تقرير سفرتي 2011م إلى (( الرباط - طنجة )) 200 صوره

ــ نتابع الحلقة الثالثة ـــ

2- زيارتي للصخيرات :

طبعاً لكل عشاق البحر والسباحه فيه مافيه أفضل من بحر الصخيرات لأسباب : منها نظافة الشاطيء والبحر والسبب بعده عن الرباط لذا قليل مايأتي الناس إليه .

ويوجد في على البحر شاليهات
والذي لفت انتباهي في فندق لاأعرف أسمه لكتابته بالإنجليزيه وأنا بصراحه الإنجليزي عندي صفر ، المهم الفندق على البحر وفي مطعم وكوفي على البحر بصراحه قمة الروعه الجلسه فيه طبعاً قدام المطعم والكوفي مسبح بعدين خاص للفندق وبعده البحر يعني مسبح الفندق والبحر قدامك . وهذي صور لجلسات الكوفي والمطعم :

ــ نتابع الحلقة الثالثة ـــ

3 - زيارتي لأبي رقراق :

البعض يروق له الجلوس قي مقاهي أبي رقراق ، والذي لفت انتباهي أثناء جلوسي في كوفي في ابي رقراق كان شاب في مقتبل العمر جايب معه رجل كبير بالعمر وأتوقع أنه تجاوز الميه من عمره أشك أنه أبوه من كبر عمر الرجل وأتوقع أنه الجد ، وجلسو في كوفي على طاوله على النهر ، (( وأنا بقلبي أقول والله من قل ماسواها جدي ، شيبان السعوديه بس يوصل عمره 70 وسواليفه عن الموت وكل ماجلسنا في إستراحه وزانت الجلسه بدأ جدي يسولف عن الموت ))

ـــ نتابع الحلقة الثالثة ـــ

4- زيارتي للهرهوره :

الهرهوره لها عشاقها والبعض يفضل السكن في الهرهوره لبعدها عن المدينه ويريد الهدوء أكثر رغم أن الرباط فيها من الهدوء مايكفيها ، وبصراحه أنا مايعجبني غير السكن في وسط الرباط .

نسمع كثيراً عن منتجع الياسمين بالهرهوره وكثير من الناس يسبوه ولا يثني عليه قلت خليني أشوفه وأشوف السكن بالمنتجع دخلت وأخذ لفه طبعاً السكن مجدد يعني أفضل من قبل ولكن ، سألنا عن أسعاره 1200 غرفتين وصاله ومطبخ ودوره مياه أعزكم الله . في يوم من الأيام سهرة في الياسمين كلوب وبصراحه السهره لم تعجبني .
وهذ صوره لمدخل منتجع الياسمين

وهذي صوره لبحر الهرهوره

ـــ نتابع الحلقة الثالثة ـــ

5 - صور خاصه وحصريه لشيخ المزاعيط أبو راشد :

فيه بعض الأعضاء تحمس وجن جنونه من الفرحه وراح باله أنها صور فضايح ومقالب لشيخ المزاعيط ابو راشد وهذا غير صحيح (( كبير ياأبو راشد وترى كثير من يدور على أسرارك )) ، الموضوع ومافيه إن ابو راشد يعشق الرباط حتى الثماله ويعشق شوارعها ، قلت أخذ كم صوره لبعض شوارع الرباط لعيون شيخ المزاعيط ابو راشد وهذي كم صوره لعيونك ياأبو راشد :

وأسمحلي ياأبو راشد أزود مواجعك وأدري إنك راح تتعب في الصورتين القادمتين وخاصة الصوره الأولى :

وهذي البيتين إهداء لأبو راشد :

(( مهما تقول ومهما أقول مارأت عيني طيبه مثل طيبة أهل فاس
ومهما تقول ومهما أقول مارأت عيني مدينة مثل الرباط ))




أنتظروني في الحلقة الرابعة:

(( طنجه ياطنجه شيل الشنطه شنطه خفيفه زي الريشه ))

تراي رايق بالزززززززززززززاف تدرون ليش ؟؟؟ لأني حجزت للعوده للمغرب .

(( طنجه بالصور ))

لولا غلاتك ماصورنا ## ولولا معزتك ماكتبنا
(( والوفاء لأهل الوفاء واجب ))