تقرير سفرتي 2011م إلى (( الرباط - طنجة )) 200 صوره

ـــ الحلقة الثالثة ـــ

1 - انتبه تطلع أسرارك مهما كبرت العلاقه (( قصه حقيقيه )) .

في البداية أتمنى من الإدارة عدم حذف أي كلمة لتعم الفائدة للجميع .

كنت يوم من أيام الرباط أتمشى في شارع ولد عمير وتعرفت على مزيون في هذا الشارع وأخذنا سواليف أنا وياه وهذي صوره للشارع :

وهذا الحديث الذي دار بيني أنا والمزيون في هذا الشارع :

أنا : مراحب

المزيون : مليون مراحب

أنا : أخبارك

المزيون تمام ، وسألني وقالي : أنت قصيمي

أنا : لا مو قصيمي ، طبعاً أنا قصيمي بس أبغى أشوف أيش عنده .

المزيون : بصراحه عجبتني وشكلك نفس اللي كنت أحبه من القصيم .

أنا : أصلي قصيمي بس عايش خارج القصيم ، علشان ماتشك .

المزيون : أها .
أنا : اللي كنت تحبه من وين من القصيم .

المزيون : بريده .

أنا : في أي حي من بريده .

المزيون ليش تعرف بريده زين .

أنا : أعرف شوي من بريده ، طبعاً أنا من سكان بريده وعايش ببريده .

المزيون : ذكر أسم الحي ؟؟؟؟؟؟

أنا : أيش أسم الشخص اللي كنت تحبه .

المزيون : ذكر اسم الشخص .

أنا : والنعم .

المزيون : بدأ يتكلم عن الشخص اللي كان يحبه ويطلع كل أسراره وكلام ماينقال ، طبعاً أهل المغرب طيبين وعندهم العلاقات وأسرارا العلاقات تطلع عادي لأنهم بلد فيه الحريه وعاداتهم تسمح بهذا الشيء .

وللمعلومه : الشخص اللي كانت تحبه المزيونه يسكن بنفس الحي الذي أسكن فيه وأعرف الشخص شخصياً .

(( لذا نرجع ونقول مهما كبرت العلاقة لاتطلع أسرارك ))

ــ نتابع الحلقة الثالثة ـــ

2- زيارتي للصخيرات :

طبعاً لكل عشاق البحر والسباحه فيه مافيه أفضل من بحر الصخيرات لأسباب : منها نظافة الشاطيء والبحر والسبب بعده عن الرباط لذا قليل مايأتي الناس إليه .

ويوجد في على البحر شاليهات
والذي لفت انتباهي في فندق لاأعرف أسمه لكتابته بالإنجليزيه وأنا بصراحه الإنجليزي عندي صفر ، المهم الفندق على البحر وفي مطعم وكوفي على البحر بصراحه قمة الروعه الجلسه فيه طبعاً قدام المطعم والكوفي مسبح بعدين خاص للفندق وبعده البحر يعني مسبح الفندق والبحر قدامك . وهذي صور لجلسات الكوفي والمطعم :

بس حنا عندنا عادات وتقاليد ماتطلع الأسرار
وأسرارك ياأبو راشد في بير

ــ نتابع الحلقة الثالثة ـــ

3 - زيارتي لأبي رقراق :

البعض يروق له الجلوس قي مقاهي أبي رقراق ، والذي لفت انتباهي أثناء جلوسي في كوفي في ابي رقراق كان شاب في مقتبل العمر جايب معه رجل كبير بالعمر وأتوقع أنه تجاوز الميه من عمره أشك أنه أبوه من كبر عمر الرجل وأتوقع أنه الجد ، وجلسو في كوفي على طاوله على النهر ، (( وأنا بقلبي أقول والله من قل ماسواها جدي ، شيبان السعوديه بس يوصل عمره 70 وسواليفه عن الموت وكل ماجلسنا في إستراحه وزانت الجلسه بدأ جدي يسولف عن الموت ))

ـــ نتابع الحلقة الثالثة ـــ

4- زيارتي للهرهوره :

الهرهوره لها عشاقها والبعض يفضل السكن في الهرهوره لبعدها عن المدينه ويريد الهدوء أكثر رغم أن الرباط فيها من الهدوء مايكفيها ، وبصراحه أنا مايعجبني غير السكن في وسط الرباط .

نسمع كثيراً عن منتجع الياسمين بالهرهوره وكثير من الناس يسبوه ولا يثني عليه قلت خليني أشوفه وأشوف السكن بالمنتجع دخلت وأخذ لفه طبعاً السكن مجدد يعني أفضل من قبل ولكن ، سألنا عن أسعاره 1200 غرفتين وصاله ومطبخ ودوره مياه أعزكم الله . في يوم من الأيام سهرة في الياسمين كلوب وبصراحه السهره لم تعجبني .
وهذ صوره لمدخل منتجع الياسمين

وهذي صوره لبحر الهرهوره