هام: شطحة بخصوص تذاكر السفر، الخطوط السعودية مثالاً!

المشاركة الأصلية كتبت بواسطة عمر الفاسي

الحجز بيكون كالتالي الكويت كازا الكويت مع ترانزيت بالرياض , البداية من الكويت يعني لو ما طلعت منها فوراً

راح يتم إلغاء حجزك وتعتبر (NO SHOW) أو التغيب عن السفر ووقتها راح تغرم 25% من قيمة التذكرة

الطريقة هذي كنت اسويها أيام التذاكر القديمة لانها كوبونات وعادي وقتها كنت اقدر العب بالحجوزات واسافر

بالكوبون اللي ابغاه بدون الالتزام بالتريب مثلا ايام داراستي في امريكا كانت تذكرة واشنطن الرياض واشنطن

على الخطوط السعودية بحوالي 8000 دولار لان البداية من واشنطن وتذكرة الرياض واشنطن الرياض بحوالي

11500 ريال وكلهم على الدرجة الاولى فكنت اشتري التذكرة من الرياض وعند الكاونتر اعطيهم كوبون الرحلة

اللي مسافر عليها , وحتى رحلات كازا لو مسافر من السعودية كنت اشتري التذكرة من المغرب لانها ارخص على

الدرجة الاولى لما اشتريها من كازا وهكذا .. لكن الحين مع التقدم التقني مستحيل تطبيق الامور هذي ومرفق رابط راح يساعدك

https://www.saudia.com/ar/farefamily...519.1487160727

المشاركة الأصلية كتبت بواسطة اجي خويا

يبقى السؤال لماذا قيمة التذكرة من الكويت اقل سعر من الرياض مع العلم ان المسافر من الكويت يكلف الشركة اكثر
والفرق ماهو بسيط نصف السعر

المشاركة الأصلية كتبت بواسطة مهندس

شباب مالكم بالطويلة بالدخل بالموضوع على طول وبعطيكم مثال عملي لحجز من سكاي سكانر، واتوقع الي بيجربها مباشرة من موقع الخطوط السعودية بيطلعله نفس الشئ فرق في السعر:








الفرق بين الرحلتين مبلغ 1500 ريال تقريباً
طبعاً الرحلتين نفسهم من الرياض الى كازا
الله رحلة الكويت كازا، تمر الرياض في الذهاب والأياب( اذا دخلت تفاصيل الرحلة راح يظهر لك).
يعني ليش ما الواحد يحجز رحلة الكويت، ويركب في الذهاب من الرياض وينزل في الاياب في الرياض، ويوفر على نفسه ال1500 ريال.

أتوقع ما في مشكلة لدى الخطوط السعودية، الحجز بيقبل عادي واذا طلعت مطار الرياض ما راح يقولوا شئ، بس نبي عاد التطبيق العملي.

القهر أني حجزت على طيران الخليج إلى كازا في يناير ب1800 ريال، لأن عندي في كازا شغل ووقت الرحلة والترانزيت ناسبني، ولا كان جربت الحركة الي فوق.

نبي واحد ذيبان سفرته قريبة ويجرب ويعطينا العلم، وطبعاً ينتبه انها تمر الرياض في الذهاب والعودة، لان احيان تكون تمر جدة في الذهاب او الأياب.


وترى انا قلت شطحة اذا ثبت أن الطريقة ما تصلح لحد يشره علي :maroc (1058):

المشاركة الأصلية كتبت بواسطة مزعوط بوقوص

عزيزي بالنسبه لسؤالك

هذي سالفة تسويقية بحته



يعني انت لو راكب من الرياض بتكون هنا استفدت من كون الرحلة مباشرة بدون توقف بلاضافة ان اساسا ما فيه طيران منافس (مباشر) بدون توقف



لكن لو كنت راكب من الكويت هنا راح يكون عندك توقف بالرياض بلاضافة الى وجود منافسين للسعودية مثل طيران الخليج ومصر للطيران ..الخ



لذلك تحصل السعر نازل نظرا للمنافسة مع الشركات الاخرى وطبعا السعر موجود بنسبه معينه من عدد المقاعد المتاحة.



تحياتي

المشاركة الأصلية كتبت بواسطة اجي خويا

كلامك على متمه
لكن قيمة التذكرة من الكويت ذهاب وعودة 1200ريال

يعني اقل من نصف القيمة الي ندفعها احنا كسعوديين اذا بغينا نسافر الى المغرب

انا مستعد اوقف ترانزيت ساعتين بالذهاب والعودة اذا كانت سعر التذكرة 1200ريال !!

بصراحة مبلغ مغري جداً

المقصود من كلامي ان الخطوط سعودية لماذا يتم تخفيض الاسعار للمسافرين من بلدان اخرى

والخطوط السعودية عموما لها سوابق
قبل سنتين تقريبا الناس كانت تحجز الرحلات على موقع الخطوط السعودية بعد استخدام تطبيق VBN ينزل معك السعر بفرق كبير

المشاركة الأصلية كتبت بواسطة مزعوط بوقوص

كلام اخوي عمر صحيح 100%
بمجرد انك ما تطلع على رحلة الكويت الرياض تعتبر الرحلة (no show)
فقط فات اخوي عمر ان سعر التذكرة اللي ذكروه الاخوان على درجة (V) يعني لا تسترجع وتروح عليك بالكامل يعني ما يطبق 25% عليها

تحياتي