مختصر تجربتي في المغرب ٣٥ يوم 2019

حمدالله على السلامة يا بطل
الي صارلك نفسك الي صارلي بعد ما أكلت من مطعم شيش كباب الي في الحسن الثاني، وكان طلبي صحن شاورما مشكل، وسبحان الله مع انه المطعم تقييمه عالي وعليه زحمة وشكله نظيف بس ماش، اذكر جالس اكل فيه ومني حاس بأي نكهة أو طعم، وبعدها تقريباً بساعتين بدأ الفلم.

عموماً لا تدور شاورما في أغادير، حتى مطعم "سنابي" الي عليه ضرب الكف في حي السلام، دون المستوى.

بخصوص السندويشات والبرجر وطقته عجبني مطعم DAILY'S Restaurant & Coffee House هو من طقة تشليز ولكن صناعة مغربية، وجربته كثير وأبشرك ما صار لي شئ، أنصحك فيه مستقبلاً، موقعه بداية الحسن الثاني من عند اير مروك، وتحديداً أمام محطة البنزين.

الله يسلمك مهندس صدقت والله حتى الطلب نفسه انا طلبت مشكل .. ياساتر كل ما اتذكر المطعم احس بطني يخرفش..

عاد سنابي كذا مره اشوفه في حي السلام وكل ما اجي أوقف احصل زحمه واكنسل..

خلك في السليم اذا تبي ساندويتشات وبرقر خذها من ماكدو أحسه انظف شي ..

ما انتبهت لمطعم daily’s لكن نشوف ونجربه المره الجايه ان شاء الله


شكرا

لايوقف لايوقف

نواصل ...

صحيت اليوم السادس الساعه ١١ الصبح وأثار التعب لازالت موجوده ومازالت معدتي غير متقبله للأكل .. لكن قلت لازم احاول أقاوم المرض واطلع أتمشى شوي ... جا على بالي اروح سبا natea مره ثانيه بس هالمره المساج فقط .. اتصلت عليهم احجز قالو تقدر تجي الحين اذا ودك بدون حجز .. قلت اووك .. طلعت من السكن وخذيت كل ملابسي وديتها مغسله الصباح العصريه اللي عند إسماعيل وقلت برجع اخذها منك المساء ... رحت المساج .. جلسة مساج ممتازه جدا مشاء الله..
بعدها كنت مشتهي حريرة سويت بحث في المنتدى عن افضل حريرة لقيت رد من حبيبنا مزمزاجي يمدح مطعم اسمه ماجيستك مكانه في تلبروجيت .. للأسف ماحصلت المطعم في برنامج واز ولا قوقل مابز ورحت للمنطقة تلبروجيت درت فيها كثير ماحصلته وسالت كذا واحد في الشارع قالي ما اعرف .. توجهت بعدها لحي السلام مطعم الصياد الصغير Le Petit Pecheur كان يوم جمعه والمطعم فل مشاء الله اغلبه عوائل وأخذت شوربه ثمار البحر وعبيت الشوربه فلفل اسود وكمون وليمون ههه وطلبت معاه مشكل سمك صغير

طبعا المطعم غني عن التعريف ويستحق التجربه نظافة وتعامل ممتاز واكل طيب ولو ان السمك احيانا تحس انه مو فريش ..

المهم بعد الغدا الطيب قلت بروح سكاي اجلس فيه اشوف وش جديده ... وصلت سكاي الساعه 3 كان فاااااضي مافي الا انا وطاولتين.. الله يالدنيا سكاي كان صرح فهوى.. طلبت شيشه شيشتهم ممتازه للامانه معها اتاي .. لكن أسعارهم غاليه .. وكل مايدخلون الناس يشوفونه فاضي يطلعون .. ع الساعه ٥ بدو ربعنا يصحصون ويجون لكن مهيب الزحمه حقت سكاي ٢٠١٥ و ٢١٦

(شفته اخر يوم لي في اكادير جالسين يهدونه ويكسرون فيه يمكن بيعدلونه للعيد )

طلعت من سكاي رحت طلعت ملابسي من المغسله بسعر١٨٠ درهم رجعت للسكن علشان ارتاح شوي ..

