تجارب الاعضاء في المغرب اكتب تجربتك سواء سكن من فنادق , منتجعات , شقق ..ومواصلات كشركات تاجير سيارات..خطوط طيران

تجربتي المراكشيه ديسمبر 2018

عازف وتر · 2018-12-02T04:57:06+00:00

[SIZE="5"][B]تجربتي المراكشيه اسعد الله اوقاتكم بكل خير ومحبه اعزائي المزاعيط .. . احب انقل لكم تجربتي المراكشيه من سفرتي اللي قبل اسبوع ،مع العلم ان هذه السفره الثالثه لها . طبعا السفره الاولى كانت توب والثانيه نص توب الثالثه مش ولابد والسبب يمكن اني زهقت من الروتين المراكشي او ان وقت السفر غير مناسب في هذه الايام .. . المده كانت عشرة ايام وصلت كازا واستاجرت من مكتب يوسف سياره اكسنت ديزل بسعر 300 درهم باليوم . . وعلى طول لمراكش وتم السكن في الدرقاوي بسعر 1900 درهم لليوم غرفتين وصاله .. واشترطت من ناحية الصوت لان معنا عود ونعزف ..وان مايكون جنبي ملاك جيران عشان مايبثزونا بسالفه الصوت والضيوف المهم جلست فيها ثلاث ايام وليلة اليوم الرابع الا الباب يدق وفتحت الا واحد يشبه شرشبيل اللي بالسنافر مكشر يقول ترا ممنوع يجون ضيوف وممنوع الصوت لان فيه واحد من الملاك جاي ..!! قلت طيب انا اشترطت عليكم شرط .. قال عاد هذا اللي حصل بيجي واحد من الملاك وممنوع كل شي ..وشكل هالوجه حاطينه مخصوص لمواضيع الملاك .. . طبعا اخذت الاغراض بنفس الليله قلت والله ماجلس دقيقه ماني ناقص بعصات جو ..وتووووبه اعيد التجربه بالدرقاوي .. . المهم رحت ليلتها وغيرت السكن للنخيل 3 وتعرفون عاد النخيل ثلاثه ممنوع رفع الصوت والامور الباقيه تمام وتعاملهم كويس بس مهما كان تحس انك ((لامقيد ولا مفكوك ع قولة الشويب )) . المهم جلسنا كم يوم فيها بعدين طبو علينا خوينا جايين من اقادير واقترحو علينا نروح للروز قاردن مع العلم لم يسبق لي ان جربت السكن فيه .. المهم قلت قدام ليش لا .. شلنا الاغراض ورحنا للروز طبعا الشله قالو بنريح عندكم الليله والفجر مسافرين للسعوديه قلت حياكم وبياكم .. . رحنا الروز وحجزنا عندهم فله ثلاث غرف نظيفه بسعر 2200 درهم لليوم يعتبر سعر كويس بحكم معرفتهم بصاحبنا . . جبنا سماعات وعزف وصوت لاخر شي عوضت الليالي اللي راحت هههه وفليناها حنا والشله .. مشو الشله الفجر تقريبا وبقيت انا وخويي المهم السكن كان حلو بس فيه ملاحظه بالروز قاردن مدري هل بس حنا لاحظناها او لا . الروز تاخذ راحتك بكل شي صوت ضيوف امان بعد الله لكن ...!! . الملاحظه جتني ضيقة خلق غريبه عجيبه مامرت علي واحسب بس انا الا يوم لاحظت ان صاحبي ضايق خلقه سالته قال نفس الوضع . قلت يمكن السبب المقابر ؟؟؟ لان هالشي غثني بصراحه . والشي الثاني قلت يمكن لان بس اثنين وراحوً خويانا . السبب الثالث قلت يمكن لان المنتجع فاضي لان وقتها مافيه الا قليييييل يمكن اثنين ثلاث اللي ساكنين فاصبح المكان بالنسبه لي موحش جدااا . المهم عيت تروح الضيقه الا يوم فارقته وسافرنا.. . . حتى مراكش اصبحت بالنسبه لي موحشه لان يوم فكرت وراجعت نفسي كل سفراتي لمراكش ونفس الروتين فاتوقع مراكش تصلح للسهر فقططط وغاليه واماكنها محدوده واغلبها مزارع ومساحات فاضيه والسكن بعيد عن الناااس . فحسيت انها ماتصلح لي فقررت بسفراتي القادمه باذن الله اغيررر واشوف طنجه واقادير والرباط لان السهر مايهمني ابداا .. واحس في مراكش السهر والنظام فيها مستهلك . . المهم اتمنى الافاده من خبراء طنجه او اقادير او الرباط يفيدونا بالافضل ع حسب ماجربو لان قررت اغير الوجهه . اعتذر على الاطاله وعدم الترتيب بالكلام لان اكتب كاني اسولف معكم لايف هههه . واللي حاب يستفسر عن شي يتفضل . تحياتي لكل مزعوط . [/B][/SIZE]

abomhnad

مزعوط مميز

المشاركات: 284

تاريخ التسجيل: Sep 2015

2018-12-02, 05:11 PM

المشاركه #1

صراحه ماسبق السكن لي ف روز غاردن

بس حالتك مرت عليه في اخر سفره وكانت ف مراكش
كنا اربعه ثم جاء خوي لنا وسرنا خمسه وبعدها بايام جاء صديق لي واصبحنا ٦ وجاء موعد الرحله انا وصاحبي مددنا واخوينا رجعو.
والله قلبت النفسيه ويجيني ضيق ثلاثه ايام حتى ف سهره متضايق وخوي نفس الوضع

، فكان قدامي حلين يااقدم الرحله او غير المدينه قمت وشديت الرحال تجاه الجنوب ، والله يالنفسيه رجعت مزبوطه واقضي باقي المده ، حتى خوي جالس يقنعني نمدد

عازف وتر

مزعوط مبتدء

المشاركات: 45

تاريخ التسجيل: Mar 2018

2018-12-02, 07:45 PM

المشاركه #2

اقتباس:

المشاركة الأصلية كتبت بواسطة abomhnad

وهذا اللي بسويه بسفراتي الفادمه باذن الله نجرب شمال وجنوب وغرب

« الموضوع السابق | الموضوع التالي »

الذين يشاهدون محتوى الموضوع الآن : 1 ( الأعضاء 0 والزوار 1)

الانتقال السريع

المواضيع المتشابهه للموضوع: تجربتي المراكشيه ديسمبر 2018
الموضوع	آخر مشاركة
تجربتي في أكادير نوفمبر- ديسمبر 2024	2025-05-18 12:27 AM
2018 دليل مراكش 2018 ( المقاهي - المسابح - الشيشه - المطاعم )	2021-04-25 08:03 AM
تجربتي في الروز قاردن ديسمبر 2019	2019-12-18 10:55 AM
تجربتي مراكش من 28 ديسمبر الى 6 يناير	2019-09-22 10:25 AM
تقرير سفرة ديسمبر لعام 2018 ورأس السنة2019	2019-06-07 07:42 PM

الساعة الآن 09:39 AM

عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب

تجربتي المراكشيه ديسمبر 2018

روابط سريعه