مسافر المغرب لاول مره وحداني

بالنسبه انك ذكرت فندق صحارى
وانا كنت هناك الاسبوع الماضي
وممكن هاليومين ارجع

خذ فقط اول يوم من بوكينق
بقية الايام خذها عن طريق الرسبشن او عن طريق المؤيد

بوكينق ٩٥٩ درهم لليله
من الاستقبال اليوم ب ٩١٠
ولو تروح مكتب المؤيد اللي عند مطعم القلعه راح يعطيك ب ٩٠٠ درهم

وعشرة دراهم ما تفرق خذ بقية الايام من الفندق لو راح تسكن بصحارى

لكن
مشكله صحارى
ممنوع تجيب اي اغراض معك من الخارج كل شيء لازم تشتريه من عندهم واسعارهم اعلى من الدبل

يعني لو معك اغراض جيبها م اول يوم سواء سناكات او مكسرات واللي بخاطرك
بقية الايام راح تفتش لو معك شيء
حتى الاكل ممنوع تجيبه من برا

ومثل ما قالو الاخوان
اغادير لو انت وحيد مناسبه
مراكش لاتفكر تروح وحداني نصيحه

لكن تظل كازا هي الارخص في كل شيء لكن تبي واحد فهلوي يعوف يتعامل معها

اللي لاحظته ان كل فندق فيه مشكله ، طيب مافي فندق سعره قريب من صحارى وبنفس الوقت يسمح بالاكل والمشروبات؟ ويسمح لدخول الضيوف من غير فتح غرفه ولا تعقيد وبخشيش؟

خذ صحارى اشوفه زين للي ميزانيته حليوه واحجز عن طريق البوكنج ارخصلك،، ومن ناحية دخول الاكل مر على جمعيه قبل تروح ومون لك شنطه صغيره تكفيك على عدد الايام الي جالسها،، واجرلك سياره وتمشى فيها لحالك وراح تستانس الديره حلوه وفيه مناطق حلوه حولها من ضمنها تغازوت قهاوى اطلالتها حلوه على البحر.

واكادير قريبه المارينا لصحارى ومطعم اسماعيل والماك جنبك والمارينا وكوفيهاتها رح تغد وارجع رح تعش وارجع الا على طاري صحاري وش اخبار خيمتهم عامره ولا ماكاين تاه واحد هههههه

صحارى ماهو مثل اول كان عامر اما هالحين خاوي حتى سعره نزل حتى الإزعاج خف بشكل كبير