ذابت نجوم الليل

مرحبا بالجميع.. بعد اربع ايام في القاهرة اكدت حجزي على الخطوط المغربية القاهرة كازا كازا الدوحة بمبلغ 12 الف جنية وقت الرحلة متاخر الساعة 3 تقريبا الفجر وصلت مطار كازا في الصباح وكان دخولي سلس بدون اي مضايقات او زحمة من قبل الجوزات والجمارك .. اتجهت على مكتب الخطوط المغربية الي في المطار وكان حضي حلو باقي رحلة بتقلع في نفس الوقت خذيت تذكرة بمبلغ 500 درهم الى اغادير .. استانس على سهولة دخولي فرصة حجزي بالسرعة هذي وصلت اكادير اعتقد 11 صباحا .. شعوري كشعوري في كل مرة فرح وسرور لان عشقي نواحي سوس ماسة مطار اكادير كالعادة اقل من عشر دقايق وانا خارج المطار بدون تعقيد .. صرفت مبلغ مالي من البنوك واتجهت الى اقرب مواصلات تنقلني الى المارينا بدون حجز او تنسيق خذيت لي كرت اتصال من ميني ابراهيم واجريت اتصالي بالاخ امين عشره مع هذا لشخص الوفي والمخلص معاي بتعاملة .. كلمتة لقيت تلفونة مغلق ارسلت لة واتساب ماجاوبني سالت علية عند الامن الموجود في المارينا قالولي انة مسافر الى فرنسا .. قلت خليني ارتاح في احد المقاهي وافطر لين يحلها الله .. ومن جهه ثانية اجريت اتصالي على صديقي في تغازوت الاخ رشيد لاني احب اسكن هناك لهدوء تغازوت وجمال شواطيها اعتذر مني وقالي بعد يومين تكون الشقة فاضية .. قلت راح امشي حالي يومين في المارينا لين ماتفضى الشقة في تغازوت بعد تقريبا ساعة كلمني صديقي امين وطلبت من عندة سيارة وسكن في المارينا عطاني رنج روفر 2018 ببمبلغ 800 درهم والسكن يومين غرفة وصالة عطاني اياه مجانا احنا في يوم الاثنين وقالي راح ارجع للمغرب يوم الجمعة توكلت على الله وخذيت السيارة من واحد يشتغل عند والسكن قالي تلاقي المفتاح في صناديق البريد الي تحت العمارة نزلت اغراضي وارتحت شوي واتجهت للمرجان وتقضيت اموري كلها .. بالنسبة للهوا لي وعندي مع كل النواحي نسيم عليل لاكن ماطرقت لاباب ولارنيت هاتف ابي انسا مامضى واتعرف ع الجديد .. اعزائي المزاعيط اعذروني راح اكمل بعدين وبيكون تقرير على حسب وقتي واذا سمحت الفرصة وللحديث بقية

__________________
الي بقالي من حناياي ضلعين