تقرير بسيط عن رحلتنا : كازا - شفشاون - طنجة بتاريخ 4/7/2019

الحمدالله على السلامة،
بخصوص السكن عن طريق Airbnb في أي مدينة استخدمته وياليت تعطينا تجربتك مع البرنامج.
وبخصوص المبالغ اللي تقدر تطلع فيها برى المغرب ٤٠٠٠ درهم غيره لا يهمونك. اذا معك مبلغ اكثر منه حوله لعملة بلدك وخل اربعه الالف درهم معك ولا احد يقدر بكلمك.

الله يسلمك ويحفظك يابعدي ، بالنسبة للبرنامج Airbnb
استخدمته ف اكثر من دولة ، وهذي تجربتي بالمغرب

استخدمته ب كازا ، واستاجرت بالمارينا حق كازا ، واستخدمته ب طنجة وسكنت داخل كمباوند (مجمع) ،

وبشفشاون كان لي تجربة لم يكتب لها النجاح ، استاجرت بس رفض الرجال لاني معاي ضيوف وما كنت محددهم له مسبقاً ، ولا علمته الا متاخر ، ومن خلال الاسلوب والتفاوض رجع لي المبلغ كامل ، وكان قمة بالرقي والتعامل ، وهذا من طيبه وطيب تعامل اهل المغرب ، ولا رسمياً ما يرجع لي ولا ريال (وهذا زاد اعجابي وتقديري للشعب المغربي) ، طبعاً بالبرنامج تواجهه ناس مهم سماسرة ، من عامة الشعب ، مهاجرين او مغتربين ، بعضهم محول بيته الي شقق ، بعضهم مسوقيين ، ف جميع اللي احتكيت فيهم روعة بالاخلاق ، وتعاملهم راقي جداً واحترافي ،

وفيه فلاتر بالبرنامج ، و تحدد متطلباتك ، بس الاهم تقرا وصف المنزل من مكان وما خلافه ، لان بعضها تكون ساكن فوق المالك ، او المالك بشقة قدامك ، لان بعضهم يمنع التدخين ، يمنع الموسيقي ، يمنع غير المتزوجين ، يمنع الضيوف المغاربة ،

بعكس تلقي شيء آخر ما يسال عن اي شي بمعني الكلمة ، مجرد ادفع وامش ، (اغلبهم الموسيقي ف حدود الشقة ، وما تجذب الانظار انت وضيفك) ،

ف انت تحدد من الفلاتر ، وتقرا بالوصف حق الشقة تحتها ، وتقرا شروط المالك (وهذي اهم حاجة) ،


تلقي فنادق ، ومجمعات ، واماكن اقامة ، مشابهه للشقق المفروشة عندنا ، وشقق ، فلل ، مزارع ، جميع ما يخطر ع بالك ،

فيه تعلقيات ، ومن خلالها تعكس لك الصورة من : موقع الشقة ، مكانها ، المالك ، الصور والوصف مطابق ولا عكس ، وفيه جلد بالتعلقيات وردود من مالك ،

وفيه خاصية الرسايل ، تدخل وتسال المالك عن اي شي بالك ، واذا تبي اي شي زيادة ، انا ارسلهم واسال عن كل شي (وبعدين انت مخير تستاجر ولا لا) ،

بالنسبة لي : ما اختار سكن جديد ، اخذ اللي عليه تعلقيات كثيرة ، او يكون المالك سوبر ،

طبعاً اذا حجزت وتاكد الحجز يطلع لك جوالة ويطلع له جوالك ، وبعضهم إلى الآن متواصل معاهم بالواتس ،

طبعاً واجهني شيء بسيط ، بعضهم ما تقدر تفهم ع لهجته المغربية ، وبحكم عملي واللغة الانجليزية عندي جيدة ، اختار إن المالك يتكلم انجليزي ، واتفاهم معهم بالانجليزي ، ولقيته إنها جيدة وتخدم اكثر ،

(هذي تجربتي البسيطة ، بالاضافة إلى ملاحظات من وجهه نظر شخصية ، قابلة للصواب وللـ خطا)

اتمني افدتكم
ودمتم بود.

كفيت ووفيت عن الشرح بإستخدامة في المغرب، لأن كل ما جيت احجز عند بعضهم واشرح لهم إن معي ضيف يرفض الا إذا كان صاحب السكن أجنبي. بس متردد احجز عن طريقة خصوصاً بطنجة وكازا بس بعد كلامك بنحجز عن طريقة والحافظ الله.
وهو زي ما قلت من أفضل البرامج للي يدور سكن كبير وبسعر معقول وفي كل انحاء العالم.

عيدك مبارك بعد الزحمه.

وعلينا وعليك و ع جميع الاعضاء والمسلمين باليمن والمسرات ،


إذا كان ضيفك معك بحلك وترحالك ، وكنت هادي منت ب راعي ازعاج ف راح يجوز لك ،

وإذا كنت تبدل كل شوي فيه قولان ع قولتهم هههه ،

انا كان ضيفي معي (معرفة قديمة) ، والحمدلله ما وجهت مشكلة ، بالعكس هو اللي كان يكلمهم وياخذ الوصف ويتفاهم معهم إذا بغينا شيء زيادة او نبي مدد وقت الخروج ،

(ما عدا تجربته شفشاون اللي ذكرتها فوق)

بس حط بالك:
- مثل ما استلمت السكن ترجعة. يعني التنظيف عليك ، لا يوجد شغالات.
- يوجد رسوم تنظيف ، ف حال سلمت السكن مش نظيف ، وقت الحجز تلقاه تحت مكتوبة تحت مبلغ الايجار.
- يوجد رسوم ع التلفيات ، ف حال انكسر شيء او خربته ، تلقاه تحت مكتوب ، قبل شروط المالك
- بعضهم يوفر لك فطور ، او شغالات ، او يوفر لك اشخاص ياخذون فيك لفة سياحية ، او يقدمون لك خدمات ف حال نقصكك شيء. هذي تلقاه هو كاتبها ف الوصف ، او تلقاه مكتوب بالتعليقات. وتقدر انت تسالة من خلال خدمة الرسايل.

وفالك التوفيق.

انا جربته في امريكا ولا أروع، وعلى قولتك لازم تخلي كل شي بعدك نظيف.
بس وشهي القولان اللي عندهم اذا ضيفك يتغير خخخخ اضبط البواب مثلاً.