مسافر مراكش لوحدي وأول مره

المشاركة الأصلية كتبت بواسطة azoz108

بس مراكش وشخص واحد مو سئية عادي بتمشي امورك
بس لو تبي نصيحتي دامك وحداني وجه لاقادير مدينة تصلح لشخص واحد بامتياز
واذا موجهه على مراكش مثل ماقالوا الشباب عليك بنصايح مشعل وراح تكون سفرتك هانيه
سفره سعيده وبالتوفيق اخوي...

المشاركة الأصلية كتبت بواسطة آبوصالح

خخخخخخخخ

قريت ردك الاول قلت اتحداه اذا مارد ثاني مره

دامك عاد طريت اقادير انا والله ناوي هالمره طنجه
وكازا وبلحالي واخر سفره قبل عشر سنين كنت لحالي
ورحت اقادير اول يوم عيد الفطر بالمغرب صراحه اجواء
ولا في الخيال والدسكوااات فللللل
وقريت ردودك ومسكتها معي على اقادير
ومتاكد لو صاحب الموضوع قرا ردودك بيغير الوجهه

تحياتي لك يا مدير كبيرررر

المشاركة الأصلية كتبت بواسطة السائح المثالي2

الميزانية تكفي وأنا أخوك بشرط .. أول ما توصل خذ لك سيارة ومباشرة رح أغادير اجلس فيها 4 أيام ثم مراكش 3 أيام وكذا تكون فليتها وعرفت المغرب مبدئيا ..
لكن 7 أيام بمراكش كثيرة مرة .. وبخصوص السكن اسكن باغادير بفندق صحارى دام الميزانية موب عالية .. وبمراكش اسكن بفندق باعطيك اسمه بالخاص عشان ما يتكاثرون فيه ربعنا ونظامه فري كل شي وسعره 1000 درهم لليوم ..

المشاركة الأصلية كتبت بواسطة azoz108

مرحبا فيك اخوي العزيز
اولا سفرة سعيدة ان شاءالله.....

بالنسبة للسفر من كازا اذا مالقيت طيران
خذ سيارتك من المطار واكتب باللوكيشن اقادير ونيشان بتجاه الحب اقادير طريق هاي واي امن ولافيه اي شي الين توصل اقادير كلها 4 ساعات وانت باقادير

بالنسبة لايجار السيارة فيه معلنين بالمنتدى وكويسين بشهادة الكل والاسعار متفاوته على حسب نوع السيارة

بالنسبة للسكن خليجي اقادير رائع جدا لكن يعيبه الغلاء والثمن المبالغ به
خليجي اقادير سعره 1500 درهم لليلة
بالنسبة للمارينا خذ بالفندق اذا بتسكن بها وابعد عن شقق الملاك
فندق المارينا الان بتحصله على السعر الشتوي
اسعارهه الان غرفة ب900 وغرفة وصالة ب1200 درهم ويمكن اذا كثرة المدة يخلونها لك ب1100 درهم

و ترى اقادير خيارات السكن فيها كثيرة
عندك فندق صحارى جيد ومجدد فيه احيانا ازعاج من اخوانا الكويتين بس ماعليه تمشي الامور

وعندك فندق قصر الورود وسعره كويس تغريبا 800 درهم
المهم بختصاز خيارات السكن كثيرة وامنه

بالنسبة لفتح الحساب عادي جدا انا بصراحه. سفراتي الاخيرة كلها اخد فلوسي كاش وحطها بالسفتي بوكس مع ان عندي حساب مغربي بس يبيلك تنتبه شوي

السهر اذا انك راعي سهر لاتتعدى دسكو تايقر واذا انك ساكن بخليجي اقادير تروح له على رجوولك قدام الفندق مباشرة
وفيه دسكو كاش ودسكوا مليونير بس نصحيتي لاتتعدى تايقر
وعندك مزيكا يفتح من 7 المساء وبعد الساعة 12 يصير سهرة بس مايصلح بعد 12 يصير فاضي حلاته المغرب الى 10

عندك خيمة خليجي اقادير تفتح من 10 الى 2 حلوه وفيها وجيه حسنه

التمشيات عندك المارينا كلها كفيهات على البحر واجواء خرافيه راح تعيش بها لحظات حلوه

وكمان منطقة تغازوت على البحر تبعد عن وسط المدينة نص ساعة حلو انك تمرها وتاكل بها طواجن و الى اخره

المطاعم الخليجة باقادير
فية مطعم قلعة المويد بالمارينا
ومطعم اسماعيل
ومطعم مندي السلطان


نصائحي لك بما انك مسافر اول مره شغل انتباهك شوي بس وراح تكون مبسوط على الاخر وترى اقادير مدينة واضحه جدا وبسيطة من اول يوم راح تفهمها وتفهم كل نظامها

بالتوفيق اخوي اتمنى انك افدتك واذا فيه اي استفسار ابشر .