في ملاحظه يوميا اذا مريت من مزيكا وانا راجع السكن ولاطالع منه طبعا مكانه عند الدوار لازم تهدي وأشوف العالم محتفلين من بدري هههه وصوت الموسيقى طالع برا يفقع الراس طبعا هذا وحنا تونا العصر صراحه ماقد دخلته بس احس جوه صداع وفهاوه...

المهم بعد الراحه في السكن طلعت ع الساعه ١٠ رحت بحجز في الشيك كان فل مافي الا ع البار حولت لكاش وحجزت طاوله vip اللي تجي ورا لان اخر مره تضايقت من الكراسي والزحمه اللي حولي .. قيمة الطاوله 2500
بعدها ع المارينا الين الكورنيش نطلق وجلينا شوي الجو كان جميل وزحممممه العوائل والشباب فل حسيت اكادير كلها تمشي في نفس المكان .. بس شعور جميل صراحه تشوف العالم

بعدها ع السكن تجهزت وسهرت في كاش ورجعت وجتك احلى نومه ...

اخر يوم في اكادير تغديت في مطعم البركة و تكيت في السوفتيل في الكوفي حقه صراحه جلسته رايقه ع المسبح وسهرت بالشيك ..

صحيت الظهر وكان ودي اطول في اكادير اكثر لكن دقت ساعه الصفر وغادرت اكادير بتجاه مراكش ...

منور يا قمرنا، موقع مطعم ماجستك مقابل مسجد محمد الخامس في منطقة تالبورجت وفعلآ عندهم حريرة من الاخر، اذا حصل وزرت اكادير ثاني ضروري تمره.

ممنونين لك بالمشاركة
وفي انتظار ماتبقى من رحتلك

باذن الله خلاص حطيناه في الاجنده للسفره الجايه ❤️

شكرت ياغالي

شباب بغيت اشحن سيارتي من الكويت لكازا مده الصيف ٣ شهور من يعطينا معلومه عن الطريقه غير الشحن بالطياره

شوف شركات الشحن عندكم في الكويت اتوقع هم اللي راح يفيدونك اكثر

جميل طرحك وتابعت بحماس تقريرك وانتظر بشغف الباقي

اشياء كثيرة في التقرير تمثلني تمام وانا اقراها احس انا اللي سافرت ههههههه

لايمكن اجي المغرب وماتكون البداية من طنجة اول مااوصل مطار كازا على طول من المطار الى طنجة اجلس فيها عدد ايام حسب صيف او شتاء بالرغم انها جميلة في كل حالاتها مدينة فوق الوصف استرخاء روقان استجمام وبعدها مثلك دقيت سلف ونزلنا جنوب

على طاري مستشفيات المغرب في ليلة من الليالي اذكر كنت في مراكش وفي عز الشتا تقريبا درجة الحرارة الفجر واحنا خارجين من السهرة اشوفها في السيارة 1 وتنزل للصفر الزبدة برررد شديد صحيت في يوم الايام وانا اتصبصب من العرق وجسمي حاااار جدا ووارح للمصحه واحصل الدكتور واجلس معه طلع العربي عنده مكسر مايتكلم الا فرنسي يحاول يشرحلي مافهمت واحاول اشرحله مافهم ولكن ماانسى وقفت اللي معاي طير شلوى والله ولا انسى لها هذا الموقف شالتني للمستشفى وترجمتلي للدكتور هذه كانت اهم نقطة ههههه

المواقف كثير ولكن شدتني كلمتك ماتعرف نظام المستشفيات فتذكرت هذا الموقف

والله يبعدنا واياكم عن المستشفيات

في انتظار ايام مراكش وباقي ايام طنجة

تقبل تحياتي

صدقت والله طنجة ونعم الاختيار للراحه والاسترخاء والهدوء

صحيح كلامك المستشفيات صراحه سمعت اكثر من قصة كلها مايمدحون لا طريقة استقبال المريض ولا العلاجات اللي يعطونه علشان كذا حاولت ابعد عن المستشفيات قد ما اقدر والحمدلله اني مادخلتها الله يبعدنا وواياكم عنها

لكن في وضعك كويس ان كان معاك احد وصدقني اهلنا في المغرب مايقصرون وكلهم خير والشهامه فيهم

شرفتني ياغالي ❤️