تجربتي لمطعم أزيام

شكرا للنصيحة بس اعتقد المطعم كلاس وما شفت هالشيئ منه لأني أختار بنفسي ونفس اللي أختاره يجي على الطاولة

هي تجربة شخصية صارتلي فحبيت ماتصير لناس ثانيين


مع إني أكلت فيه كذا مرة

بس وقت يشوفو ناس أجانب مش مغاربة يستغلو الموقف

إن إخترتي من عالمنيو مو مشكله نفس السعر هو هو مايتغير ونفس اللي طلبتي يجيك

لكن إن قالولك تعال شوف سمك وبلشو يعرضو عليك أسماك من اللي حاطين ف وقت تختار راح يحطها بالميزان وقتها إسألو على السعر .... إن قالك فقط الوزن وماحددتي معاه سعر الشي اللي إخترتي تتفاجأ بعدين بشي حجمه أكببببرررر وسعر حدث ولا حرج ههههه

أما كتعامل فبصراحه بشوشين والمطعم هادئ جدا وديكوره حلو وحتى البايلا عندهم تجنن

وملاحظة أخرى مرة من المرات بالنهار كان حر والطاولات اللي جوا كلها تقريبا يضايقك الذباب ... يمكن بسبب الحر وماحاطين يمكن ذيك الشغله اللي تقتله !

__________________
كلآم الناس بالنسبة لي ،، مكآلمة لم يتم الرد عليهآ ..!!!

انا من النوع اللي ما ادقق زيادة الصراحة ودائما عندي كل الناس صادقين ألا أن يثبت العكس
المطعم حلو وخدمته حلوة حتى مكان الاكل طلبت فوق منظر بانورامي على المارينا ودرابزين زجاجي يحيط بالجلسه البانورامية غير كذا يوم جيت لهم ماكان في موقف سيارة لسيارتي كلها فل اخذ مفتاح سيارتي مدير المطعم وطلع طومبيله ووقف سيارتي مكانه
وخدمة البنات برضو حلوة وانا طالع اكرمت اللي تخدم علي بالطاولة من الفرحة طلعت لسيارتي برا تشكرني
تجربة مزيانة وسأكررها

يس تعاملهم بشوش البنات وخدومات أنشهد


بس أنا حطيت تجربه شخصية صارت ومو معناه كل الناس راح تصيرلهم ... وكيف قلتلك أنا أكلت فيه كذا مرة والموقف صار مرة وحده فقط


بنفس الوقت حطيت إيجابياتهم .... بس وجب التنبيه لأن كيف ماصار لشخص ممكن يصير لإثنين وثلاث .... لهالسبب شرحت الموقف كيف صار بالتفصيل وكيفية التعامل عشان ماحد يطيح فيه !

أما أحسن شي الواحد يطلب من المنيو وين ماراح

بالنسبه للسعر أنا مثلك ما أدقق (وقت يكون سعر موحد مثل اللي فالمنيو)بس وقت الشغله يكون فيها إستغلال أو إستغفال تفرق .... بس إني أختار شي ويجيبولي شي مثله بنفس النوعيه لكن حجم تبع ثلاثة أشخاص مو شخص واحد ويحسبون السعر ثلاثة أضعاف اللي طلبت هنا يكمن الإستغلال

__________________
كلآم الناس بالنسبة لي ،، مكآلمة لم يتم الرد عليهآ ..!!!