اول مرة اسافر المغرب فزعتكم

ياخي كل ماجيت اقدح بعض الناس يضيقون صدري اللي يقول رجاجيلهم وصخين ويغلطون عليك بالشارع واللي يقول الشرطه بتقروشك وانت رايح وجاي

اول مره اروح لها بس عندي خلفيه ومن النوع اللي ابحث واقارن واسال واشوف وحذر جدا وحريص

البلد امان
المهم رتب امور سكنك والسيارة واحجز من ناس ثقات .

بخصوص المرضى والناس الحاقده عليك بسبب جنسيتك هذا شي موجود ومحد يقدر ينكره ،فيهم اللي كرهه بالقلب ومايبين، وفيه اللي يتهجم عليك اذا حصل على فرصة، وهؤلاء نسبة قليلة لاتشكل واحد من الف ،هذا قدرنا فكل ذي نعمة محسود ،فالبعض يدخل السياسه في الرياضه في السياحه ويخلط عباس مع دباس وهذا نتيجة حقد وجهل.

من وجهة نظري كلما ابتعدت عن السكن داخل الأحياء السكنية وتوجهت للفنادق او المجمعات السياحية فلن تجد هذه العينات .
اما الشرطه فخلك نظامي ولاتركب معك احد من الجنس الناعم وهذا اسلم لك، وماحد يقدر ياخذ منك سنتيم وحتى لو وقفك وحاول يعطلك عطه اوراقك الرسميه وخلك هاديء وكلها دقيقتين ويمشيك ماله ممسك عليك وانتبه تعطيه شيء .

توكل على الله والمغاربه شعب طيب وانت خلك ماشي تمام واعرف شي واحد هو انك اذا استاجرت مكان لاتعطي كل المبلغ حق المده جرب حق يومين و كمان عندهم شي اسمه اتفاق من البدايه نظام اوروبي وانصحك تفتح حساب بنكي في بنك وفاكاش في المطار ب100 درهم واودع فلوسك فيه وخذ معك القليل وبطاقة صراف تصرف ع راحتك .. الله يسهل دربك