عشاق اقادير مدينتكم تناديكم عندي مبادره

السلام عليكم اخوتي عشاق اقادير اعرف هذه المدينه من ٢٠٠٤ والحقيقه ياخوتي لاحظت ان اغلب من يدخل القسم يسال عن المطاعم والفنادق واماكن السهر وكم سعر الصرف ايجار السيارات طبعا الكل معذور لانه سايح ويرغب في قضاء اجازه ممتعه بلا منغصات اخواني مدينه اقادير مدينتنا الجميله تغيرت كثيرا لاسواء من ناحية النظافه وقدم الفنادق وهذا الشي بقول سكان اقادير انفسهم ولكن مادورنا نحن عشاق وسياح اقادير هل تفكر فالعوده مره اخرى لتجد ذلك البحر الجميل والكورنيش والهواء العليل مره اخرى بالطبع هل فكر احدنا بمبادره فرديه من تلقاء نفسه تجاه المدينه وتعطى انطباع عنا اخوتي اعلم ان الكل جاي يرتاح وينبسط ولكن اذ هذا حال المدينه والامكانيات قليله اين ثقافه التطوع اذ كنا نحب اقادير المدينه من هنا اخواني فكرت في عمل تطوعي لجميع المزاعيط والذين من الخليج تخصيص يوم والنزول الي الشاطي الكورنيش وتنظيف الشاطي من العلب ساعه واحده فقط والمطلوب كيس صغير تجمع فيه هذه لفارغه والاكياس البلاستيكيه وجميع صدقوني ستكون اجمل مبادره تطوعيه وتعطي انطباع عن السياح الخليجيين وستكون مساهمه في نظافة المدينه الي نحبها لتبقى كما هي فقط مجموعه من عشره او عشرين شخص ومن في الشاطي عندما يرونهم يزداد العدد وبالتالي سيكون المنضر جميل والشاطي اجمل وبعد ذلك ستكون عاده للسكان والسياح على حد سواء ارجو التفاعل ومشاركة سناب المزاعيط جميل ان ننمي روح التطوع وتقبلو تحياتي مايضر ساعه واحده

اخواني كلامي موجه للسواح المجموعه او القروب الي ساكنين مع بعض هم الي ياخذون بزمام المبادره واقترح الانطلاق بعد العصر والتجمع امام مطعم القلعه المؤيد مبادرة تنظيف الشاطي
فقط كيس صغير تحمله في يدك وتحمل جميع العلب الفارغه والاكياس البلاستيكيه والاوراق وعلب المياه الفارغه والزجاج الملقى على الارض اعرف ان الكثير فيهم الخير ولايمانع اذن نعتبرها نزهه على الاقدام ورياضه ونظافه معا وفقكم الله

مبادره حلوه وتشكر عليها بس والله شاطىء اغادير نظيف

مبادره ضاربه عرض الحائط بسرعة جنونية

بالله عليك تخيل وأم العيال تشوفني في التلفزيون وأنا ماسك المكنسة ورافع الثوب ومشمر الساعدين وهاتك يا تنظيف في شوارع اغادير،،،،،، يا رجل حنا ما نروح للمغرب إلا بعد المرور بكذا دولة لأجل الاحتياطات الأمنية خوفاً من كلام الاقارب والخوف الأكبر من أم العيال.
وفي الأخير يكشفوني انظف شوارع اغادير،،،،،،، ياالله إني دخيلك

ههههههههههههه ضحكني هالرد يا ساتر
انا اسوي اعلان عام قبل اسافر للمغرب ههه واللي تبين اجيب لها زيت زيتون واللي تبين اجيب لها فواكه مجففه واللي تبي اغراض زينه نسوان تقليديه الهدايا ميزانيه خاصه ههه بس اغرب طلب اختي الكبيره اغلى الناس تقول احضر محاضرات شيخ بالرباط اسمه سعيد الكملي قلت ابشري ههه رحت بحضر بالجامع الكبير دياله بالرباط اللي على شارع محمد الخامس بس قالوا الشيخ مسافر لاغادير زعلت اختي تقول كذاب مارحت هههه مع اني والله رايح بس الثقه معدومه هههه
انا ماتزوجت بس لو تزوجت ماتفرق لان زوجتي راح تكون من المغرب الحبيب

?????????????????????????????????????????????????? ??????

ههههههههههههههههه ياخي انت رهيب

فالسفره الاخيره لاحظت غير نظيف بسبب قلة الاهتمام من الناس الي تسبح والمهم فالموضوع المبادره نعطي شوي لمدينتنا المه بروح الفريق الواحد شكرا لمرورك الكريم

من جدك ؟؟

ناوي تنكب المزاعيط يالحبيب ...

من زين اشكالنا وصورنا منتشرة بالسوشل ميديا ... وتعليقات اخواننا المغاربة ... مسوين هاشتاق ترند واصل السعودية وجالسين يمدحون في السواعده مادروا أنهم مورطينا بالضفه الأخرى وسيرتنا على كل لسان ..

__________________

الحياة ليست عدو لنا بل صديق مشاكس

هذا التعليق اضحكني جدا ههههه لاتخاف اخوي لو انعمل هشتاق اوعدك حيكسر الدنيا والي فالضفه الاخرى ماراح يزعلون بالعكس انت اعطيت صوره حسنه الكل يتمناها