوش مقفل ما تقدر تطلع للشارع والله وانا افتح جوالي واسوي بحث في قوقل شرطه السياحه كم بسرعه يا قوقل طلع الرقم ١٢٦ ايش ١٢٦ رقم شرطه السياحه حلوين واتصل ورد علي واحد واعطيه الموضوع بصوت منخفض قالي انت مخفض صوتك له تلكم صوت عالي ولا حد يهمك احنا في خدمتك المهم اخذ التفاصيل وقالي المقدم حيتصل فيك كمان شوي قلت يجي جايين انتو والا كيف قالي نص ساعه بس ونجيك قفلت منه وكل خمس دقايق واحد من الي في ال يقول متي جاي صاحبه واقوله انتضر مو انا عدكم هوه انا شردت :) قالي طيب ادخل كمل السهره جوه قلت لا انا حعطيكم فلوسكم علي الجزمه وحمشي فتحت الجول وارسل بالواتس واحد من الشباب كتبت له ايش صاير يعني احتياط اهو يكونون يعرفون خاصه اني نازل القاهره لوحدي عاد وصلنا هنا للحضه الرعب بجد انا توقعت شرطه السياحه بيجون شي زي كذا شوي وانا جالس الف الف في الحوش طلع لي واحد يتكلم في الجوال (الحوش هذ المكان الي الناس شكلهم يتصلون فيه علشان بعيد عن الصوت ) المهم اسمع يقول لا ازي محصلش كذا وحاضر حضرتك انا ححل المشكله قفل الجوال وينادي علي العمال يقول هاتو لي الي اسمه عادل هههههههههه وانا قدامه الصدق في ذي اللحظه قلت بس تدبل المبلغ علي هههههه خلاص ويتجمعون كل العمال وانا ارفع يدي اقول انا عادل (((((( بس ابغاكم تتخيلون وجييه العمال الي كانون كل شوي يجون يقولون لي صاحبك متي جاي ))))))) ماعلينا جاني الي كان يتكلم في الجوال قالي زعلان ليه حضرتك انا صاحب ال اسمي نصر فيه ايه وايه الي يرضيك انا والنعمه معرفش حاقه (بيني وبينكم حسيت من صوته انه ناخ ) عاد يا انا فرشت ريشي فرش اجاركم الله انتو فيكم ما يخطيكم هاته لي جيبووووو قال هاتولي فلان طبعا جابو لي كرسي برا في الحوش وجلسنا علي انا والمدير وجاء الي كان عل المكتب واشخمطه علي كيف كيفكم بصراحه وهو ساكت المهم الي اسمو نصر هذا قالي الي يرضيك ايه قالت انا اتفقت مع الباب علي ٣٠٠ جنيه وما حعطيكم غيرها قالي بس دا شويه قلت هذا الي عندي قالي ولو مامعاك مسامحينك قلت اصبر اصبر هذا الزفت (اقصد الي كان جالس علي المكتب سحب من الفيزا بتاعتي ايش يضمن لي انه ما انسحب منها ) قال لا وال يهمه لو اتسحب من ١ اعطيك مكانو ١٠ جنيه قلت ال ما ابغاك تتكرم علي انا قدامي ٣٠ ساعه علشان ارجع للفندق بشغل الشريحه السعوديه لو اتسحب منها شي حروح لقسم الشرطه قالي خلاص ودا رقمي انا حجلسهم كلهم هنا لين تتاكد قلت تمام ودي ٣٠٠ جنيه بتاعتكم وانا جالس معاه طلبت كريم ووصل عند الباب وطلعت له ورحت للفندق والامود تمام التمام الخلاصه اذا تبغو النصيحه يعني لا تروحون ل الموعد كميه نصب فوق الطبيعيه علي جو خايس بصراحه وخليكم ذياب لا ينصب عليكم انا والله ما ادري كيف زبط الموضوع معاي لكن زبط الحمد لله والا كان رحت ملح لايغركم الي صار فوق بعض الاحيان غلطه الشاطر بالف كميه الثواره والدلاخه الي فيني كنت (شايل في جيبي حدود ١٠ الاريال سعودي ويمكن ٥ جنيه علشان الخزمه في الفندق معطله )[/CENTER]

عادلsa

مزعوط جديد

المشاركات: 26

تاريخ التسجيل: Nov 2018

2018-12-13, 02:51 PM

المشاركه #11

اقتباس:

المشاركة الأصلية كتبت بواسطة عماني

تشكر على التنبيه ،،، سؤال كيف حتى إنقلب الوضع 180 درجه واتحول إلى طلب رضاك بدل النصب عليك؟ هل هو تدخّل من شرطة السياحة ولا أظن ذلك أم صديقك اللي راسلته بالواتس له معارف بمصر وتصرف؟ ولا شوو بالضبط .

لا صاحبي كان نايم الي راسلته بالواتس بس انا راسلته قلت اذا انسرق جوالي او صار شي يعني بس احتياط

انقلب الوضوع ١٨٠ درجه بعد اتصال شرطه السياحه علي صاحب ال والله قبل كانو فراعنه من جد

« الموضوع السابق | الموضوع التالي »

الذين يشاهدون محتوى الموضوع الآن : 1 ( الأعضاء 0 والزوار 1)

الانتقال السريع

المواضيع المتشابهه للموضوع: تجربتي مع الموعد الهرم (افلام نصب )
الموضوع	آخر مشاركة
وش تعرفون عن وناسه الجديد بمراكش	2014-08-13 11:28 PM
فوائد مشاهدة افلام الرعب	2014-07-06 04:02 AM
خمس مشاهد من افلام هندية	2011-09-14 03:22 PM

الساعة الآن 02:04 AM

عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب

تجربتي مع الموعد الهرم (افلام نصب )

روابط سريعه