الي فاهم في المصاريف يدخل

١٢ يوم ب ٣٢ الف

تصرف باليوم ٢٦٠٠ ؟؟
!!

صراحه لازم انشيل قيمه التذاكر والفندق او الشقه والمواصلات يوميتك 2000 ريال سعودي سهر وكماليات

في الايام الخوالي كانو يقولون الصرف الطبيعي اللي مايخلي عليك قاصر في المغرب 1500 ريال يوميا من غير التذكرة
بعدها اصبحت 2000 ريال من غير التذكره والان تعدينا مرحلة 2000 ريال

واصبح الصرف 6000 درهم يوميا اي مايعادل 2400 ريال تقريبا من غير التذكرة وربما اكثر

وهذا يدل ان الاسعار ان ارتفعت لاتنزل
( ملاحضه اتكلم عن نمطي انا ولا شان لي بصرف الاخرين)

من يوم صار ماعاد تسوي شي الألف درهم وكل شي بدا يزود أول بألف درهم وتتنقى بعد على كيفك وكان هذيك الأيام اذا كنتوا ثلاثه او اربعه يومك بألفك ومبسوط
كنا نشوف كم يوم بنسافر ونضربها بألف ونحط احتياط للظروف غير قيمة التذكره الحين الف ريال ماعاد تسوي لك ولا نص اللي كنا نسويه قبل.

اعتقد تقصد 1000 درهم اماراتي ، مشكلة غلاء الاسعار اصبح عالمي قيس على ذلك
الاسعار بدول الخليج الان وسابقا ,

لا كنت اقصد ألف درهم مغربي وبعض الأحيان 500 درهم مغربي كنت تدخل وتتنقى البضاعه فمن زادت التسعيره عقبها كل شي طار وكانت هذيك الأيام يوميتك بألف ريال سعودي

هناك يصرف اقل من صرف زميلنا قرن الخروب ومنهم من يصرف اكثر من صرفه
فالميزانيه من السهل احتسابها بشكل دقيق قبل السفر في البنود الثابته مثل تكلفة تذكرة السفر وتكلفة السكن وتكلفة استئجار السياره وهذه البنود اسعارها مختلفه ومعلن عنها و تخضع للاهواء وللمستوى المادي , اما البنود المتغيره من مطاهم ومقاهي وسهر وحدوث امر طارئ وغيرها من مصاريف ومفاجئات فلا يمكن احتسابها على وجه الدقه لذا اضع لها ميزانيه تقريبيه واخذ في الحسبان وضع مبالغ احتياطيه تكون على شكل كاش وبطاقات ائتمان وهذا اطبقة في جميع سفراتي لكن يجيك عضو ويسأل عن الميزانيه وكم يكفيني وكم وكم ويبغي جواب دقيق فالسوال في غير محله فلا اعرف هذا العضو ولا توجهاته ولا مستواه ولا نظامه ولما يلقا الجواب ويروح للمغرب ويتفاجى باسعار مغايره للجواب يقول كذبو علي

شوف اذا ميزانيتك صغيره حط الورقة والقلم واحسب لا تروح كذا وتتوهق .. المغرب مشكلته ما تعرف مصاريفه ... مره يعجبك مكان وكل يوم تروحه وما تدري ليش وتصرف فيه واحيانا تشوف عيون تلعب فيك لعب هههههه واحيانا السكن يجبرك على شي غالي لاسباب كثيره .. لذلك الصرف مشكلة بالمغرب عشان كذا تشوف الشباب مختلفين بالنقطة ذي .. رايي لك حط اسبوع بس وشف اذا الوضع طيب مدد حتى تخلص فلوسك .. واهم نقطه استمتع لاخر درجة ... ترا تجي ايام تندم انك ما استانست ..

قصدك تخلص فلوس المحدده مسبقا للسفر. اما اصرف كل ماعندي على كذا مشكله.
شوف اذا كل يوم ركز كل يوم ... حظك واقف هناك وفل الفل حدك الفين ريال سعودي. كل شي ، هذا المعقول. غير كذا شيك على وضعك تراك تصرف كثير. ومستحيل كل سفره يكون كل يوم بس لازم تحسب كذا والزايد بالميزانيه ما يضيع تصرف اقل باليوم ويوم تتعداه شوي.
تراها خمس آلاف درهم مغربي اذا تعرف معنى هالمبلغ عند المغاربه يومي صرف شي كبير. تشبه صرفك خمس الاف سعودي باليوم فهمت.
الزمن غلا كل شي من بعد الألفين وكل الدنيا تغيرت. اول كانت الديره البعيده لأهل الزقرت والرخص 3000 درهم لحالك. مازالت حلوه المغرب مهما تغير ولها الشوق من ذاقه مايشبع.

انا نصحته على ميزانيته يقول 11 يوم والمبلغ ما يساعده فاقترحت له اسبوع اذا ما عنده مشكلة يكمل ال11 يوم حقته ..

اما بالنسبة لي .. كل اجازه وانا اجازاتي كثير بحكم عملي .. كل مره اخطط اروح بلد ولما اخذ اجازتى وافتح النت القى نفسي لا اراديا رايح للمغرب .. ما قدرت والله اتركها هذا وانا اسافر لوحدي.. فيه سحر غريب وطعم مختلف وشعور بالحياة لا يوصف ... اخر حل لقيته انى اجي المغرب وبعدها اطلع من طنجه الى اسبانيا واخذ القطار طلوع لباريس ... غير كذا ما قدرت .. واصرف فيها لانى اقعد شهر او شهر ونص او شهرين .. اقل من شهر مستحيل ما احس انها اجازه بالنسبة لي .. وما عمرى ندمت على ريال واحد صرفته فيها والبلد الوحيد اللى اذا انصب علي بالتاكسي ما ازعل كثير بسرعه انسى هههههه في دول ثانيه اذا انصب على بريال احقد الا المغرب .. والحين عندي اجازه شايل هم المغرب كيف بروح لها .. بقعد بدبي حتى اشوف الوضع اذا ممكن رحت او سويت استثناء وعزمت المغرب عندي بدبي هههه