تغطية اخوكم حنفي الابهه لشتاء ٢٠١٨

ياخي لا تكون روبوت خلك من الهلال والقمر وبطل اسيا وبطل العالم ستظل مشجع لا اكثر

حسب وجهة نظري ان اللي جالس ينتقد حنفي لربما يكون انسان حاسد وحاقد او من قطيع خراف السفر وانا ادري ان كلام حنفي مثل الليمون ينزل على جروح الخرفان ولكن القافله تسير والامور في السمبتيك ان شاءالله ..

الأخ الي يقول ان من ينتقد حنفي حاقد ومن قطيع الخرفان، الله يخلف على امك الي جابتك
والله اني لا أعرف حنفي ولا أحقد عليه وبالعكس اسلوبه خطير وكثير من المرات يضحكني وتغطيته جميلة
لكن انتقده في التعرض لشباب السويدي والشفا وكذلك اسقاطاته على زعيم آسيا والي يقول مزح وطقطقة اقول له مره مرتين عشر .... مهوب كل يوم
حنفي الأبهة كويس وانا ماني ضده لكن انتقده في هالنقطتين، اتمنى انه يتحاشاها، كذلك اتمنى من إدارة المنتدى تنبهه

حنفي من اول يوم مسك السناب سابقا ذكر انه شخص لايتصنع الأسلوب ولايحب يظهر بشخصيه مزيفه قال راح اكون مثل ماانا بطبيعتي اللي خلقت عليها من حب يتابعني حياه الله واللي مايعجبه اسلوبي فهذا من حقه ودربه اخضر مااجبر احد ومن حب يتابعني له الحق انه ينتقدني بأدب ولكن النقد عند البعض عباره عن سب وشتم وقلة ادب على الأخير وحنفي موسع صدره وهذا شي مو سهل وانت مسافر تتمشى وتستانس وتتعرض لهذي العينات وتصر انك تواصل التغطيه وتجلس طول السفره وانت ماسك الجوال وتغطي والله شي لايقدر بثمن وهو في الأول والأخير انسان حاله حال اي انسان معرض للصواب والخطأ ماهو ملاك معصوم وهذي الفطره اللي انخلق عليها بني ادم واتحدى من ينتقد ويبدي اشمئزازه يسوي تغطيه كامله من جميع النواحي مثل الأبهه

اضحك الله سنك
‏يعني إذا انت لست معي فانت ضدي !!؟؟


ارحمونا يابشر حنفي بعض اطروحاته زينه
اما تكراره وعباراته والفاظه السوقيه وتطرقه لبعض المواضيع المرأه الخليجيه

و الحمامات وتصويرها بيت الخبث والخبائث كل يوم ماهي حاله

يدخل المتابعين اجلكم الله حمامه يومياً هههه !!! ؟؟؟

غثيث والله

السناب

مثل التلفزيون !

القناة اللي ما تعجبك
ما يحتاج تتابعها !

لولا تعدد الأذواق لبارت السلع :)

يتسائل الكثير
عن سبب عدم اكمال اغلب من يطلبون التغطيه لتغطياتهم

الاسباب كثيره اهمها

كثرة انتقادات في غير محلها

مايعانونه من رسائل بالسناب تافهه وحقيره

اعتقاد البعض انه يجب على من يغطي بالسناب يترك سفرته ويغطي طلبات البعض

بعد ما سمعت كلام حنفي من شوي على السناب بخصوص الجحلط والشرذمة
وشفت الرد الي انحذف من شوي
استوعبت كلامك يا أخ فيصل

عالم أقل ما يقال عنها مريضة، والواحد ما يقول إلا الحمدلله الذي عافانا مما ابتلاهم.


رسالتي للقائد حنفي الأبهة
كمل يا قائد ولا تستلم
رسالتك وصلت والي ما استوعبها الآن بكرة راح يستوعبها بالغالي

لو كنت مكان حنفي ماراح ازعل من النقد او حتى السب لأن الرجل شغال تحديد الكل في كثير من كلامه فيتحمل شوي