مختصر تجربتي في المغرب ٣٥ يوم 2019

المشاركة الأصلية كتبت بواسطة DarkMoon

تابع

اليوم الأخير في كازا

صحيت بدري أفطرت في الفندق ،، جت فكره اني اسوي حمام ومساج ... بحثت في المنتدى عن حمام ومساج في كازا وجدت الأكثرية يمتدح حمام توب كابي اعتقد اسمه كذا

كتبت اسم المحل في برنامج "واز" وانطلقت

وصلت وأخذت بكج ساعه حمام وساعه مساج بمبلغ ٤٦٠ درهم تقريبا

اول ماتدفع يعطونك سله فيها الصابون والليفه وشامبو
تطلع فوق يستقبلك الكسال يخليك شوي في غرفة البخار ... بعدها تطلع في قاعه الحمام قاعه كبيره وللأسف مافيها اي خصوصيه هذا الشي اللي أزعجني في الحمام انه يسويلك الحمام ومعك في نفس المكان ٧ او ٨ وازعاج وسوالف. مو زي حمامات الفنادق تكون لوحدك وتاخذ راحتك بشكل كامل ...

عموما وللامانه الكسال اعجبني يحك بذمه وضمير صراحه..

بعد ماتخلص من الحمام تطلع فوق عند المساج يسوون لك مساج ساعه كامله.. (طاقم نسائي في الغالب ) لكن مساج اي كلام وما اعجبني مساجهم ابد تحسه تسليك .
بعدها تنزل تأخذ شور وتلبس ملابسك وتتوكل

قبل لا امشي أخذت من الاستقبال عدد٢ ليفه معها صابون داخلها جدا ممتازه وفادتني كثير في سفرتي وطولت معي

وأخذت زيت مساج واخذت شامبو ومرطب للجسم.


المهم طلعت الفندق خذيتلي غفوه بسيطه

وصحيت سويت تشيك أوت من الفندق

الوجهه كانت طنجة

ضروري التوقف في محطة افريقيا او اي محطه ع الطريق بعد اول محطة اداء لتشيك على الكفرات وعلى الزيت كل شي سليم حمدلله توكل على الله

مده الرحلة ٤ ساعات تقريبا ( انا من عشاق السفر بالسياره)

وصلت طنجة قبل غروب الشمس توجهت للشقة ونزلت اغراضي وكل شي كان مزيان المكان نظيف ومرتب وكل ما احتاجه موجود بالشقه.

شور سريع حتى ارمي ارهاق السفر بعيد عني

والجوع ذابحني قررت اكل من مطعم دار الناجي

طلبت طاجين وعدد ٢ اسياخ مشاوي وسلطه الحساب كان 89 درهم ..

الله يكرم النعمه حمدلله ع كل حال لكن ليس من ضمن قائمة افضل طاجين ولا افضل مشاوي أكلتها بالمغرب ..

عرفت بعدين ان جوده الأكل في دار الناجي انخفضت وماعاد هي مثل اول .



بعد الأكل توجهت الى مقهى فرانشيك مقهى جميل وهادي وشيشته جميله انصح فيه مشكلته انه فاضي شوي ،، جلست فيه ساعه تقريبا بعدين طلعت للسكن .. ماكان عندي اي نيه للسهر اليوم .. فقلت لاحق خير ...

كنت اسولف مع صديق بالواتس وقالي اذا ماتبغى تسهر وتبغى بس تطقطق روح سكاي في المارينا طقطق شوي وارجع..


كانت الساعه ١ الليل فعلا لبست ورحت لسكاي نظامه لاونج على بار اي طلب ب ١٠٠ درهم وكان جوه جميل الأغاني اجنبيه ومغربيه مرتاديه اغلبهم مغاربه ماشفت ولا خليجي استغربت صراحه مع انه معروف ( عرفت بعدين ان ربعنا يجونه قبل السهره يطقطقون فيه بس مايسهرون فيه ).. موقعه جميل يطل على البحر ..

المشاركة الأصلية كتبت بواسطة مزعوط نص ونص

تقرير جميل أيش المدن الي زرتها وكم جلست بكل مدينه

المشاركة الأصلية كتبت بواسطة nonfun

تقرير جيد جداً
تحية اعجاب بشخصك الكريم
اعجبني تقييمك للاماكن التي زرتها
تحياتي

المشاركة الأصلية كتبت بواسطة Ibra018

ممكن تعطينا تفاصيل عن سكنك في طنجه من ناحيه الموقع والسعر وتقييمك الشخصي

المشاركة الأصلية كتبت بواسطة شاعر كازا

الحمدالله على السلامة
ياطنجاوي هات العلوم يا راعي طنجة
ولا تشغل نفسك بالكتابه عن الزبالين حقين الباركن والعالم النصابه والشحادة
هات العلوم عن السكن والسياحة