الي فاهم في المصاريف يدخل

قصدك تخلص فلوس المحدده مسبقا للسفر. اما اصرف كل ماعندي على كذا مشكله.
شوف اذا كل يوم ركز كل يوم ... حظك واقف هناك وفل الفل حدك الفين ريال سعودي. كل شي ، هذا المعقول. غير كذا شيك على وضعك تراك تصرف كثير. ومستحيل كل سفره يكون كل يوم بس لازم تحسب كذا والزايد بالميزانيه ما يضيع تصرف اقل باليوم ويوم تتعداه شوي.
تراها خمس آلاف درهم مغربي اذا تعرف معنى هالمبلغ عند المغاربه يومي صرف شي كبير. تشبه صرفك خمس الاف سعودي باليوم فهمت.
الزمن غلا كل شي من بعد الألفين وكل الدنيا تغيرت. اول كانت الديره البعيده لأهل الزقرت والرخص 3000 درهم لحالك. مازالت حلوه المغرب مهما تغير ولها الشوق من ذاقه مايشبع.

انا نصحته على ميزانيته يقول 11 يوم والمبلغ ما يساعده فاقترحت له اسبوع اذا ما عنده مشكلة يكمل ال11 يوم حقته ..

اما بالنسبة لي .. كل اجازه وانا اجازاتي كثير بحكم عملي .. كل مره اخطط اروح بلد ولما اخذ اجازتى وافتح النت القى نفسي لا اراديا رايح للمغرب .. ما قدرت والله اتركها هذا وانا اسافر لوحدي.. فيه سحر غريب وطعم مختلف وشعور بالحياة لا يوصف ... اخر حل لقيته انى اجي المغرب وبعدها اطلع من طنجه الى اسبانيا واخذ القطار طلوع لباريس ... غير كذا ما قدرت .. واصرف فيها لانى اقعد شهر او شهر ونص او شهرين .. اقل من شهر مستحيل ما احس انها اجازه بالنسبة لي .. وما عمرى ندمت على ريال واحد صرفته فيها والبلد الوحيد اللى اذا انصب علي بالتاكسي ما ازعل كثير بسرعه انسى هههههه في دول ثانيه اذا انصب على بريال احقد الا المغرب .. والحين عندي اجازه شايل هم المغرب كيف بروح لها .. بقعد بدبي حتى اشوف الوضع اذا ممكن رحت او سويت استثناء وعزمت المغرب عندي بدبي هههه