اسعار القاهرة بعيد الحج

غريبة وزي ما قالو الشباب هل انت تتكلم عن القاهرة اللي نعرفها؟
وحتى لو قياسك المغرب فالسواق في مصر ياخذ 100 سعودي لان البنزين عندهم سعره ما زال معقول بالاضافه ان بعضهم يقلب موتره غاز يبيعه فل بخمسة ريال
والسكن شقق 200 الى 250
فيه فرق بين حسابات خاصه وحسبات واقع
مصر كيف ما تريد تمشي معك

لتصحيح السكن 250/200 ريال سعودي تقريبا 1200/1000 جنيه بعض الاحيان تكون الشغاله برى الحسبه وهو يقول لك تبي شغاله نجيب لك يوميتها 150 جنيه مع الطبخ لان بعضهن ترفض تقول شغلي تنظيف بس وممكن اسوي لك قهوتك..
والاكل في مصر رخيص بدون تفصيل سعره نصف سعر اللي عندنا في كل شي الا الاسماك غاليه بنفس السعر عندنا في المطاعم الراقيه فقط مثل البرج و قدوره وسمكمك ارخصهم سمكمك
قعدت قهوة شعبيه تحت شقتك او سكنك ما تتخطى 15 ريال لكل فرد واذا كان مقهى سياحي الفرد 150 جنيه رسوم دخول وطلبات 33 ريال تقريبا
مواصلات زي ما قلنا 100 ريال سواق ولو استخدمت المترو توفر فلوس ووقت لان الزحمه مزعجه عندهم خاصه الساعه ثلاث مساء وتسعه مساء شوارعهم واقفه
السهر وهو نقطة الخلاف يعني لما تحسب فقط على البست وفي اغلى الاماكن اكيد راح يكون غالي لكن لو تحسبها مكان زين مثلا صف ثاني يكون السعر مقبول 250 او300 ريال للفرد وفي مكان مميز

ماطبيتها وجعلني ما أطب مصر ... احسها ديره هستره ومهسترين ... وش اللي السهره تخلص الظهر تطلع من الدسكو والشمس بعينك !! وش جو الفكوك ذا

وإزعاج وشحاذه في كل مكان والشوارع زحمه وش الله حادني !!؟

مسافر انا علشان اروق وأشم هواء نقي ولا رايح الجلج

مصر اسعارها جدا مناسبة انا رحتها تقريبا في جميع اوقات المواسم السواق مع السيارة 500 جنيه تقريبا والبنزين عليه زيادة ان الشقق 1000 جنيه مع الشغالة في المهندسين ومصروفك اليومي مرة رخيص فلا تشيل هم الاشياء هذه جدا رخيصة لكن انت فقط يبي لك تميز مع من قاعد تتعامل لأنهم عليهم حركات لا حول ولا قوة الا بالله توصل بالسلامة